رأيك اية عن السيفيك الجيل الخامس

**SAMEH_FOUAD** · 28-10-2011 04:25 AM

الموضوع دة معمول عشان كل واحد من واقع امتلاكة للعربية او تجربة مر بيها يقول اية اللى شافة فيها من مميزات واية اللى فيها من عيوب

ولية اختارها , ولية بيحبها , او بيكرهها ؟

وهل انت شايف ان العربية ممتازة كقيمة مقابل السعر ؟

هل قطع غيارها معمرة ؟

الاداء والثبات اية رأيك فيهم ؟

لان فعلا فية ناس كتير عايزة تجمع اكبر اراء عن العربية

وطبعا لازم نعمل consumer rating او user rating للعربية عشان نعملها احنا تقييم ان شاء الله

**thaitrips** · 28-10-2011 01:25 PM

أولا أحييك اخى العزيز على الموضوع ونتمنى إنه يفيد الجميع وانا سأحدثك عن تجربتى لأول سياره سوقتها فى حياتى كانت الهوندا سيفيك 2005 .

عن تجربه شخصيه من أجمل وأحسن السيارات إللى سوقتها فى حياتى يمكن علشان كنت اول مره أسوق سياره خارج مصر - لكنى حتى الان أعشق الهوندا بسبب تلك السياره .

كنت أسافر بها دائما من بانكوك (تايلاند) إلى كوالالمبور (ماليزيا) مسافة 1730 كيلو متر (بس طبعا كنت أريح فى الجنوب التايلاندى قبل الحدود الماليزيه للسفر لليوم التالى ) لأن بيكون معى زوجتى وسيف إبنى كان طفل عنده سنه ونصف .

بخصوص الإجابه على إستفساراتك عن السياره :
إختارتها لأنها لأنها كانت الأفضل والاجمل فى فئتها حين شرائها وكمان لأنها من معشوقتى الهوندا وبصراحه ما أقدرش أكرهها أبدا .

سعرها لدينا اعتقد إنه يختلف عن مصر - لكن هى سعرها مناسب لدينا فى تلك الفتره .

قطع غيارها ما شاء الله معمره جدااااا - انا بصراحه بعتها بعد 4 سنوات ولم أغير لها فقط غير الكاوتش

الاداء والثبات ما شاء الله - كعادة الهوندا تتميز بثبات غير عادى وأداء مميز .

موقف حصل لى فى إحدى سفراتى بالسياره : كانت أمامى مازدا 3 وتعتبر كانت بدايتها بالشكل قبل الحالى .. كانت سايقاها سيده شابه المهم أنا ماشى براحتى جداا على 160 وهى امامى فعديتها وركبت قدامها بدون ما اعطيها إشارة دخول أو شئ (نظام مصر - لكن والله ما قصدت أى شئ ) - المهم بعدها بدقيقتين ألاقيها كبست بنزين بكل ما فيها علشان تعدينى وفعلا لقيتها امامى ثوانى لقيت السياره بترقص أمامى (قولت هى بتستعرض على ) لكن للأسف زادت والسياره بدأت غير متزنه وهاتلف وانا وراها - اتاريها ما عرفتش تتحكم فى الدريكسون أو الله اعلم بيها - المهم إنى أخدت أقصى الشمال وعديتها بأعجوبه وربنا ستر فى اليوم ده وخصوصا أنى كما قولت كان معى زوجتى وإبنى - والحمد لله على كل حال .

تحياتى وتقديرى للجميع

**wellfine** · 29-10-2011 02:07 PM

فى اول الامر كان فى حد من قريبي معاه Si 92 و كنت بحبها اوي المهم جات فرصه انا ممكن اشتري عربيه
كنت طبعآ حبب اشترى الهوندا بس الميكانيكي بتاعي قالي ان العربيه ديه مش اى حد بيفهم فيها و قطع الغيار عاليه جدآ
كلامه كان صح فى حكايه مش اى حد بيفهم فيه بس سعر قطع الغيار مش مخلتفه للدرجه ديه انها تبقي عيب فيها
بس فعلآ الحمد لله ان الواحد عنده عربيه زاي الهوندا ده مش كلام إنتخابات لكن الواحد حاس انه فعلآ راكب عربيه
1) الشكل
الشكا من بره 100 100 من الخلف قريبه من BMW و من الامام الإنسيابيه رائعه
2) الصالون
اولآ :- التبلوه زاي اللنسر 2009 بالضبط و أختلاف بسيط ( المقصود من كده ان مصنعي الهوندا دايمآ فعلآ سابقين)
ثانيآ :- فعلآ واسعه من جوه
3) الموتور
لحد دالوقتي مافيش موتور فى اي عربيه من العربيات الزيرو 1600 او 1800 فيه الحصان الفى الهوندا
4)
فحدث ولا حرج
اولآ:- ثبات من اعلي ما يمكن و تضاهي BMW و المرسيدس
ثانيآ :- فى العفشه من كل حاجه اتنين لدرجه ان مش عارف ده عيب ولا ميزه ( لكن لو فى حاجه بيظه فى العربيه مش هتوقف)
بس يوم ماتوقف تبقي واقعتك بيضه