الفرق بين السيتى 2007 (1500cc) والسيتى 2008 (1300cc)

إخوانى الأعزاء،
أعتزم شراء سيارة جديدة ومن خلال البحث والمقارنة أعجبتنى كثيرا الهوندا سيتى مقارنة بمثيلاتها فى نفس الفئة السعرية وكنت أعتزم شراء السيتى موديل 2008 (1300cc) نقل أوتوماتيك وذلك لعدم توافر فئتها الـ (1500cc) أوتوماتيك.
عند زيارة معارض الشركة المصرية للسيارات نصحونى بالابتعاد عن هذه السيارة وفضلوا عنها النيسان صنى. بصراحة أصابنى التردد بعد هذا الكلام فها أنا ذا ألجأ إلى زملائى بالمنتدى من ذوى الخبرة والتجربة. وأسئلتى كالتالى:

1- هل هناك من عيوب فى السيتى الأوتوماتيك موديل 2008 (1300cc) مثل ضعف السحب أو عيوب بالتكييف أو أى عيوب أو محاذير أخرى تمنعنى من الشراء؟

2- رأيت على موقع "كونتاكت كارز" عرض للسيارة السيتى موديل 2007 (1500cc) بناقل مانيوال. فهل تنصحونى بشراء الـ 1500cc؟ وماهى الفروق بين السيارتين بالتفصيل ومنها المساحة الداخلية لكلا السيارتين؟

3- هل حقاً تتفوق النيسان صنى على السيتى بموديليها المذكورين مع العلم بأننى أريد أن تجمع سيارتى بين التفرد والجودة والأمان والكفائة كما تصلح لأن تكون سيارة عائلية.

أخيراً أشكركم شكراً جزيلاً وأنتظر ردودكم المفيدة كى تنير لى الطريق قليلاً.

اقتباس:

---

المشاركة الأصلية كتبت بواسطة Yanouk

إخوانى الأعزاء،
أعتزم شراء سيارة جديدة ومن خلال البحث والمقارنة أعجبتنى كثيرا الهوندا سيتى مقارنة بمثيلاتها فى نفس الفئة السعرية وكنت أعتزم شراء السيتى موديل 2008 (1300cc) نقل أوتوماتيك وذلك لعدم توافر فئتها الـ (1500cc) أوتوماتيك.
عند زيارة معارض الشركة المصرية للسيارات نصحونى بالابتعاد عن هذه السيارة وفضلوا عنها النيسان صنى. بصراحة أصابنى التردد بعد هذا الكلام فها أنا ذا ألجأ إلى زملائى بالمنتدى من ذوى الخبرة والتجربة. وأسئلتى كالتالى:

1- هل هناك من عيوب فى السيتى الأوتوماتيك موديل 2008 (1300cc) مثل ضعف السحب أو عيوب بالتكييف أو أى عيوب أو محاذير أخرى تمنعنى من الشراء؟

2- رأيت على موقع "كونتاكت كارز" عرض للسيارة السيتى موديل 2007 (1500cc) بناقل مانيوال. فهل تنصحونى بشراء الـ 1500cc؟ وماهى الفروق بين السيارتين بالتفصيل ومنها المساحة الداخلية لكلا السيارتين؟

3- هل حقاً تتفوق النيسان صنى على السيتى بموديليها المذكورين مع العلم بأننى أريد أن تجمع سيارتى بين التفرد والجودة والأمان والكفائة كما تصلح لأن تكون سيارة عائلية.

أخيراً أشكركم شكراً جزيلاً وأنتظر ردودكم المفيدة كى تنير لى الطريق قليلاً.

---

تنت بس هقول لحضرتك ان الموديل المانوال من ال 1500 فيه ABS+EBD و جنوط سبور و ده اكيد حاجات مهمة

الحاجات دى مش موجودة فى الصنى او السيتى 1300

دى فعلاً حاجات مهمة، بالإضافة لإنى ما كنتش اعرفها. لكن يا ترى عندك فكرة إذا كان فيه أى اختلاف فى المساحات الداخلية بين العربيتين - الصالون والشنطة - وإذا كان فيه إختلاف مهم فى الشكل الخارجى كمان؟ أشكرك فعلاً على معلوماتك المفيدة.

