الموضوع: [تحذير] مطبات جديدة على الصحراوي بعد بوابة القاهرة

المشاركة الأصلية كتبت بواسطة khaled ayman

انا مش عارف الناس الى بتعمل مطبات دى بتفكر ازاى ؟؟
على طريق المحله المنصوره ..معرض عربيات فتح جديد فى ملف ..الناس بتاخده بسرعه طبعا ..100 ولا حاجه
ومحدش بيلحق يشوف المعرض
قام البرنس عامل هرمين ..قصدى مطبين
النتيجه
3 شباب ماتو ..وواحد فى العنايه المركزه بقاله اسبوعين فى غيبوبه
ياااااااااااااااااااااااا اااااااااااارب كل واحد بيعمل مطب من دماغه كده يشوف الى الناس بتشوفه بسبب المطبات دى

كل واحد بيفكر في مصلحته يا باشا

المشكلة ان المطبات دي بتتعمل بدون وعي ! وهو ده اللى بيخلي الخسائر بتاعتها اكبر من نفعها

المشاركة الأصلية كتبت بواسطة yasserelsayad

المطبات دى مهمة جدا واتعملت من فترة قبل الملف عشان الناس اللى انت بتقول عليها بتاخد الملف دا اقل واجب 120 وياما شوفت عليه عربيات عاملة حوادث ومقلوبة بليل بسبب الموضوع دا واخرهم التريلة اللى اتقلبت على العربيات التانية وهو دا سبب المطب.

وبعدين بدل الطريق ظلمة وانت مش شايف قدامك مسافة كافية تقدر تهدى فيها او تقف خالص يبقى معلش دا غلط منك باردوا وبالذات انك مش عارف الطريق وشايف ملف جاى فى وشك.

بس انا مش معاك في النقطة دي لان المشكلة الاكبر ان الواحد عارف الطريق

لو طريق اول مرة نمشي عليه هنقول ماشي هتمشي براحة عشان ظلمة وخايف من اي مطب او اي مفاجأة

لكن لما يكون طريق انت حافظه وفجاءة تلاقي عليه مطبات بدون اي تحذيرات وفي حتة الاضاءة بتاعتها معدومة يبقى كدة اللى بيحصل مش منطقي

كان المفروض على الاقل يكون فيه يفطة تحذيرية عشان الناس تاخد بها ويعملو انارة للمطب لكن هتقول لمين

انت لو شفت كمية العربيات اللى كانت واقفة على اليمين عند المطبات دي كنت هتعرف ان المطبات دي اللى عملها ربنا ينتقم منه