لو الواحد عندة شوية بارومة فى العربية.. هل لو صلحها دا يعيب العربية فى صاجها لو حب يبيع؟
عرض للطباعة
لو الواحد عندة شوية بارومة فى العربية.. هل لو صلحها دا يعيب العربية فى صاجها لو حب يبيع؟
بارومة فين بالظبط يعني ؟
هي لو حاجة بسيطة مش هتاثر اوي في البيع
عند الدليات و عند العتب
البارومه مش ليها حل
غير إنك توقف نشاطها علشان ماتوسعش
وده بإنك تحط عالأماكن المتأكله شحم أو معجون حديد
وده طبعا بعد الصنفره
يعنى يعييب العربية ولا لا؟
لا
الا لو موديل حديث
لو العربية مو جديد علي حسب مكان البارومة وانت ناوي تعمل فيها اييه؟
أولا لو حاتبيع العربية بيها أو مجرد بتعالجها وتبيعها أي سمكري فاهم حايخسف بتمنها الأرض.
لو البارومة ف حتت غير الدواخل (ينفع تتغير بسهولة) يبقي غيرها وماتتعبش دماغك..
أنا معايا 2008 لانوس وبدأت بارومة ف العتب.. ودا طبيعي عشان غشامة المطبات اللي بعدي عليها بيها.ونص اللي معاهم لانوس عندهم بارومة في العتب من تحت بس ميين بقي بيدور تحت.. أنا كان بالحظ كدة المفاتيح وقعت تحت العربية وباجيبها:tongue:. من أولها جبت عتبتين ب 450 وغيرت العتب خالص وريحت دماغي.. ودي حاجة عادية بالنسبة لعربية واطية زي اللانوس عشان كدة حتلاقي شارع صلاح الدين من أوله لأخره (ف اسكندرية) كلهم عندهم عتب لانوس. كدة انا ريحت دماغي بدل ما كمان سنة ألاقي البارومة دخلت ع الأبواب أو الدواخل.
ونصيحة أي بارومة ف رفرف عتب أبواب كابوت أي حاجة سهل تتغير غيرها وماتعالجش.. خليك ف المضمون أحسن.