تجربتي مع بيت التأمين المصري السعودي
زي ما كتيير في المنتدى عارفيين إني عملت حادثه جامده والعربيه كلفت 18 الف وشوية فكه كده :untitled 1:
وكنت ناوي أقول تجربتي مع التأمين بس مرضتش أكتب غير لما استلم الشيك في إيدي
أول وأهم حاجة هما تقريبا وفقوا على كل حاجة إلا رمانه بلي ورا والحاجات العاديه بقى الي هيا الزيت والفلاتر
فوافقوا على حاجات بقيمه 17 الف جنيه
ودتلهم الفتورة بعد ما دفعت واستلمت العربيه طبعا وإديتهم قطع الغيار القديمة ما عدا الدونجل بتاع العربيه مهرفتش أخده وقالولي هيخصموا جزء من تمنة
بعد إسبوع بالظبط كلموني طلبوا شويه ورق ناقص وشهادة ميلادي عشان الحادثه بإسمي والعربيه بسم الوالده قالولي إسبوع والشيك يكون جاهز بالظبط إسبوع كلمتهم قالولي الشيك جاهز من يوم الخميس (أنا كنت عندهم الأحد الي قبله)
إستلمت الشيك ب 13398 جنيه يعني تقريبا 13400 جنيه
والتفصيله 10% تحمل عشان صلحت في التوكيل لو صلحت بره مكنتش هدفعهم يعني 1700 جنيه
وإستهلاك الفيين جنيه وشويه (هالك وجزء من تمن الدونجل الي مجبتوش)
بصراحة عجبوني إن أصلا تمن القسط كان احسن من معظم التأمينات التانيه
تاني حاجة تأمين إسلامي
تالت حاجة إلتزام بالمواعيد