بشرى لأهالي المنصورة ... مركز خدمة معتمد في المنصورة

**مصراوي جدا** · 19-05-2008 12:59 PM

تم اعتماد مركز خدمة جديد في المنصورة ليكون أحد مراكز الخدمة المعتمدة من الوكيل (شركة مصرية) وهو :

مركز العـدوي

منتصف طريق المنصورة المحلة
قرية ميت عساس - مدينة سمنود

ت : 2883341 - 040
موبايل : 0123880798
0123442741

وقد استلم طلبية قطع الغيار وبالتالي جاهز لبدء العمل كما ان صيانة الألف الأولى الخاصة بالضمان يمكن أن تتم لديه بالاضافة الى جميع الصيانات الأخرى

**Ahmed Samy** · 20-05-2008 01:19 PM

و الله كويس
الف شكر يا باشمهندس على المعلومة

**hazem_khidr** · 20-05-2008 10:00 PM

شكرا يا استاذ طارق علي الخبر
عاوز بقي حضرتك لما تيجي تفوت عليا في المحله نعمل معاك احلي واجب
و طبعا اي عضو معانا يشرفني انا اتمني :)

**اسلام المصرى** · 21-05-2008 05:38 AM

بسم الله الرحمن الرحيم
ألف مبروك لأهل المنصورة الكرام :) شكرا جزيلا يا مهندس طارق على هذا الخبر :) ان شاء الله منتظرين خبر أفتتاح أكبر مركز خدمة فى محافظة السادس من أكتوبر :)
أذيك يا حازم يا مزوغ من المقابلات الشهرية :boxing_smiley: أنت كده زوغت مرتين التالته هيكون فيها سحب رخصة القيادة و مصادرة الكمبيوتر بتاعك لمدة أسبوع :) صباح الفل :)

**مصراوي جدا** · 21-05-2008 09:02 AM

صباح النور

شكرا يا حازم الله يخليك

**اسلام المصرى** · 22-05-2008 08:54 PM

المشاركة الأصلية كتبت بواسطة hazem_khidr

يا باشا الرخص و العربيه و صاحب العربيه و الكمبيتور و صاحب الكمبيوتر كلهم تحت امرك :)
ان شاء الله جاي المقابله الجايه بس انت اللي مش باين بقالك فتره و بعتلك رساله علي الخاص اطمن عليك و سأل علي رقم تليفونك و ما ردتش:(

بسم الله الرحمن الرحيم
الله يخليك يا حازم :) ربنا يخليك. أسف على الرد المتأخر , معلش أعذرنى. أنا مصدقك و الله يا حازم بس أنا ماجاليش أى رسالة على الخاص منك خالص! و على الموبايل ماعنديش أى ميسد كول! على العموم حصل خير , أنا بس عندى مشكلة وقت , برجع من الشغل و من المشوار مدغدغ مش قادر أقعد على الكمبيوتر , غير أن عندى مشكلة فى التصفح وشكلى هولع فى الراوتر بتاعى! ان شاء الله نشوفك على خير و شكرا جزيلا على سؤالك.
أنت فى الموضوع ده عملت عزومة عندك فى المحلة و أنا أعتبرت الكلام برده موجه ليا - شوف الغتاتة و الرخامة يا أخى :) - قولى كده و أشجينى الفطار أيه و الغداء أيه و العشاء أيه و الحلو أيه :)

**hazem_khidr** · 22-05-2008 10:24 PM

بسم الله الرحمن الرحيم
الله يخليك يا حازم :) ربنا يخليك. أسف على الرد المتأخر , معلش أعذرنى. أنا مصدقك و الله يا حازم بس أنا ماجاليش أى رسالة على الخاص منك خالص! و على الموبايل ماعنديش أى ميسد كول! على العموم حصل خير , أنا بس عندى مشكلة وقت , برجع من الشغل و من المشوار مدغدغ مش قادر أقعد على الكمبيوتر , غير أن عندى مشكلة فى التصفح وشكلى هولع فى الراوتر بتاعى! ان شاء الله نشوفك على خير و شكرا جزيلا على سؤالك.
أنت فى الموضوع ده عملت عزومة عندك فى المحلة و أنا أعتبرت الكلام برده موجه ليا - شوف الغتاتة و الرخامة يا أخى :) - قولى كده و أشجينى الفطار أيه و الغداء أيه و العشاء أيه و الحلو أيه :)

يا باشا المشكله ان رقم تليفونك مش معايا كنت باعتلك اسال رقم تليفونك كام علشان اتصل اطمن عليك.
اما بالنسبه للعزومه ف انت اول الناس الموجه ليهم الكلام طبعا
و الله لاعملك احتفال ما حصلش بس انت تشرفني بس
و بص يا سيدي بقي
الفطار حنروح عند البغل نضرب طبقين فول ما حصلوش و اراهنك انه حيعجبك
مع بطاطس مهروسه و طعميه و باذنجان و كل السلاطات.
و بعدين نروح التوكيل(ماهو مش حنقضي كل اليوم اكل برضه:) )
نرجع يدوب علي الغدا
و دا عندك حل من اتنين
يا و احنا جايين في الطريق ندخل سمنود ناكل عند (ألووش) اسمه كده
نجيب اد كيلو كباب بسلاطاته ببابا غنوجه :)
او نرجع المحله نروح لابو ورده ناكل كباب برضه.
يدوب علي ما نخلص اكل يكون ميعاد العشا جه
نروح ناكل عند كاتشاب او كوك هوم
او لو ليك في لحمه الراس
نروح ناكل لحمه راس و ممبار و كرشه و كل ما تشتهي الانفس عند واحد حبيبي برضه.
الخـــتــــــــــــــــــ ــــــــــــام

نروح السنيطي نحلي بفطيرتين واحده كريمه و التانيه مكسرات
ايه رايك في البروجرام دا؟؟؟؟؟؟:)
قولي رايك ايه و لو عاوز تعديل انا تحت امرك

**Ahmed Samy** · 22-05-2008 10:36 PM

وبعدين تطلعوا تعملو غسيل معدة انتوا الاتنين :)

الموضوع: بشرى لأهالي المنصورة ... مركز خدمة معتمد في المنصورة

LinkBack

أدوات الموضوع

عرض

بشرى لأهالي المنصورة ... مركز خدمة معتمد في المنصورة - انشر الموضوع فى :

-

-

-

-

-

المواضيع المتشابهه

هل مركز الدلتا الي في المنصورة معتمد ؟

شباب المنصورة : حد اتعامل مع مركز الدلتا (مركز صيانة معتمد لهيونداى )؟

أقرب توكيل أو مركز معتمد أو حتى واحد بيفهم فى السوزوكى الجديد فى المنصورة

بشرى لملاك سيارات نيسان فى المنصورة

مركز ميتسوبيشى معتمد فى المنصورة !!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة