-
الله يكون في عونك يا أستاذ أبراهيم
للآسف البلد كلها فساد في فساد
المستشارين و النيابة و ضباط الشرطة مش بيدفعوا مخالفات في مصر المحروسة
في كل حتة في العالم هما أول ناس بتتحاسب و أحنا عندنا بالعكس ..... بلد العجائب فعلا .
ربنا يكون في عونك و يعوض عليك و يارب تتشال لانك مظلوم .
و على فكرة أوعى تفتكر أن صاحب المخالفات الأصلي (المستشار ) مش هايدفع مخالفاته
لاءة ....
يوم القيامة إن شاء الله هو اللي هايدفع لأنه هو اللي ارتكب الجُرم مش أنت .
و حقك قاعدلك يا أستاذ ابراهيم و تاخده في وقت أحسن من الدنيا اللي أحنا فيها .
و طبعا لو المستشار أو المالك الأصلي اللي أرتكب المخالفات أستخرج شهادات مخالفات و مكنش عنده علم بوجودها فطبعا ربنا أكيد هايسمحه
و لكن صاحب المعرض .... المفروض أنه أتطلع على المخالفات اللي أنت ملكش ذنب فيها و رفض حتى مشاركتك في دفعها فعليه وزر أكيد (و الله أعلم )
و طبعا البلد الفاسدة اللي أحنا فيها و من كانوا يحكمون عليهم الوزر الأكبر لأنهم كانوا يتركون (من عليهم تنفيذ القانون - يخرقون القانون ) مثل المستشارين و النيابة و الشرطة و كل من له واسطة في المرور .
معلش أنا خرجت برة الموضوع شوية بس مش عارف أتضايقت قوي ليك و حبت أول رأيي .
-
اللى عمل معاك العامله دى حماده فرج ماشى هاروقهولك على الهوا وهاعرف الرجاله كلهم ولو قابلته هاقوله كمان
انت عارف كنت بحسب مخالفاتك هنا فى نيابة كفرالشيخ كنت بفضل الله هاحلهالك بس للأسف طلعت بره معلش اعمل تظلم وان شاء الله خير متقلقش
-
بالفعل استاذ توت
البلد لسه زى ماهى الفساد زى ماهو والضمائر زى ماهى وانا حزين ان مصر لم تتغير بعد الثوره
اخ رامى بالفعل هو حماده فرج النصاب ده وعارف المخالفات ومرضيش يساهم فيها
مش كده وبس لانه كان عارف ان عليها مخالفات وعايز يدبسها فى اى حد يشترى العربيه عمل معايا حركات وحشه
اولا بحسن نيه منى عمل لى عقد ابتدائى ماضى عليه عيل عنده فى المعرض
وبعدين اقنعنى انى بلاش اسجل علشان استفيد بالمده الباقيه رغم انى كنت مصر على التسجيل
وعمل لى توكيل من واحد تانى غير الاولانى برده شغال معاه من تحت ولما جه ياخد بقيه فلوسه ويدينى المخالفات طلب منى العقد الابتدائى اديته له بحسن نيه لقيته قام مقطعه وقال ايه التوكيل كفايه
بصراحه اضايقت وشكيت فيه لكن للاسف كان قضى الامر
ولما جيت انقل دلوقت حدث ماكنت اخشاه ربنا ينتقم منه وحسبى الله ونعم الوكيل
-
لو قابلته هامسح بكرامته الارض
Content Relevant URLs by
vBSEO 3.6.0 PL2