الكاوتش فيه نيتروجين و فى برده حاسس انها مريحه شويه ينفع ازودها هواء
عرض للطباعة
الكاوتش فيه نيتروجين و فى برده حاسس انها مريحه شويه ينفع ازودها هواء
هو مفيش ما يمنع بس هتفقد ميزة النيتروجين .. الافضل تزود نيتروجين بس لو مش قدامك غير هوا زود بس هتحتاج تجيب الفرده على الارض و تملاها نيتروجين من الاول
شوف بتاع كوتش كويس يشوفلك التسريب فين - و املا نيتروجين بعد كده
السلام عليكم ،،،
أحب أوضح لحضرتك وللسادة نقطة علمية هامة من وجهة نظري العلمية كمهندس كيميائي ومن تجربة فعلية... الهواء المحيط بنا هو خليط من عدة غازات وبنسب مختلفة، يتكون الهواء من 78 % من غاز النيتروجين تقريبا، و21 % من غاز الأكسجين، و 1%من بعض الغازات النادرة (ارجون، وثاني اكسيد الكربون وغيرها). والهواء ان يحتوي من 0 إلى 7 % من بخار. وتختلف هذه النسبة باختلاف الرطوبة. وتتغير تركيبة الهواء أيضا مع الأرتفاع عن مستوى سطح الأرض. يعني حضرتك لما تزود الكاوتش بهواء عادي بيكون فيه 78% نيتروجين يعني الفارق بينه وبين النيتروجين النقي 22% غازات أخرى. صحيح إن النيتروجين غير مشتعل بس بصراحة محدش سمع إن كاوتش انفجر بسبب الأكسجين أوغازات أخرى داخل الإطار ولو الكاوتش اتخرم النيتروجين مش هيلحمه زي مابيقول البعض، ومش هيخلي الكاوتش طري بالشكل الرهيب اللي بيقولو عليه، يعني من الآخر موضوع النيتروجين والأشعار اللي بيقولوها فيه دي مش صح 100%. صحيح إحنا ممكن نحتاج نيتروجين نقي في ملء إطارات طائرة نفاثة حمولتها فوق 200طن وحرارة إطارتها بترتفع جدا في الإقلاع والهبوط وبتتعرض لمستوى اجهادات مهولة، بس بالله عليك إيه أعلى ضغط لكاوتش عربية ملاكي ممكن نوصله؟ وإيه أعلى حمولة على الإطار الواحد؟ ومستوى السرعات اللي بنجري عليه في شوارع بلدنا الحبيبة بتكون كام ؟؟؟؟
سرعة إقلاع طائرة متوسطة مش بتقل عن 200-240كم/س وسرعة الهبوط والتماس عن الأرض أعلى من 280-300كم/س.
خلاصة القول هو للحفاظ على الإطارات والسلامة العامة يجب مراعاة الضغوط المناسبة لكل مقاس ولا فرق بين هواء ونيتروجين بالنسبة لنا بس المهم يكون جاف يعني مفيهوش بخار وده ممكن تعرفه لما تحط إيدك على مخرج (الضاغط) الكمبريسور وتلاحظ إبتلالهم. وبالتوفيق
خلاصة القول هو للحفاظ على الإطارات والسلامة العامة يجب مراعاة الضغوط المناسبة لكل مقاس ولا فرق بين هواء ونيتروجين بالنسبة لنا بس المهم يكون جاف يعني مفيهوش بخار وده ممكن تعرفه لما تحط إيدك على مخرج (الضاغط) الكمبريسور وتلاحظ إبتلالهم. وبالتوفيق[/q
انا متفق معاك جدا
التجربة العملية اثبتت حاجتين فى موضوع النيتروجين دة:
اول حاجة ان معدل تسربة من الكاوتش اقل... حسب ما قريت ان دة راجع لان جزيئات النيتروجين اكبر حجما من الاكسجين بالتالى معدل تسربها من مسام الكاوتش اقل... انا مش راجل دارس الموضوع دة فا مقدرش افتى و اقول ان دة صحيح او لا
التجربة العملية انا زودت كاوتش عربية الوالد حوالى 3 مرات فقط خلال السنة و نص اللى فاتت... مع الهوا كنت لازم اراجع الضغط كل شهر
تانى حاجة فرق نعومة فى المشى و المطبات كبير... دة مرتبط بفرق تمدد النيتروجين عن الهوا العادى بشكل اساسى... ماشى احنا عارفين ان كل الغازات بتتمدد بالحرارة بس الواضح ان مش كلها بتتمدد زى بعض
انا كان عندى فردة مخرومة و صلحتها و مليتها هوا عادى و باقى الفرد منفوخة نيتروجين و الاربع فرد كان ضغطهم 32 و هما باردين... بعد مشوار من الرحاب الى الحرفيين و العودة قولت اقيس الضغط و الكاوتش سخن و اشوف ايه النظام
الفرد النيتروجين بقت 34 و الفردة الهوا بقت 40... طبعا لو كانوا الاربعة هوا و كلهم 40 كان زمان العربية بقت زى الحجر على الطريق و هتدب فى كل المطبات
المواضيع الاخرى بتاعت عدم وجود رطوبة للحماية من الصداء و عدم وجود اكسجين لعدم التفاعل ما الكاوتش و الحاجات دى معدتش عليا بصراحة و مش فارقة معايا... الميزتين اللى جربتهم بنفسى كفاية انى استخدم النيتروجين على طول
MMamdouh
بالنسبة استفسار صاحب الموضوع هو مفيش مشاكل انك تزود لو اتزنقت لكن هيأثر ع كفاءة النيتروجين في العجلة يعني هيعتبر هوا عادي لغاية ما تفضي العجلة و تملاها تاني كلها نيتروجين
اتفق مع استاذ محمد ممدوح بخصوص الميزتين اللي بتفرق الهوا العادي عن النيتروجين في ملئ الكاوتش
اولا نعومة الكاوتش ع الطريق
ثانيا ان الضغط ثابت
الهوا العادي كل اسبوعين تلاتة كبييره اوي شهر
النيتروجين فضل اكتر من 3 شهور الضغط ثابت ع 30 لغاية ما كنت مضطر اغير الكاوتش كله مليت دلوقتي نيتروجين تاني و ده تاني شهر الضغط زي مهو
انا حقيقي مش دارس كيميا و لا فيزيا غير في ثانوي
لكن فيه مثل بيقول اسأل مجرب و لا تسألش دكتور :)
و اخيرا يا ريت حضرتك تجربه الأول و بعدين تحكم
لأني قريت كتيير ع النت ناس قالوا كلام حضرتك بالملي و بالنص كمان في الجزء الخاص بالهوا و مكوناته ..الخ و لما جربوا غيروا وجهة نظرهم تماما :)
بجد الله يبارك فيكو جميييييييييييييعااااااااا اااااا
ما شاء الله تعااااااااااااااون يشرف بصراحه
انا بشكر كل واحد اضاف معلومه و ساعد فى الموضوع
و بكرر شكرى تانى لكل الاخوه الافااااااااضل و لأدارة المنتدى الجميل
ربنا يوفقكو جميعا