أنا دايما باحط 3.76 لتر مع فلتر جديد ومن غير فلتر 3.50
لأن أكتر من كده ممكن يبوظ جوانات الموتور
ومره صنايعي تيييييت حطلي الجركن كله مع فلتر جديد برفع المقاس الصبح لقيته ناطط فوق الماكسمم
خلي عينك على الصنايعي وهو بيغير الزيت وقوله بالأمر يحط النسبه إللي إنت عايزها
مش إللي هو عايزها وكمان يستحسن تغير الفلتر في كل مره تغير فيها الزيت

أما بالنسبه لنوع الزيت هاقولك على حاجه لمستها من تكرار إستخدام موبيل وشيل
أنا في البدايه كنت باستخد موبيل الأبيض 1000 كيلو دايما
وزي الإخوه مقالو معدل التبخير عالي وصوت الموتور زفت الزفت
قلت أغير لشيل الأصفر 5000 كيلو وبعد كذا غيار لقيت إن التبخير زيرو بصراحه يعني مفيش تبخير

إنما صوت الموتور في البدايه بس بيكون ناعم
إنما بعد مشوارين بيبقى وحش
أنا إن شاء الله الغيار الجاي هاغير الشيل لأن عرفت إن علشان الإقبال كتير على الشيل وموبيل
أصبح الناس بيعبوهم تحت السلم
وده يفسر وجود زبالين متخصصين في جمع جراكن شيل وموبيل الفاضيه
ودول كترو قوي

أنا إن شاء الله هاغير لواحد من تلاته
فالفولين - توتال - كاسترول
النوع التخليقي مش المعدني
وبعد التجربه أكيد هاقولكم عالنتيجه