الفتيس الاوتوماتك العادى الخاص بالكورولا 2010

**elgohary20012** · 27-10-2011 03:56 PM

السلام عليكم انا عندى تويوتا كرورلا 2010 هاى لاين جنوب أفريقى عملت بها 12000 لحد الأن هى عربية جميلة وفيها كمليات جميلة تقريبا كل حاجة بس انا لاحظت فيها حجتان لحد دلوقتى مش عجبنى اول حاجة فتح الشنطة من جوة الصالون فية مشكلة رحت الى التوكيل عشان أصلح العيب دة أكثر من 4 مرات و فى الحقيقة هما بيصلحوه بس بعد 3أيام أستعمال بيرجع يبوظ تانى و أنا أعتقد أن العيب فى الوير الحديد ذات نفسة ولذلك انا قررت أغيرة كلة وللاسف حيكلفنى مش أقل من 400 جنية مع أن العربية لسة فى الضمان ....تانى حاجة أنا من النوع اللى بيجرى و سكتى كلها سفر صحراوى لاحظت أن الفتيس مش قوى كفاية مش عارف دة صح ولا لاء؟؟؟؟ على الأقل كانت محتاجة cvt يمكن بس أنا بجيب 180 كسرعة قصوى للعربية وراكب فيها لوحدى وبعد كدة من الممكن تجيب 190 بس حسب السكة و سرعة الهواء و لكن سرعتها الأساسية 180 مع أن أنا سمعت أن الفتيس mmt القديم كان عفى جدا لدرجة أنة كان بيخلى العربية تجيب 200

**elgohary20012** · 27-10-2011 04:19 PM

ياريت ياجماعة اللى عندة نفس العربية يدخل و يشارك ويقولى أية رأيوا فى الكلام دة

**elgohary20012** · 27-10-2011 04:28 PM

ياخبر أبيض أية ياجماعة مفيش حد عندة العربية دة غيرى ولا أية ؟؟؟؟؟؟؟؟؟؟؟؟؟؟؟؟؟؟

**محمد محمد** · 27-10-2011 09:11 PM

موضوع الوير متكرر في غربيات كتير وياما عملته في الضمان ورجع تاني...مهندس السمكرة بتويوتا العبور عمللي اختراع في الوير ودفعني 40ج من ساعتها الوير مفيهوش اي مشاكل...الإختراع ده طلع انه حط امير اللى بيلزق علي جزء من الوير فعمل دعامة للوير ومبقاش يقطع تاني.

**elgohary20012** · 27-10-2011 09:40 PM

مش فاهم ياأستاذ محمد قصدك أية لزق أمير هو مش بتقطع هو زاى بتقول بيحتاج أن يتشد أو بمعنى أصح يتلجلش علية ...و أية رأيك حضرتك فى باقى الكلام

**محمد محمد** · 27-10-2011 10:52 PM

المشاركة الأصلية كتبت بواسطة elgohary20012

مش فاهم ياأستاذ محمد قصدك أية لزق أمير هو مش بتقطع هو زاى بتقول بيحتاج أن يتشد أو بمعنى أصح يتلجلش علية ...و أية رأيك حضرتك فى باقى الكلام

اللى انا فهمته بالبلدي كده ان الوير طري فيبفلت من الكالون هو بقي حط امير علي الوير علشان ينشف.
عدم الإحساس بالقوة ممكن يكون بسبب ان الفتيس الأوتوماتيك بينقل علي ار بي ام منخفض وبالتالى عزم اقل فمش هتحس بالتسارع العالى للسيارة كمان فيه معلومة جديدة عرفتها من العضو ميدو سيريون ان فتيس الكورولا الجنوب الأفريقي الأوتوماتيك 2010 5سرعات امامية وليس 4 سرعات.

**asemx1** · 28-10-2011 02:31 AM

نصيحه ....

هتسمع كلام مش كويس عن العربيه دى
حاول تتعود عليها بطريقتك واستخدم النقلات الى فى الدركسيون الى الناس بتتمناها فى عربياتها وهتلاقى سحبها حلو
تانى حاجه 180 كيلو دا انتحار اتمنى التمهل للحفاظ على حياتك وعلى السياره كمان
السرعات العاليه بتخدش البهيه وبتبهدل الاكصدام الامامى لو رملايه جت عليه
العربيه ممتازه رغم الناس الى بتشتكى منها وانا اتمنى عربيه زيها بصراحه برقبه اليابانى لو نفس الموديل
سواء خامات او ماتور او تكنولوجيا وكماليات عربيه 10على 10

الفتيس سهل التعود عليه وتقدر انك تخرج منه اقصى سرعه وعزم لو نقلت على المانيوال واعتبر نفسك دوست على البنزين جامد فى الاوتوماتيك العادى وعملت كيك داون

