صيانة الـ 30000 كيلو نيسان صني و شوية حاجات هتعجبكوا
أحبائي اعضاء قسم نيسان نادي نايل موتورز http://img703.imageshack.us/img703/2068/nissano.jpg
الحمدلله قمت بعمل صيانة الـ 30000 كيلو لعربيتي النيسان صني بمركز السبع زهراء المعادي و قبل الصيانة عملت حاجات في العربية هسردها ليكم دلوقتي
طبعا كلنا حفظنا و عرفنا ايه اللي بيتعمل في صيانة الـ 30000 كيلو من مواضيع اعضاؤنا الاحباء بقسم نيسان نايل موتورز
الصيانة كلفت :
150 جنيه ثمن الصيانة
50 جنيه فلتر زيت
300 جنيه تيل فرامل امامي
2 جنيه عدد 4 كوليه طاسة عجل
50 جنيه ضريبة مبيعات
________
552 اجمالي المبلغ المدفوع في التوكيل
نتكلم بقي في الحاجات اللي عملتها قبل الصيانة بحوالي 3 اسابيع 1- الاسبوع الاول : شراء منظف انجيكشن من ليكوي مولي و ثمنه 30 جنيه و بيوضع مع تفويل العربية و متحطش بنزين بعد كده الا لما يخلص التانك علي الاقل اخر شرطة في العداد التأثير : كان ايجابي جدا و الحاجه الوحيدة اللي فعلا لاحظتها بعد وضع المنظف هو تحسن في نقلات الفتيس عندي و بقت النقلات انعم بكتير عن الاول صورة المنظف http://img72.imageshack.us/img72/1726/18102011080.jpg 2- الاسبوع الثاني شراء فلتر هواء K & N امريكي و ثمنه 430 جنيه و معروض في احد المحلات بـ 375 جنيه و طبعا بنظف مكان الفلتر القديم و نوضع الجديد رغم ان علبة الفلتر في العربية لا يوجد بها اي اتربة الفلتر بيتركب مدي الحياه في العربية و بيتم تنظيفه كل 15000 كيلو بمادة اسبراي من الوكيل المشتري منه بحوالي 30 جنيه او تشتري العبوة بحوالي 180 جنيه و تفضل معاك علي طول و تنظف بنفسك التأثير : برده التأثير كان ايجابي و هو حدوث زيادة في نسبة السحب للعربية صورة الفلتر http://img684.imageshack.us/img684/999/18102011078.jpg http://img535.imageshack.us/img535/3784/18102011079.jpg 3- الاسبوع الثالث و هو صيانة الـ 30000 كيلو للعربية التأثير : و ما حدث بخصوص زيت فالفولين http://www.ridelust.com/wp-......./u...valvoline2.jpg ما حدث داخل التوكيل للصيانة :
طبعا وصلت التوكيل صباح باكر في حدود الساعة 9:30 و استلم مني المهندس احمد العربية و سألني الآتي :
المهندس : هل يوجد مشاكل بالعربية
أنا : لا يوجد اي مشاكل الحمدلله
المهندس : يبقي انت هتعمل صيانة اكسبريس و هتقعد ساعة بالظبط و شرحلي كل اللي بيحصل في صيانة 30000 كيلو .
أنا : معايا زيت فالفولين
المهندس : دا زيت وحش و الناس بتشتكي منه
أنا : هل الزيت هيبقي اوحش من شيل
المهندس : صمت و بعدين قال مالوش اي اعلانات و الناس متعرفش عنه حاجه و بعدين دا بيتصنع في مصر
أنا : عرفت من كلامه انه ميعرفش اي حاجه عن الزيت و قولتله دا زيت هولندي و بيتصنع و يتعبأ في هولندا و قولتله هل تعرف كمان عن زيت اسمه ليكوي مولي .. دا زيت الماني بيتصنع و يتعبأ في المانيا و يجي مصر
المهندس : صمت رهيب من اللي سمعه و قلب الموضوع و ابتدأ يستلم مني العربية
http://baseup.co.uk/images/customer.jpg تم استلام العربية الساعة 09:45 و ابتدأت الصيانة و انا متابع من الشباك الزجاجي من فوق و شوفت عدد 2 فنيين شغالين في العربية و المفاجأة اللي عجبتني هو مهندس محترم لاقيته واقف قدام العربية و متابع الصيانة أول بأول بس ممكن يكون ده عشان صيانة اكسبريس قبل ما يحطوا الزيت فضلوا يتفرجوا علي علبة الزيت فترة من الزمن و شايفهم مستغربين حتي المهندسين بقوا يسألوا بعض و انا شايفهم من فوق .. يعني دا معناه انهم اول مرة يشوفوا زيت فالفولين في التوكيل المهم استلمت و حاسبت علي الفاتورة الساعة 10:45 يعني ساعة بالظبط ملحوظة : علي فكرة صيانة الاكسبريس ديه يا جماعة بتتعمل للي مش بيشتكي من اي مشاكل من العربية و بتخلص الصيانة في ساعة زمن بالظبط و مش بندفع اي مبلغ زيادة خالص علي الصيانة http://profile.ak.fbcdn.net/hprofile..._6820185_n.jpg الاسبوع الثالث : ده هو التغيير لزيت فالفولين التأثير : صوت الماتور بقي اهدي بس مش لدرجة يعني جامدة .. لكن لاحظت حاجه ان صوت الماتور بقي ناعم بطريقة غير عادية و انا علي الطريق السريع و مش مزعج زي زمان بجد مش هتصدقوا ان حتي لما تقفل الاوفردرايف الصوت بتاع الموتور ناعم جدا جدا و العربية بتسحب احسن من الاول بكتير بس جوا البلد الوضع مختلف شوية يعني بحس ان مفيش تغيير كتير لكن افضل من الاول طبعا ده كان تقريري في ثلاث اسابيع متتاليه لعربيتي النيسان صني http://judy-motors.com/dbpics/cats/1...ssan_sunny.jpg و ارجوا ان يكون التقرير عجبكوا :bye2::bye2::bye2::bye2::bye2: