ممكن اعرف تغير دفيره وعلبه فيوزات الابيزا 94 يتكلف كام ويترا فك التابلوه ليه مصنعيه لوحده ولو ليه مصنعيه بتكون كام ياريت اهل الخبره يردوا عليه بسرعه احسن حاسس ان الصنيعى بيشتغلنى
عرض للطباعة
ممكن اعرف تغير دفيره وعلبه فيوزات الابيزا 94 يتكلف كام ويترا فك التابلوه ليه مصنعيه لوحده ولو ليه مصنعيه بتكون كام ياريت اهل الخبره يردوا عليه بسرعه احسن حاسس ان الصنيعى بيشتغلنى
فك وتركيب التابلوه ده لتغيير الضفيرة من صميم عمل الكهربائي ومصنعيته مش لوحدها هي داخلة جوة الشغل
اولا انت بتغير ليه الضفيرة وعلبة الفيوزات دي شغلانة كبيرة جدا لازم تفك التابلوه كاملا والفرش اللي تحته
بالنسبة للمصنعية هتبقي في حدود 250 جنيه
السلام عليكم
حضرتك تقصد ضفيرة الحوض ولا ضفيرة العربية
خد باللك وانت بتفك التابلوه تحتيه لباد لعزل حرارة الموتور عن صالون العربية خليه ميقطعوش وياخد باله ويرجعه زي ماهيفكه عشان حرارة الموتور متبهدلكش العربية والتابلوه ,واعتقد يااحمد مبارك ان الضفيرة اللي قصده عليها بتبقي من الحوض لعلبة الفيوزات ودي هي ضفيرة الموتور واعتقد ان فك التابلوه وتركيبه 100 جنيه ده غير مصنعية الشغل وياريت تاخد ضيفرتك القديمة معاك ممكن تحتاجها بعد كده
هو هيغير دفيره الحوض واللى فى التابلوه لانى لسه شارى العربيه وصاحبها كان مبهدلها شويه اللى حصل ان الاشارات علقت فرحت لكهربائى شاف سلوك العربيه الى فى التابلوه خاف يشتغل وقالى انها عاوزه ضفيره كامله انا كنت عارف انها محتاجه دفيره فروحت لواحد علشان يغيرها قالى ان الدفيره بالمصنعيه 600 جنيه وفك التابلوه وتركيبه 200 جنيه وعلبه الفيوزات مشعره فهتتغير ب200 جنيه مع العلم ان دفيره الحوض مش هيفصلها هو هيجيب بتاعت العربيه ودفيره التابلوه انا جايبها من عندى لانى كنت شارى تابلوه دى كل الحكايه وفى انتظار ردكم يا خبراء الابيزا
انا شايفه كتير وغالي يعني لما اكون جايبله الضفيرة وعلبة الفيوزات وبيغيرهم هما 400 جنيه كفاية تغيير وفك تابلوه وتغيير ضفيرة هو اسطي شاطر يعني وسمعته سابقاه بس ياريت تقول فالآخر هو مصنعيته من غير قطع الغيار اللي انت جايبهاله كام
السلام عليكم
بص يا باشا انا كان عندى المشكلة دى فى العربية اللى قبل دى ال 94 وعند علبة الفبوزات كمية من الاسلاك رهيبة ومتداخلة وكنت بافكر ان اجيب دفيرة فى اول الامر ولكن بعد فترة غيرت الموتور ومعاه ضفيرة الحوض وبدون فك للتابلوة استلمت عند علبة الفيوزات وبدون مبالغة كانه فابريقة
ربنا يوفقك للخير
ميرسى للأهتمام يا شباب قسم السيات الجامدين اوى وربنا ميحرمنا منكم