اقتباس:

---

المشاركة الأصلية كتبت بواسطة Yanouk

دى فعلاً حاجات مهمة، بالإضافة لإنى ما كنتش اعرفها. لكن يا ترى عندك فكرة إذا كان فيه أى اختلاف فى المساحات الداخلية بين العربيتين - الصالون والشنطة - وإذا كان فيه إختلاف مهم فى الشكل الخارجى كمان؟ أشكرك فعلاً على معلوماتك المفيدة.

---

لأ مفيش اى اختلافات

هى نفس العربية , بنفس الابعاد, و الشكل فى اختلاف فى الفوانيس الخلفية

يا أخى أنا فعلاً متشكر على ردودك المفيدة ليه بالتأكيد. يا ريت يا جماعة لو حد عنده إضافات تانية يثرى بيها الموضوع أكون شاكر.

1.5L comes in 15" wheels and the new 1.3L in 14

والله الحقيقة يا جماعة، إنتوا بتزودوا قناعتى بالعربية دى وبترجعونى لقناعتى الأولانية بيها قبل ما يشككنى فيها مندوب المصرية للسيارات. يا ريت إخوانى اللى مجربينها واللى عندهم خبرة بيها يزيدونى من علمهم وخبرتهم عنها وياريت لو فيه أى مشاكل أو عيوب أو قلق من أى نوع تصارحونى بيها برضه حتى من باب العلم بالشيئ. ويا ريت لو عندكم لى أى نصايح ما تبخلوش بيها، الواحد موش كل يوم بيجيب عربية يا جماعة وللا إيه. :)

عندى كمان سؤالين:
1- ياترى الساوند سيستم على الـ 1500cc أربع سماعات وللا إتنين بس زى الـ 1300cc؟ وكمان هل الكاسيت على الـ 1300cc لو ركبت عليه أربع سماعات هيبقى متوافق معاها؟ يعنى الفيد آوت بتاع الكاسيت متصمم علشان يغذى أربع سماعات؟
2- كمان يا جماعة هل سحب الـ 1300cc سيئ زى ما الناس بتقول؟ ويا ترى لو السحب موش وحش وهى جديدة بيبقى سيئ لما العربية تقدم فى العمر؟

لكم جزيل شكرى مقدماً على معلوماتكم نصايحكم الغالية.

خلى بالك من نقطة مهمة كل معارض السيارات تنصحك بالابتعاد عن هوندا وتأخذ اية عربية تانية تكون وافقه عنده نيسان او تويوتا لأن اصلا الشاب الواقف على العربيات لا يعرف اية شئ عن اية سيارة من امكانيات و قوة محرك وتصنيع هو مجرد امامه سيارات بيصرفها وخلاص انا شخصيا قابلت كثير منهم و اكثرهم ميعرفش ان السيارة الهوندا الضمان بتعها 125000 او 3 سنوات ويغالطنى ويقول لى انها سنة واحدة او 60000 ويأكد لى ذلك رغم انها دى بدايات وليست فنيات و تصنيع صينى اية كلام

أخى ahmd123،
والله عندك حق فعلاً، أنا عارف إنهم مجرد موظفين وغير مهيئين كمان. بس تعمل إيه للفار اللى ما بيصدق يلعب فى عب الواحد مع أى لحظة شك. علشان كده أنا حبيت أستعين بإخوانى فى المنتدى يوعونى ويعرفونى اللى ما اعرفوش عن العربية سواء مميزات أو عيوب وعلى أساسه أقرر وأنا مطمئن. وعلى فكرة دى هتبقى أول فرحتى العربية دى إن شاء الله، علشان كده عايز أدقق كويس منعاً للندم وقت ما ينفعش الندم. وشكراً.

حضرتك ليه مافكرتش فى الياريس 1300 سى سى
92 حصان