الموضوع: بشرى لأهالي المنصورة ... مركز خدمة معتمد في المنصورة

المشاركة الأصلية كتبت بواسطة hazem_khidr

يا باشا المشكله ان رقم تليفونك مش معايا كنت باعتلك اسال رقم تليفونك كام علشان اتصل اطمن عليك.
اما بالنسبه للعزومه ف انت اول الناس الموجه ليهم الكلام طبعا
و الله لاعملك احتفال ما حصلش بس انت تشرفني بس
و بص يا سيدي بقي
الفطار حنروح عند البغل نضرب طبقين فول ما حصلوش و اراهنك انه حيعجبك
مع بطاطس مهروسه و طعميه و باذنجان و كل السلاطات.
و بعدين نروح التوكيل(ماهو مش حنقضي كل اليوم اكل برضه:) )
نرجع يدوب علي الغدا
و دا عندك حل من اتنين
يا و احنا جايين في الطريق ندخل سمنود ناكل عند (ألووش) اسمه كده
نجيب اد كيلو كباب بسلاطاته ببابا غنوجه :)
او نرجع المحله نروح لابو ورده ناكل كباب برضه.
يدوب علي ما نخلص اكل يكون ميعاد العشا جه
نروح ناكل عند كاتشاب او كوك هوم
او لو ليك في لحمه الراس
نروح ناكل لحمه راس و ممبار و كرشه و كل ما تشتهي الانفس عند واحد حبيبي برضه.
الخـــتــــــــــــــــــ ــــــــــــام

نروح السنيطي نحلي بفطيرتين واحده كريمه و التانيه مكسرات
ايه رايك في البروجرام دا؟؟؟؟؟؟:)
قولي رايك ايه و لو عاوز تعديل انا تحت امرك

بسم الله الرحمن الرحيم
يا صباح الفل يا حازم :) هو ده الأكل و لا بلاش :) برنامج جميل جدا بس العشاء خليه عند كاتشاب أو كوك هوم مش عايزين نفترى :) و يبقى حسن الختام. ان شاء الله نتفق على يوم و أجيلك و معايا وفد رفيع المستوى من المنتدى :) شكرا جزيلا يا حازم.

المشاركة الأصلية كتبت بواسطة Ahmed Samy

وبعدين تطلعوا تعملو غسيل معدة انتوا الاتنين :)

ليه بس الفال الوحش ده يا أحمد خليك متفائل :) أحنا لو بدأنا اليوم بدرى بدرى و خلينا 4 ساعات فرق ما بين كل أكلة و أكلة يبقى كده تمام :)

----------
عذرا يا مهندس طارق على هذه المشاركات فى موضوعك.