انا عايز اشترى عربية زيرو و انا بقارن بين التلاتة دول انهى احسن وحدة فيهم و ياريت مقارنة بينهم بس انا هجيب اوتوماتيك فا ياريت لو فى مشاكل فى اى فتيس اوتوماتيك منهم اعرف
انا عايز اشترى عربية زيرو و انا بقارن بين التلاتة دول انهى احسن وحدة فيهم و ياريت مقارنة بينهم بس انا هجيب اوتوماتيك فا ياريت لو فى مشاكل فى اى فتيس اوتوماتيك منهم اعرف
بص ياباشا على حسب خبرتي البسيطه
انا ركبت النترا اوتو 2007 وسيراتو اوتو 2009 ولانسر بومه 1300 اوتو و1600 اوتو
1-النترا طياره في السحب بس ماكنتش بتقف وعفشتها مش حلوه رغم ان العربيه ماشيه 30000كم بس وصيانه وكيل وبعدين حسيت انها مش ثابته قوي يعني كنت بخاف وانا بجري بيها
2-سيراتو برضه سحبها ممتاز بس كان اقل من النترا بحاجات بسيطه والثبات والعفشه افضل من النترا شويه برضه وفراملها كويسه والثبات برضه كويس ماشيه 70.000كم
3-لانسر ودي بجد احلى واجمل عربيه ركبتها في كل حاجه(بالنسبه للألنترا والسيراتو) سواء 1300 او 1600 فعلا ياباني
هتكلم على 1600 اوتو ثبات ممتاز وعفشه مابتحسش بالمطبات وفتيس ممتاز طبعا كلنا عارفين الفتيس الياباني واعتماديته وفرامل كويسه جدا جدا والعربيه ماشيه 150.000كم
اخيرا ياريت أكون قدرت افيدك باي حاجه من خلال خبرتي البسيطه بالعربيات دي
وربنا يوفقك بالأختيار وطبعا انا عن نفسي ارشح اللانسر لأني مابيهمنيش موضوع الشكل والكلام ده مع اني شايف الانسر شكلها حلو
لاااااااااااااااااااااااا ااااانسر اجمل عربية سوقتها فى حياتى لحد دلوقت
عربية كاملة متكاملة وفتيسها الcvt تحفففففففففففة وعملية واقتصاية وقطع غيارها معمرة ويابانى وثبات واداء وقوة وكل حاجة محتاجها فى عربية
على فكرة السيراتو والالانترا حاجة واحدة لأنهم متشابهين فى التكوين عدا التصميم وبس لان ببساطة كيا وهيونداى شركة واحدة وبيعملو شاسيه واحد بتصميمين مختلفين
للاسف البومة من موديل 2010 وانت طالع استبترونك مش cvt, مفيهوش اى مشاكل بس مش ناعم قوى زى الcvt, الميزه فيه السبورت مود