كنت ببص علي العفشه من تحت والمفاجأه كانت
جوه المساعدين عصايه بطول المساعد مكتوب عليها
الشركه المصريه للأكسات!!!!!!
هو مش المفروووووض العفشه كلها يابااااااني
:untitled 1::untitled 1:
عرض للطباعة
كنت ببص علي العفشه من تحت والمفاجأه كانت
جوه المساعدين عصايه بطول المساعد مكتوب عليها
الشركه المصريه للأكسات!!!!!!
هو مش المفروووووض العفشه كلها يابااااااني
:untitled 1::untitled 1:
السيارة يابانى تقفيل مصرى وممكن يكون دة اسم المستورد مش المصنع والله واعلم
والله الواحد مابقاش عارف حاجه للعربيه دي بيني و بينك
انا من فتره كنت بشتكي من البلاور بتاع التكييف و اشتريت واحد جديد المهم القديم لاقيته توشيبا العربي سعتك
فواضح ان ال 40% المصري جايه في حاجات تقيله فعادي لو لاقيت المساعدين مصري
كده كده الضمان بيغطي كل ده و لو في حاجه فيهم هايتغيروا بالياباني علطول
ايه يا رجالة هتئفلونا من العربية دى ليييييييه:Copy of rfds:
يعنى يا جماعة بكل امانة الصنى ولا الاوبترا وانا شكلى كده دخلت فى موضوع تااااااانى خااااااالص
:Oc_sun1[1]:وبس كده
اللي فهمته من احد مهندسي التوكيل ان العفشة فعلا ياباني بس بيتلزق عليها الكلمتين دول علشان لازم المكونات تخش كمكونات مصرية لان العربية تقفيل مصري ... وعلشان الجمارك بالطبع
يعني عايز تقنعني ان لو المساعدين مصري ... هاتغيرهم علي 100 ولا 150 الف كيلو ؟؟
انت كنت هاتطلع من المعرض تلاقيها بركت مكانها :))
ولو دورت علي اسم الشركة ديه ... هتلاقيها موزع معتمد لقطع الغيار الاصلية لنيسان وتويوتا وايسوزو وميتسوبيشي
ولو فكيت المساعد اكيد هتلاقي مختومة بmade in Japan في اي مكان
ديه لمبة الاستوب ورا مكتوب عليها Japan ..... هايبقي المساعد مصري ؟؟
انا رأيي من رأي حسين برده و بعدين مصر اخيرها الشاهين و فاشلة .. ياريت نفكر شوية
والله ياجماعه
شوفت لزق الشؤكه المصريه للاكسات واختصارهم الا نجليزي eac
وكلمت 16244
وقاللولي العفشه 60% ياباني
40% مصري
وقاللي كلم السبع أسأله لأنه مش متأكد!!!
