أخوكم سبعاوى محتاج للمساعدة الفنية فى الإضاءة
محتاج لمشروة خبراء الإضاءة
عندى العربية الريجاتا اضائتها الأمامية عبارة عن نوع من انواع اللمبة السهارى التى قد تفشل لو كلفتها بمهمة اضاءة طريق واحد رايح من غرفة النوم للحمام
وبرغم انى غيرت فانوس كامل بلمبته لما العربية اتخبطت لكن النتيجة لا شئ
طبعا انا عارف قصة كتاوت التقوية وناوى اعملها، لكن الحالة العمياء للفوانيس توحى لى ان كتاوت التقوية لن يحل المشلكة بالكامل
فعايز اسمع اقتراحات منكم بشأن تقوية اضائة السيارة الأمامية، لكن بعيدا عن فكرة الزينون او ايه لمبات زرقاء اللون علشان انا مش غاوى غلاسة الكمائن واللجان
يعنى مثلا لو فيه نوع لمبات كويس ، وما هى ارقام اللمبات اللى تدى اضاءة قوية
او افكار تانية من نوع الرينجات والعدسات ...الخ
كل اللى انا محتاجه هو الوصول باضاءة الريجاتا الى اضاءة اى سيارة جديدة لا اكثر فأرجو الإفادة