طلب من ملاك الاسكورت لتسعير العربية دي لو سمحت

**magdy_momo** · 27-10-2011 03:19 AM

دلوقتي يا جماعه انا نويت ان شاء الله اشتري الاسكورت و اقتنعت بيها و اتفرجت علي عربية موديل 99 فابريكا برا و جوة من الاكصدام للاكصدام و لونها نبيتي 1300 و تكييف بس
و الراجل طالب 33 من بقه .. يا تري انزل معاه لغايه ايه و ايه السعر المناسب ليها ..
عشان انا ان شاء الله نازل السوق الجمعه دي اتفرج لو مليش نصيب في دي
و شكرا مقدما

**mido51eg** · 27-10-2011 10:28 AM

الأول اتأكد اذا كانت فابريكة برة وجوه زي الراجل مابيقول وده عن طريق سمكري ثقة يقول لك. وكمان تتأكد من الحالة العامة للعربية ، موتور ، عفشة ، التكييف شغال كويس ولا لأ ، حالة الصالون ... الخ.
لو العربية طلعت كويسة زي مابتقول اعتقد 29-30 الف هيبقى كويس عليها. ولو مالكش نصيب فيها برضه ابعد عن السوق ، معنديش ثقة خالص في العربيات اللي هناك وبحس ان كلها عربيات مشمومة وفي المنتدى فيه تجارب كتير للأعضاء وكلها تجارب سيئة في السوق.

**zakariaa** · 27-10-2011 11:23 AM

نصيحة من مجرب :) ، ابعد عن الاسكورت ال 1300 عشان الماتور ضعيف جدا علي جسم العربية و التكيف بتاع ال 1300 ملوش لزمة و تقيل علي الماتور ، هات 1600 سي سي جمدة جدااااا و في حدود ال 33000 ، اسال مجرب :)))

**magdy_momo** · 27-10-2011 03:56 PM

بالنسبة لحالة العربية فيها بحاله المصنع و الراجل اللي معاه العربيه ده مش تاجر و ثقة الحمد لله .. بس انا دلوقتي بتكلم في السعر يعني لو خلصتها مثلا علي 31 يعتبر كتير عليها ؟؟
و هل ممكن اجيب ب ال 31 دول واحده 1600 كاملة نضيفة زيها و لا لأ ؟؟؟؟؟؟

**mido51eg** · 27-10-2011 04:53 PM

طبعا الـ 31 الف دول مش ممكن يجيبوا 1600 نضيفة. العربية اللي بتقول عليها لو تخلص بـ 31 الف بشرط انك ماتحطش فيها جنيه واحد مصروف تبقى مش بطالة. انت ماقولتش هي عاملة كام الف كيلو وحالة الموتور والتكييف والحاجات دي.

**egytamer** · 27-10-2011 07:31 PM

ال1300 حلوة من غير تكيف بالتكيف هتبقي تقيلة جدا ولو فابريكة برا وجوا تبقي ممتازة علي 31 او 32

**magdy_momo** · 27-10-2011 08:08 PM

انتو كلكو حيرتوني و الله .. انا اللي عاجبني في العربية انها جديده بمعني الكلمة و مش هتحتاج جنيه مصروف
بس 31 ده تمنها و لا في اعادة البيع هخسر فيها :( :(

**meda2711** · 28-10-2011 03:04 AM

لو العربية عجباك وسعرها انت شايفه مقبول بالنسبة لك وشايف ان حالتها ممتازة ومرتاحلها يبقى اتكل على الله
اهم حاجة فى الشراء انت تكون حابب الحاجة ومرتحالها بجانب الحالة الممتازة

**mido51eg** · 28-10-2011 03:08 AM

ماتحترش .... العربية حلوة لو خلصت على 31 الف جنيه بشرط الحالة النضيفة وانك ماتصرفش عليها. وبالنسبة لإعادة البيع ماتشغلش بالك بيها لو انت ناوي تحتفظ بالعربية لفترة كبيرة ، يعني مش واخدها تتاجر فيها.

**magdy_momo** · 28-10-2011 09:47 PM

شكرااا ليكو كلكو انا لسه راجع من السوق و لقيت الاسعار ضاربة في العلالي خااالص
ان شاء الله احاول اخلص الفابريكا دي علي 31

الموضوع: طلب من ملاك الاسكورت لتسعير العربية دي لو سمحت

LinkBack

أدوات الموضوع

عرض

-

-

-

-

-

المواضيع المتشابهه

الى ملاك الاسكورت الحقووونى

استفسار لو سمحت ل ملاك هيونداى

لو سمحت تسعرو العربية دي

لو سمحت الناسى الى بتشتغل او بتفهم فى نطام الصوت ضرورى لو سمحت

عاوز اعرف العربية دية بكام لو سمحت

الكلمات الدلالية لهذا الموضوع

المفضلات

المفضلات

ضوابط المشاركة