ههههههههههههههههه والله حسين قام بالرد وزيادة وفعلا لو العفشة كلها مصرى ماكنتش كملت مع اى حد فينا
انا بامشى على طرق غير ممهدة كتير وبسرعة كمان ومرة سرحت وانا سايق وكلت مطب عالى على سرعة 50-60 كم لان الفرامل قفشت وانا بافرمل من سرعة 90 كم ومشيت بعدها 7 الاف كم وكل اللى حصل فى السبع فى الصيانة التالية هو تغيير كاوتشات روس المساعدين ب300ج
يعنى ولا حاجة فى المساعد ولا الاكسات ولا المقصات ولا اى حاجة
متابع
فعلا لازم نتاكد من موضع العفشة ده شان هما قالوا ان العفشة ولافتيس والموتور كلها يباني
يبقي ازاي مكتوب عليها الشركة المصرية والا يبقي غش عشان بيدوا للناس معلومات غلط
مش مشكلة الضمان يغطيها المشكلة في الغش وعدم المصداقية انا ان شاء الله هتاكد من الموضوع ده واجبلكم الخبر اليقين
يا جماعه حتى لو افترضنا ان نسبه كبيره من مكونات العفشة مصرية الصنع برضه ارجع واقول تانى مش معقول شركة عريقة زى النيسان تضحى بسمعتها وتضرب نفسها فى السوق المصرى وتخلى مصانع اى كلام تعمل الحاجات دى ... اكيد مصانع على مستوى عالى مهو مش كل المصرى تعبان
لكن انا بعتقد اكتر فى كلام حسين SonaSteel
ياريت حد يبص عليها من تحت ويقول اللا خبار
بس تكوت موديل حديث 2011 2010
هو الكلام مش لازم يكون بدلائل .. يعنى حضرتك ياريت تبص فعلا و تقولنا فين كلمة جابان فعلا على المساعدين .. مع ان مفيهاش مشكله لو المساعدين مصرى .. ماهو احنا مش اغبيه اوى كدا .. و مش مستبعد المساعدين تكون مصرى .. دا الضفيره اللى هى روح العربيه مصرى ؟؟؟ تحياتى و عاشت الصنى لكل اللى بيحبهااقتباس:
اللي فهمته من احد مهندسي التوكيل ان العفشة فعلا ياباني بس بيتلزق عليها الكلمتين دول علشان لازم المكونات تخش كمكونات مصرية لان العربية تقفيل مصري ... وعلشان الجمارك بالطبع
يعني عايز تقنعني ان لو المساعدين مصري ... هاتغيرهم علي 100 ولا 150 الف كيلو ؟؟
انت كنت هاتطلع من المعرض تلاقيها بركت مكانها :))
ولو دورت علي اسم الشركة ديه ... هتلاقيها موزع معتمد لقطع الغيار الاصلية لنيسان وتويوتا وايسوزو وميتسوبيشي
ولو فكيت المساعد اكيد هتلاقي مختومة بmade in japan في اي مكان
ديه لمبة الاستوب ورا مكتوب عليها japan ..... هايبقي المساعد مصري ؟؟
ورقه صفرا مكتوب عليها الشركه المصريه للاكسات
عصايه جوه المساعد ولغايه الركبه
منا بقولك علي الكلام اللي اتقالي من مهندس التوكيل
والمصري في العربية ديه
الضفيرة والكراسي والازاز والريداتير .
وفي ناس هنا غيروا المساعدين ... ياريت حد يبص عليها او يصورها ويحط صورتها
او يكلم الشركة المصرية للأكسات ويسالهم المصنع بتاعهم اللي بيصنعوا فيه المساعدين فين؟؟
اكيد ليهم مصنع يعني ؟؟ لو هما اللي بيصنعوا
معلش يا باشا الكلام اللي هقوله ده من داخل المصنع و ده مهندس المسئول عن الكاسيتات في الصني
و دخل المصنع و شاف بعنيه و قالي الاتي :
بالنسبة لضفيرة الكهرباء ديه بتيجي من اليايان عبارة عن شيلدات كبيرة مفرودة و كل اللي علي المصنع في مصر بيعمله انه يقفل الشيلدات ديه و تبقي اسمها ضفيرة مصري .. طيب لما المصنع مش عارف يقفل ضفيرة هل تفتكر ان المصنع يقوم بتصنيع مساعد و يتركب في العربية .. معتقدتش
و بعدين انا العربية معايا بقالها 3 سنين و طرقي كتير منها جدا غير ممهدةة و بالتالي أخر العربية هو تربيط للعفشة فقط في الصيانات
شوف بقي الشاهين اللي تصنيع مصري و طبعا الكل بيجري عليها لرخص ثمنها هتلاقيه بيصرف علي العفشة سنويا
هنا بقي تعرف الفرق بين المصري و الياباني ..