خلاصه الكلام حاول تتعود عليه وماتكرهش نفسك فيها هيا نظامها كدا بس عايزه تعود

**ashrafE51** · 28-10-2011 11:13 AM

المشاركة الأصلية كتبت بواسطة elgohary20012

السلام عليكم انا عندى تويوتا كرورلا 2010 هاى لاين جنوب أفريقى عملت بها 12000 لحد الأن هى عربية جميلة وفيها كمليات جميلة تقريبا كل حاجة بس انا لاحظت فيها حجتان لحد دلوقتى مش عجبنى اول حاجة فتح الشنطة من جوة الصالون فية مشكلة رحت الى التوكيل عشان أصلح العيب دة أكثر من 4 مرات و فى الحقيقة هما بيصلحوه بس بعد 3أيام أستعمال بيرجع يبوظ تانى و أنا أعتقد أن العيب فى الوير الحديد ذات نفسة ولذلك انا قررت أغيرة كلة وللاسف حيكلفنى مش أقل من 400 جنية مع أن العربية لسة فى الضمان ....تانى حاجة أنا من النوع اللى بيجرى و سكتى كلها سفر صحراوى لاحظت أن الفتيس مش قوى كفاية مش عارف دة صح ولا لاء؟؟؟؟ على الأقل كانت محتاجة cvt يمكن بس أنا بجيب 180 كسرعة قصوى للعربية وراكب فيها لوحدى وبعد كدة من الممكن تجيب 190 بس حسب السكة و سرعة الهواء و لكن سرعتها الأساسية 180 مع أن أنا سمعت أن الفتيس mmt القديم كان عفى جدا لدرجة أنة كان بيخلى العربية تجيب 200

اعتقد ان الاتوماتيك 4 سرعات وليس بقوة سحب المانيوال ---
الفتيس mmt - خمس سرعات وبقوة المانيول -- بتشد زي ما انتي عاوز بالعربية --- حتي 210
بس ربنا يسهل ويكون اخر تظبيط للفتيس

**elgohary20012** · 29-10-2011 02:37 PM

ردا على الأستاذ asmex العربيىة مفهاش الفتيس mmtدة فتيس أتو عادى 4 نقلات و دة ردا على كلام الأستاذ محمد اعتقد أنها 4 نقلات فقط أما الفتيس mmt عدد نقلاتة 5 ..أما بالنسبة للعزم انا فعلا بحتاج ادوس على دواسة البنزين لكى أعلى rpm و أحصل على عزم و سرعة لانة بأعتقد انة بينزل نقلة و خصوصا على الطرق السريعة فى مرة دوست على دواسة البنزين و كنت ماشى مش أقل من 130 وrpm وصل الى 6 لمدتة سنيتين فجاءة كانت خلاص العربية وصلت الى سرعة 170 وطبعا رجع تانى الى 4 أو 5 مش فاكر.... مش عارف مش عايز أتعود على كدة لأن حاسس أن دة حاجة مش كويسة للعربية بس أنا وقتها كنت فعلا محتاج السرعة مع العزم فيرات ياجماعة الكلام دة صح ولا أية؟؟؟؟

**sab3aawy** · 29-10-2011 09:41 PM

المشاركة الأصلية كتبت بواسطة asemx1

نصيحه ....

هتسمع كلام مش كويس عن العربيه دى
حاول تتعود عليها بطريقتك واستخدم النقلات الى فى الدركسيون الى الناس بتتمناها فى عربياتها وهتلاقى سحبها حلو
تانى حاجه 180 كيلو دا انتحار اتمنى التمهل للحفاظ على حياتك وعلى السياره كمان
السرعات العاليه بتخدش البهيه وبتبهدل الاكصدام الامامى لو رملايه جت عليه
العربيه ممتازه رغم الناس الى بتشتكى منها وانا اتمنى عربيه زيها بصراحه برقبه اليابانى لو نفس الموديل
سواء خامات او ماتور او تكنولوجيا وكماليات عربيه 10على 10

الفتيس سهل التعود عليه وتقدر انك تخرج منه اقصى سرعه وعزم لو نقلت على المانيوال واعتبر نفسك دوست على البنزين جامد فى الاوتوماتيك العادى وعملت كيك داون

خلاصه الكلام حاول تتعود عليه وماتكرهش نفسك فيها هيا نظامها كدا بس عايزه تعود

صاحب السيارة يمتلك السيارة ذات الفتيس الأوتو العادى، اللى هو زى اللى فى الياريس والصنى والسيفيك والكورولا القديمة شكل 2000-2007، اللى هو من غير شفيتات ومافيهوش مشاكل من اى نوع، مش الفتيس mmt اللى حضرتك بتتكلم عليه

بالنسبة لصاحب العربية انا معايا نفس العربية بنفس الفتيس (الأوتو العادى بدون شيفتات) ومبسوط من العربية جدا بس انا بطبيعتى مش بجرى وآخرى فى الطرق المفتوحة 140 والعادى 100-120 ومرة واحدة جبت 160 وبالتالى مش هقدر افيدك فى موضوع السرعة

الموضوع: الفتيس الاوتوماتك العادى الخاص بالكورولا 2010

LinkBack

أدوات الموضوع

عرض

-

-

-

-

المواضيع المتشابهه

ايهم افضل بلنسبه لك الفتيس العادى التقليدى ولا الفتيس الـــ cvt

الفتيس الاوتوماتك

هل من الضروري ( فك وش الفتيس الاوتوماتك ) عند تغيير زيت الفتيس ؟

وداعا كامرى 99 واهلا بالكورولا 2010

أريد الكتاب الخاص بالكورولا

الكلمات الدلالية لهذا الموضوع

المفضلات

المفضلات

ضوابط المشاركة