ازاى تحول لانوس se الى لانوس s

**aymata** · 19-05-2008 01:25 PM

:arghh:
:arghh:
:arghh:
يا جماعة انا لقيت مواضيع كتيرة مفتوحة فى المنتدى ومنفصلة عن الكماليات الى موجودة فى الانوس الكاملة والناس عاوزة تحطها فى الانوس الفاضية
ففكرت ان افتح موضوع كامل عشان الى عاوز يركبها مايلفش كتير ويدور على كل الكماليات دى وهى:
1- الفوجات
2- الساعة
3- لمبة الاستوب الخلفية
4- فرش بطانة الكابوت
5- المرايات الكهرباء
6-عداد rpm
7- السنتر والانذار
فياريت الى عارف ** الاسعار ** الماركة ** مكان الشراء والتركيب**
يفيد الجميع وشكرا

**MMamdouh** · 19-05-2008 03:33 PM

1- 150
2- 85
3- 100
4- 140
5- ???
6- 150
7- 280

MMamdouh

**magomago** · 19-05-2008 09:20 PM

هى لمبة الاشارة الخلفيه ( الاستوب ) الاصلية بتتباع ؟
ياريت المكان والسعر
الا اذا كان السعر 100 للاصلية كما ذكر الاخ MMamdouh

**أبو ياسين** · 20-05-2008 09:46 AM

و الزجاج الكهرباء
و علبه البيئه

**MMamdouh** · 20-05-2008 10:40 AM

المشاركة الأصلية كتبت بواسطة magomago

هى لمبة الاشارة الخلفيه ( الاستوب ) الاصلية بتتباع ؟

ياريت المكان والسعر

الا اذا كان السعر 100 للاصلية كما ذكر الاخ MMamdouh

انا مش عارف اذا كان دة الاصلى ولا لا

MMamdouh

**MMamdouh** · 20-05-2008 12:29 PM

المشاركة الأصلية كتبت بواسطة Shiref_mohamed

يا جماعة انا شايف ان عمليه تحويل لانوس Se إلى S ده موضوع كبير جدا وكمان هيكلف كتير يعنى ليه اصلا الى عاوزها كامله ميجبهاش كامله على طول ويريح دماغه والى عاوزها تكييف وباور بس وجابها كده يخليها على وضعها لآنه كل الحاجات الى بتركب عمرها ما بتبقى زي الى نازله اصلا فابريقة يعني مثلا الأزاز الكهربا عشان يركب محتاج تجيب فرش الأبواب بتاع اللانوس الكامله وده لوحده بمبلغ وقدره ده غير اللعب في الضفيره الى هيا اصلا مش مهزة لتركيب الأزاز كهرباء ثانيا تركيب السنتر لأن السنتر الى بيبقى نازل في العربية مختلف تماماً عن السنترلوك الى بيركب بره ابو 120 جنيه ده بتاع العربيع اصلا بتبقى الموتير راكبه على الكالون او بمعنى اصح بتبقى جزء من كالون الباب وصعب جدا تلاقي حد عنده السنتر بتاع الفبريقه يعطل انما السنتر الى بيركبوه في السوق ده بيبقى عباره عن موتور منفصل بيركب بوصله كده على الكالون وبيبوظ بسرعه جداً ده غير الأسلاك بتاعتهم الى عمرها ما بتمشى زي اسلاك المصنع بنظافه كمان المرايه الكهرباء حتيجى وتركب عادى بس هتحتاج تمدلها سلك من تحت التابلوه وتجيبلها المفتاح بتاعها الى بيشغلها الى بيبقو قافلين مكانه وبرضه هتحتاج تلعب في الضفيره وتركيب الفوجات وإلخ إلخ وكله هتلعب في الضفيره
نصيحه من واحد متمرمط في العربيات الضفيره طالما اتفتحت واتلعب فيها عمرها ما بترجع زى ماكانت والعربيه هتبدا تعمل اعطال كهربا زي فيوزات تضرب مثلا حتى لو كان شيخ الصنايعيه عو الى مركب الحاجات برضه اللعب فيها مش صح

1+

MMamdouh

**Shiref_mohamed** · 20-05-2008 02:21 PM

بص يا باشا اولاً - حضرتك الفرق الـ5000 جنيه بين الكامله والفاضيه مش كتير ولا حاجه لأنك لو حبيت تعمل الفرق ده بنفس طريقة الفابريقة يعني هتتكلف اكتر من 5000 جنيه بكتير وبرضه عمره ما هيبقى زي الفابريقة
ثانياً - كلامك مظبوط في موضوع السنتر والإنذار بس عمر الى هيركبو اد ايه طبعاً هيبقى قليل وديه مساله حظوظ يعني ممكن تركب السنتر ويعيش معاك وممكن ميقعدش معاك حاجه
ثالثاً وهو الأزاز الكهربا ممكن فعلا تجيب المكن بتاع اللانوس عادى خالص بس هتحتاج حضرتك تغير فرش الـ 4 ابواب عشان تجيب الفرش الي فيه اماكن الزارير بتاعه الأزاز وده تمنه على لسان اعضاء معانا هنا سالو عليه في الحرفيين 1200 جنيه انا شفت ناس فاتحه فتحات في الفرش العادى ومركبه فيه مفاتيح من الى بتتباع بـ 10 جنيه بس شكلهم سيئ جداً وحرام تعمل حاجه زي ديه فى العربية المشكله بقى فى الأسلاك الى هتمشيها وتدخلها مع الضفيره ممكن تبهدلك الدنيا والله
رابعاً - بقى وده الأهم كل الى فات ده عادى ممكن يتعمل مفيش مشكله بس فيه للأسف ناس بتعمل نفسها ناصحه وتقولك اوفر فرق الـ 5000 جنيه وبعد كده اعمل انا الكماليات التانيه هما دول الى انا اقصدهم بكلامى لأنى عارف نظام الكهربائية وعارف بيشتغلو ازاي و99 منهم مش متعلمين وبيعكو وياما بوظو لناس ضفاير عربيات كامله

-

-

الموضوع: ازاى تحول لانوس se الى لانوس s

LinkBack

أدوات الموضوع

عرض

-

-

-

-

-

-

المواضيع المتشابهه

حصريا لمنتدانا الغالي كتالوج شيفروليه لانوس أو دايو لانوس

اقترحو عليا يا اخوانى فى شراء عربيه دايو لانوس ولا شيفروليه لانوس

لانوس اوتوماتك البطاريه و طقم الدبرياج ازاى اكشف عليهم

هو فلتر التكييف لانوس 1 بيتنظف ازاى

ازاى افك فرش ابواب شيفورليه لانوس

الكلمات الدلالية لهذا الموضوع

المفضلات

المفضلات

ضوابط المشاركة