بسم الله الرحمن الرحيم

انا العربية عندى كانت سخنت وحوارات كده قبل كده فجوان وش السلندر ضرب وغيرته فالتاكيهات اتضبطت تانى

المهم ان اداء العربية قبل الموضوع ده كان تحفة بس بعدها مبقاش فيه سحب تماما ونتشة فى الغيارات ورجة على السلانسيه الصبح زيادة اوى وبعد ما تمشى شوية الرجة بتخف بس بتبقى موجودة ومخنوقة

هو لما ظبط التاكيهات ظبطها على البارد ومش عارف ظبطها على مقاس كام فهل لو التاكيهات مظبوطة غلط تعمل كل ده ؟؟؟

ولو مش تاكيهات ممكن يبقى ايه مع العلم البوجيهات مغيرها الاسبوع اللى فات موتوركرافت سوبر وفلتر هوا برضوا ولسه زى ما هى , وبرضوا طقم الدبرياج كويس لانى مغير اسطوانة من شهر 5 اللى فات وكمان لان قبل حوار جوان وش السلندر كان الاداء تمام والسحب تحفة

+

فيه مشكلة تانية مش عارف مرتبطة باللى فوق ولا لأ ان العربية مع النقلات بسمع صوت من الشكمان بالظبط صوت زى كده " فسسسس"

وانا كنت مغير العلبة اللى ورا بواحدة مش اصلية هل بقى الصوت ده بسبب العلبة ولا بسبب حاجة تانية ؟؟؟

وشكرا جدا ليكم مقدما