ياباشا والله ياريت اقابلك وقطعنى ياعم زى مانت عايز بس نشوفك على الطريق
انا بقالى 5 سنين مشترك فى نايل موتورز , ماشوفتش حد معلق الاستيكر لحد دلوقتى , نفسى الاقى حد معلق الاستيكر بتاع المنتدى
امين يارب
عرض للطباعة
النهاردة عربية فيرنا تاكسى كان عاوز يلبسنى فى حاجة ... فى الأول أفتكرته بيرمى ويفرمل غصب عنه بسبب حاجة فى الطريق وفاديته مع انها كان فيها لبسة ممكن تبقى جامدة .
لاكن لقيته عملها مرتين تانيين فى الطريق بغرض تلبيسى فعلاً ... مع انى حتى لو فرضنا انى عملت حاجة ليه ومش واخد بالى مثلاً منها متوصلشى للى عمله ده وبالشكل الغبى ده لانى مكنتش مدى خوانه .
والنهاردة برضوا قبلها بشوية بس فى حتة تانية خالص واحد بعربية تيجو صينى وقف قدامى مرة واحدة مع ان الطريق قدامه مكنشى مستدعى الوقفة دى ... المهم سبحان الله فرملت والعربية مزحفتش والا كان زمانى لابس فيها .
هو عرف انه غلطان ووقف على جنب وكنت متنرفز وجيت جنبه علشان اشوف ايه اللى خلاه يقف الوقفة دى ... لاقيته مقعد عيل صغير على رجله والظاهر عمل حاجة خلته يفرمل فجأة ، مع ان كان فيه واحدة قاعدة جنبه فى الغالب مراته .
قمة الاستهتار بقت فى الناس ... وربنا يستر .
يا سامح الاستيكر اللى واخده منك مش ظاهر بسبب الفاميه نهائيا :@ :@ وبجد متعصب جدا بسبب الموضوع ده ومش لاقيله حل
وكل ماروح لواحد بتاع استيكرات يقولي ماينفعش عشان ده اللزق بتاعه من جوة ولازم تشيل الفاميه وتحط الاستيكر وتفيم تاني :H_angry[1]:
ماتعرفش اي طريقة ممكن تخليني الزق الاستيكر ده من برة ؟ عشان يبان ؟
الناس بقت غريبة اوي
انا لسه برضوا يوم الجمعة اللى فاتت كان معايا والدتي وانا في شارع فيصل والشارع زحمة جدا
وفجاءة واحد بتاع سيراتو جاي من ورا وعمال يكلكس وبيزنق نفسه في اي حتة وعايز يعدي بالعافية اللى هو نظام يا تعديني يااخبطك
انا عن نفسي بضايق من الناس اللى اسلوبها كدة وبحب اغلس عليهم يعني اديني رعاش نور او كلاكس بسيط هعديك علطول وهوسعلك اول مالطريق مايسمح
لكن يبقى الطريق زحمة وواقفة وانت جاي من ورة مصر انك تعدي بالعافية وعمال تفرمل وتزنق نفسك وسط العربية وياما تعدوني ياما اخبطكو ده كاسر على مكروباص كسرة غريبة ! ! اضايقت بصراحة رحت مفتحتلوش الطريق
الحاجة طبعا جمبي وشايفة الطريق زحمة وسامعة صوت الفرامل بتاعته والكلاكسات وانه بيزنق نفسه بالعافية بتقولي ماله ده
لما لقيته مصر وعايز يعدي بالعافية قلتلها شكله معاه ظرف يمكن عنده حد في المستشفى او حاجة زي كدة ورحت فاتحله الشمال
طبعا الموضوع مابين اني ماوسعتلوش واني فتحتله الشمال ماكملش اكتر من دقيقة
اول ماعداني لقيته راح حادف عليا اللى هو هخبطك بالعافية رحت مفرمل طبعا على الاخر وانا مزهول من اللى هو بيعمله مع اني لو كت لبست فيه بالاكصدام اللى قدام كنت هدخل في الباب بتاعه وكان هو اللى هيزعل مش انا
بعدها جيت امشي تاني لقيته برضوا حدف عليا تاني ومصر انه يخبطني
طبعا انا اتنرفزت رحت كابس وراه ومديله تحية بالكلاكس وراعش نور راح وقف نزلت ونزل عمال يزعق وانا ورايا مستشفى وانا مش عارف معايا ايه
قلتله طب مانا وسعلتك انت عايز ايه تاني ؟ عايز تخبطني ليه وبعدين اما انت وراك مستشفى فاضي تزنق عليا وتخبطني وتنزل كمان تتخانق ؟ ماحبتش الامور تزيد عن كدة لان معايا والدتي واخواتي فرحت سايبه وراكب العربية وهو ركب عربيته ومشي
الناس دية كتير
انا انهاردة الصبح كان الطريق فاضى بطريقة مغرية جدا للجرى وماشى عادى لقيت واحد معاة ستروين c5 2012 جمرك وعمال واخد الطريق غرز وشغال الله ينور انا طبعا عادى بس الشيطان لعب فى دماغى وقولت اما اديلة حتى vtec اشوفة هيعمل اية المهم روحت عاملها ومدى غرزة محترمة لقيتة سخن اكتر وصوت ماتورة على وجية عند مطب صناعى هو اللى وقفنا روحنا واخدينة وانا سبقتة فى الطلعة بعد المطب انا قولت يبقى مش بيشد بس طلع العكس انة كان بيشد بس انا ماحستش بنفسى وانا طالع المهم روحت مكمل عادى بسرعة عادية هو اليمين عندة مقفول وانا ماسك الشمال لقيتة جاى من ورايا وعمال يدينى كلسكات ويرعشلى نور قولت انت عايز تعدى طب تعالى ورايا يامان
روحت طاير ووسعتلة عشان لو يعرف يجرى ويسبقنى يتفضل والله انا اصلا ماقرصتش جامد يعنى كنت جايب 160 وماشى لسة مافتحتش ال vtec وهو صوت ماتورة خلاص مسمع فى كل حتة لقيتة قرب منى روحت دايس وفاتح ال vtec بعدت عنة ووصلت لسرعة 180 وبعد كدة لقيت الطريق هدى هديت وبردة ماكنش لسة عدانى وهو راح طريق وانا طريق تانى بس ظبطة على الطريق مع العلم ان عندى ضغط الكاوتش كان قليل شوية + الفلتر بقالى شهر مانظفتوش + البنزين كان 92 مش 95
والله بعد ماعلمت علية كدة قولت حاجة واحدة الحمد لله ان الواحد معاة هوندا ربنا يديمنا عليها نعمة ويحفظها من الزوال
بعيدا عن السباق ال C5 شكلها ووووووووووووووووووووووووو وهم للصبح اية الجمال دة والحلاوة دية وماتورها بردة سريع جدا وممتاز الصراحة بغض النظر عن اللى حصل
معلش بس دية اول تجربة سباق مابينى وبين السيتروين فى حياتى