و علي فكرة لو المساعدين طلعوا مصري فعلا و تصنيع مصري و بالجمال و التقنية ديه .. يبقي بجد عمار يا مصر و 100% و يكون لليابان الحق في الثقة العمياء للمصانع المصرية لانتاج المساعدين
و لو فرضنا ان تكييف العربية توشيبا العربي زي ما قال وليد و بالجمال اللي هو فيه دا من التلج اللي بيجيبه يبقي برده عمار يا مصر و اليابات يكون ليها الحق باعطاء الثقة للمصانع المصرية لأنتاج التكييف الرائع ده لسياراتها
و انا بقول اهوه يارب يارب يكون المساعدين مصري لأني بكده هفتخر ان مصر ابتدأت تعمل حاجه قييمة فعلا
جبت من النت العنوان
3ميدات بابل الدور الاول الدقي -الجيزه
ت:33353835
وطلعت شركه حقبفبه
نوع العفشة في الصني (كوني)
والنوع ده ياباني طبعا
يا ماجد باشا.. ما انا سمعت ان فى عربيات تيدا المساعدين ضربوا فيها على 80 الف كيلو
وناس بردوا غيروا طنابير على 10 الاف .. وفى ناس محصلش معاها الهواء .. والمساعدين غيروها لغاية 120 الف وناس الطنابير غيروها لغاية 80الف ولا فى حاجة
فبلاش تاخدوا الامور من زاوية خاصة ونحكم بتجارب عامة .. كل واحد وحظه وحسب طريقة سواقته بردوا .. وكمان حسب المكيانيكا اللى راكبة فى كل موديل .. لان ممكن يكون فى تعديل فى المكيانيكى للافضل
وكل كلامى ده وانا عربيتى تيدا يابانى
وبعدين .. الموضوع ده حيتعب دماغكوا جدا .. طالما كل حاجة تمام
العربية بتعطى ملاكها اللى عايزينه منها بنسبة مش وحشة ومحققة مبيعات كبيرة
ولو العربية دى ادتكم ال90% تقفيل واداء يبقا حاجة من اتنين .. يبقا سعر العربية ده حيزيد .. او اليابانين بييعشقوا المصريين اوى .. وحابيين يخسروا وميكنش ليهم مكسب
بصراحة .. انتوا قسم غريب .. مش عارفين تتمتعوا بالعربية ابدا .. وبتحبوا تعملوا بلبلة فى دماغكم
خلاص بيعوا العربية .. وهاتوا تيدا .. وادفعوا بقاااااااااا
او هاتوا سيراتو وادفعوا بردوا ومن غير ضمان مثلا
او هاتوا ماليزى وادخلوا فى سكة عزب العرب
فى حد اشتكى شكوى مستمرة من المساعدين فى القسم عندنا .. على رائى بيشوى الواحد يفتخر بيهم اذا كانوا مصرى
وعلى العموم انا عارف ان الحكاية دى مش حتتقفل .. ومش حتسكتوا
وانا مش حسال فى الشركة .. انا حسال حد فى مصنع نيسان
I will call them tomorrow ISA
:16::16::16::16::16:
هههههههههههه معلش يا ابو حميد ربنا يعينك علينا
ليا اضافة لما غيرت كاوتشات المساعدين الاماميين فى صيانة ال40 الف بعد سنة استهلاك فى السبع قالولى ده للحفاظ على المساعدين واطالة عمرهم الافتراضى يعنى بدل ما تغير مساعدين على 50 الف كم تقعد ل100 الف كم وهكذا
مع العلم انى بامشى على طرق غير ممهدة كتير وكل اللى باشتكى منه ان العفشة بتحتاج تربيط بعد 3000 كم من الصيانة :angry06:
متسخنشي علي قوي كده يا عم احمد ده انا بقول ان المساعدين حتي لو كانت مصري تبقى احسن ميت مرة من المونرو الاسباني وكنت بسال على عمرهم الافتراضي انه قصير عشان اشوف انا عندي مشكلة في عربيتي ولا ده العادي مش عشان اقلل من مستوى العربية اللي كل الناس عارفاه واهو طلع ان المساعدين عندي في 2007 غير اللي في 2009 وعلى راي بيشوى ان ده ممكن يكون السبب في انهم ضربوا زيت بسرعة مع اني مغير كاوتشات التراب في التوكيل لما طلبوا مني كده في الصيانة بس يا سيدي ادى كل الحكاية .
