بالصور والفيديو: أول تجربة قيادة للأودي a6 الجديدة 2012

**amr_2010** · 29-10-2011 01:47 AM

تسلم على التقرير الجميل ده
سيارة رائعة فعلا

**titos_81** · 29-10-2011 02:25 AM

الله ينور يا باشا بس كده انت حتحسرنا على الكراكيب اللى ركبنها هنا فى مصر بس الحمد لله

**horas3000** · 29-10-2011 03:52 AM

تسلم ايدك يا زعيم
و اطمن الموضوع هيختفي هيختفي متحاولش
المواضيع بتاعت العربيات العاليه اللي زي دي مصيرها معروف و اسالني انا هههههه

و لو سقت البي ام ال 5 كان ممكن تعمل مقارنه سريعه كده

و شكرا لانك فكرتني بالتجربه اللي كنت عملتها لاختها الكبيره ال a8 الجديده

**medo_msmsa** · 29-10-2011 08:13 AM

المشاركة الأصلية كتبت بواسطة titos_81

الله ينور يا باشا بس كده انت حتحسرنا على الكراكيب اللى ركبنها هنا فى مصر بس الحمد لله

يا باشا سيبك انت أهم حاجة البركة ربنا يبارك ليك في عربيتك وفي حياتك كلها
وبجد شكرا يا جماعة لكل واحد على التقرير لان انا كل ما انزل توبيك بلاقي الناس بتنفضلي

**medo_msmsa** · 29-10-2011 08:18 AM

المشاركة الأصلية كتبت بواسطة horas3000

تسلم ايدك يا زعيم
و اطمن الموضوع هيختفي هيختفي متحاولش
المواضيع بتاعت العربيات العاليه اللي زي دي مصيرها معروف و اسالني انا هههههه

و لو سقت البي ام ال 5 كان ممكن تعمل مقارنه سريعه كده

و شكرا لانك فكرتني بالتجربه اللي كنت عملتها لاختها الكبيره ال a8 الجديده

للاسف ان سقت الشكل القديم من البي ام 5 بس الشكل الجديد لا وكمان اللي جربتها 523 فالمقارنة صعبة وغير حيادية
الـ A8 ايدك منها والارض متكلش عيش مع الـ S Class خصوصا بعد الفيس ليفت ولا حتى مع البي ام ال 7.
جربت الكايين الجديدة في المؤتمر الصحفي بتاعها وجعوا دماغنا بتقليل الوزن 150 كيلو بس برضة ما زال الوزن عالي اوي 2500 كيلو... الشكل القديم زي بتاعت حضرتك كده طلعتها تقيلة لحد الـ 40 .. طبعا أنا بتكلم عن الـ s

**medo_msmsa** · 29-10-2011 08:22 AM

المشاركة الأصلية كتبت بواسطة shaddadfalcon1

الأودي جميله جدا بس غاليه حتي بره اغلي من البي ام والمرسيدس
دي كفايه الاودي q7 v12 اللي سعرها حوالي 150 الف دولار يعني اغلي من الاودي ار 8

مش كل الأودي الـ A6 هنا ب 200 الف شاملة صيانة مجانية ل3 سنين مجانا وده ارخص من البي ام ال5 والمرسيدس الـ E اللي ماتورهم V6 3.0 نفس القوة تقريبا، على فكرة الـ q7 v12 تقريبا بتزل بكميات قليلة اوي يمكن ده السبب انما ال v8 ارخص من الـمرسيدس ML ونفس سعر الـ X5

**mody3on** · 29-10-2011 08:33 AM

مالها الفيرنا بس :d الف شكر يا باشا .. بس قولي العربية دي وصلتك ازاي

**medo_msmsa** · 29-10-2011 10:10 AM

المشاركة الأصلية كتبت بواسطة mody3on

مالها الفيرنا بس :d الف شكر يا باشا .. بس قولي العربية دي وصلتك ازاي

من خلال شغلي انا كنت مسئول لمدة 3 سنين عن أكبر معرض للسيارات الفاخرة بالسعودية وليه علاقات كتير في كل وكلاء السيارات والنسخة الخامسة من المعرض كانت يوم 10/10 وكنت هناك زيارة لقيتها هناك طلبتها تست درايف حجزولي يوم 17 ونص يوم 18 بس كده.
لو مهتم بموضوع تجارب القيادة شوف لتوبيك ده ليه تست درايف للثور الهائج لامبورجيني جالاردو
http://www.nilemotors.net/Nile/178145-a.html

**horas3000** · 29-10-2011 12:18 PM

المشاركة الأصلية كتبت بواسطة medo_msmsa

للاسف ان سقت الشكل القديم من البي ام 5 بس الشكل الجديد لا وكمان اللي جربتها 523 فالمقارنة صعبة وغير حيادية
الـ a8 ايدك منها والارض متكلش عيش مع الـ s class خصوصا بعد الفيس ليفت ولا حتى مع البي ام ال 7.
جربت الكايين الجديدة في المؤتمر الصحفي بتاعها وجعوا دماغنا بتقليل الوزن 150 كيلو بس برضة ما زال الوزن عالي اوي 2500 كيلو... الشكل القديم زي بتاعت حضرتك كده طلعتها تقيلة لحد الـ 40 .. طبعا أنا بتكلم عن الـ s

تمام يا زعيم و لو جربت الجديده يبقي اعملنا المقارنه

حضرتك شفت ال a8 الجديده ؟؟؟؟
مش فاهم ازاي متاكلش عيش مع ال s و ال 7 ده تاكل و نص
انا سقت الثلاته علي فكره و اقدر اقولك بكل ثقه الاودي احسنهم لانها بتجمع بين راحه و فخامه ال s و رياضيه و ديناميكيه ال 7 بل بتتفوق في بعض الكماليات بس ده عادي لانها احدثهم

اما الكايين فمش هتكلم عليها لان شهادتي مجروحه
بس عشان تعرف قيمتها و امكانيتها سوق العربيات المنافسه و انت تعرف
و متنساش انها suv في الاول و الاخر يعني لازم وزنها يكون عالي و علي الرغم من كده بتعمل العجب
و هي فعلا طلعتها تقيله بس ده عشان بتطلع من الغيار التاني لكن مع السبورت مود الوضع بيتحسن كتير