مساعدة بليييز عشان انا ماليش فى العربيات d=

السلام عليكم

أولاً انا لسه جديدة فى المنتدى و بجد فرحت جداً انى لقيت حاجة مخصصة للعربيات فى مصر ( بما ان العربيات كائنات معمرة اوى هنا فى مصر :dirol: )

مش هاطول عليكم, انا بس كنت محتاجة مساعدة انى اقارن بين كذا نوع عربية عشان انا نويت ان شاء الله اجيب حاجة يوزد..

أولاً انا حاطة رينج من 25000 لحد 35000

و الموديل هايبقى من 97 لحد 2000
فيه كذا نوع عربية قدامى حابة اخد رأيكم انهى احسن..

سيات ابيزا - رينو كليو - كيا سيفيا - فورد اسكورت - فيات سيينا و هيونداى اكسنت

عايزة بعد اذنكم اعرف انهى احسن فى البنزين علشان انا مشاويرى طويلة شوية, و الأمان , و توفر قطع الغيار , و انهى تكييفها احسن؟؟

معلش هاتعبكم معايا بس زى اختكم بقى :Ob_mak1[1]:

سيات ابيزا
جميلة بس نادر انك تلاقى حاجة حالتها كويسة لانها عربية شبابى

- رينو كليو
قطع غيار غالية وصعوبة فى اعادة البيع
يقابلها عربية ممتازة

- كيا سيفيا

............
- فورد اسكورت
قطع غيار قليلة


- فيات سيينا
http://www.nilemotors.net/Nile/59404-a.html
لازم تخللى بالك من دورة الحرارة فيها
قطع غيارها مش منتشرة برده لكن لو ليكى خبرة فى الفيات فيه حاجات فيات بتركب على بعض وسعرها بيكون معقول
صاج متين لكن بياخد بارومة بسهولة
حوض موتورها ضيق فبعض الصنايعية بيكون الشغل ليهم فيها صعب
التكييف قوى لكن السحب على الاول والتانى معاه سيء

و هيونداى اكسنت
.................

اضيف للرينج ده
الكيا برايد والفيات الاونو

شكراً لرد حضرتك, طيب لو استبعدنا الرينو و السكورت و البرايد و السيينا, انهى احسن فى دول..

الايبيزا - البونتو - السيفيا ولا الأكسنت؟؟

البونتو افضل
بعدها الاكسنت

و لا واحدة من دول
خد لانسر بطة او هوندا و الاتنين من 90 الى 95
قطع غيار في كل حتة و رخيصة و سهلة البيع و شكلها حلو

انا شايف ان هيونداي أكسنت هيا الافضل من حيث قطع الغيار و النعومة وسهولة الصيانة وبعد الكيا سيفيا و بعدين السيينا والايبيزا لان قطع الغيار اغلي شوية و ياريت تبعدي عن فورد سكورت دي خالص كانت مع واحد صحبي ومشاكلها كتير

وممكن تشوفي هيونداي اكسيل وسكودا فيليشيا كويسين بردو

اقتباس:

---

المشاركة الأصلية كتبت بواسطة mazagangee

و لا واحدة من دول
خد لانسر بطة او هوندا و الاتنين من 90 الى 95
قطع غيار في كل حتة و رخيصة و سهلة البيع و شكلها حلو

---

تمااااااااااااااااااااااا ااااااااااااااااااااااااا اااام الهوندا وخصوصا لو اي اس

اقتباس:

---

المشاركة الأصلية كتبت بواسطة nice_bird

انا شايف ان هيونداي أكسنت هيا الافضل من حيث قطع الغيار و النعومة وسهولة الصيانة وبعد الكيا سيفيا و بعدين السيينا والايبيزا لان قطع الغيار اغلي شوية و ياريت تبعدي عن فورد سكورت دي خالص كانت مع واحد صحبي ومشاكلها كتير

---

+1

اقتباس:

---

المشاركة الأصلية كتبت بواسطة nice_bird

انا شايف ان هيونداي أكسنت هيا الافضل من حيث قطع الغيار و النعومة وسهولة الصيانة وبعد الكيا سيفيا و بعدين السيينا والايبيزا لان قطع الغيار اغلي شوية و ياريت تبعدي عن فورد سكورت دي خالص كانت مع واحد صحبي ومشاكلها كتير

---

+111111111111111111

شكراً يا جماعة بجد على المساعدة, بصراحة انا كنت ناوية على الايبيزا عشان عاجبنى شكلها و امكانيتها مع سعرهابس معرفش نظام قطع غيارها , و كنت جربت سواقة السيفيا و لقيتها ناعمة جدا, بس شكلى كدا هاتوكل و ابدأ ادور على الاكسنت =)

اقتباس:

---

شكراً يا جماعة بجد على المساعدة, بصراحة انا كنت ناوية على الايبيزا عشان عاجبنى شكلها و امكانيتها مع سعرهابس معرفش نظام قطع غيارها , و كنت جربت سواقة السيفيا و لقيتها ناعمة جدا, بس شكلى كدا هاتوكل و ابدأ ادور على الاكسنت =)

---

اختيار موفق ان شاء الله

فعلا الاكسنت الافضل طبعا انا مجربتش الباقى لكن الاكسنت مميزاتها كتير جدا
اولا قطع غيارها متوفرة
ثانيا التكييف ممتاز
ثالثا السحب بتاعها محدش يقدر يدوس معاكى انتى البريمو
رابعا ودى المفاجأة انها ممكن تاخد بنزين 80
خامسا سعر اعادة البيع جيد
عيبها الوحيد انها على السرعات العليا فوق 120 بتكون مش ثابتة
نصيحتى اشتريها ومش هاتندمى

اهم حاجة عشان ما تتغريش فى الشكل وبأكد عليكى تانى تكون الدواخل فبريكة يا اما ما تشتريش اوكيه الباقى مقدور عليه

الاكسنت تكسب

انا راى الابيزا

اقتباس:

---

المشاركة الأصلية كتبت بواسطة wael30003

فعلا الاكسنت الافضل طبعا انا مجربتش الباقى لكن الاكسنت مميزاتها كتير جدا
اولا قطع غيارها متوفرة
ثانيا التكييف ممتاز
ثالثا السحب بتاعها محدش يقدر يدوس معاكى انتى البريمو
رابعا ودى المفاجأة انها ممكن تاخد بنزين 80
خامسا سعر اعادة البيع جيد
عيبها الوحيد انها على السرعات العليا فوق 120 بتكون مش ثابتة
نصيحتى اشتريها ومش هاتندمى

---

هو ده الكلام و ربنا ييسر لك و يوفقك في حاجه حلوه ما تتعبكيش انشاء الله

تحياتي

انا كان معايا بونتو ... العربيه ادائها كويس بالنسبه ل 1300 cc لكن مشكلتها ان قطع غيارها عند واحد بس - الكيلانى اللى فى شارع شمبليون - و هو المتحكم فى السعر و بعدين توكيل اوماترا سيئ جدا .... فا لو هاتركبى بونتو لازم تحافظى عليها