حبيبى يا ماجد باشا
انا مقدرش اسخن عليك .. احنا اخوات يا حبى
انا بتكلم فى العموم .. عشان نوضح للناس .. لان الناس بتسخن علىا لكلام .. وبتدخل فى سكك تانية خالص
وانتم عارفين الكلام ده كويس وفاهمين قصدى
حبيبى يا ماجد باشا وربنا يديم المعروف بينا يارب
نهاية لموضوع المساعدين عشان انا عارف سكة الشركة دي
اسمها الشركه المصريه لتجميع اكسات السيارات و ليها مكتب في الدقي و مصنع في 6 اكتوير يعني بتجمع قلب المساعد الياباني مع البطاحات و السوست و الطنبوره و تسلم للمصنع الاكس على بعضه و معني كلمة اكس مش بارة مساعد اكس يعني البطاحه + المساعد + سوسته و الورقه دي عندي ع السوسته عاوز تفهمني ان السوسته مصري اشك الشركة المصريه لتجميع اكسات السيارات eac
و عشان متوجعوش دماغكو الصح ان المساعدين بتتغير كل 50000 كيلو حتى لو سليمه عشان الامان لانها بطول مسافة التوقف الكامل ساعة الفرمله الفجائيه زي الكاوتش ما المفروض يتغير على 40000 و ده معلومات من اي شركه مصنعه للمساعدين و اولهم كوني و فيه فيدوهات كتير على اليوتيوب بتنصح بالكلام ده
و بعدين العربيه دي زي الفل ما شاء الله و بشهادة الكل اثبت من الالنتر مثلا مع العلم انها اعلى على الارض وده راجع لجودة المساعدين
الردياتير مش متصنع هنا : الردياتير قلبه بيجي لوحده و البلاستيكتين بتوع وشه و اخره بيجو لوحدهم و بيتجمع هنا في مصنع تاني
و كمان يا وليد باشا انت صاحبي و حبيبي و انت عارف ان منتجات توشيبا العربي حلوه جدا و معمره جدا انا الصراحه اتبسطت لما عرفت ان مروحة البلاور توشيبا و العربي مجرد بيجمع زي كل حاجه بيبيعها هنا
لسه مكلم المكتب اللي في الدقي
وسألته علي نشاط الشركه وقاللي هيا بتجمع الاكس الياباني للنيسان وهو مصنع تجميع
والسكرتيره أستغربت جدأ من اللأسئله اللي كانت نازله عليها زي المطر
وقاللتي أنت عرفت منين الموضوع ده؟؟؟؟!!!
معلش ياجماعه أصل الواحد قلق جدا من موضوع التقفيل المصري اللي كل الناس خوفتني منه
وشكرا لاحمد اللي سبق وطمن الناس قبلي
ههههههههههههههههههههههههه هههه
ظهر الحق وزهق الباطل
مش عارف الموضوع كبر كده وقلب بنصب واحتيال
ولا واحد فينا معاه صنى او يعرف حد معاه صنى اشتكى من جودة المساعدين وعيب فى صناعتهم ايا كانت !!!
احنا مش راكبين صينى ولا عربيات قطع غيارها مش موجودة ولا غير اعتمادية ولا عمر حد فينا غير اى حاجة فى عربيته فى الضمان وفى التوكيل قالوله لأ ده عيب سواق !!!!! مالكش حاجة عندنا زى ما بنسمع فى توكيلات تانية
اخيرا لو العربية كلها تقفيل مدغشقر وماشية زى الصنى كده وتستحمل طرقنا اللى زى الزفت يبقى اهلا بيها فى مصر ومبروك على اللى راكبينها
ولو حد متضايق من صناعتها يبقى يجيب مستورد اى ماركة تانية ويبعد عن التقفيل المحلى