عايز اعرف من اهل الخبرة فى الدايو عندتحويل العرابية من بنزين الى غاز هل هو عادى بالنسبة للعربية فى السحب و ممكن العربية تتأثر على المدى البعيد ارجو الافدة لو سمحت
عرض للطباعة
عايز اعرف من اهل الخبرة فى الدايو عندتحويل العرابية من بنزين الى غاز هل هو عادى بالنسبة للعربية فى السحب و ممكن العربية تتأثر على المدى البعيد ارجو الافدة لو سمحت
اين انتم يأهل الدايو
انا اعرف واحد كان محول عربيتة الى غاز
هوا شغال معاة كويس بس لازم تعلى العربية من ورا علشان حمل التنك بتاع الغاز بيتكلف حوالى 5000 جنية و الاستلام بعد 5 الى 6 ساعات كانت نوبيرا 2 موديل 2001 اتوو الشنطة بتغر شويا
لما ركبتها شوفت لما يجى يدور العربية بتدور على البنزين و بمجرد ما يدوس على دواسة البنزين تقلب غاز على طول يعنى عايز اقولك ان الاساس بقا الغاز و الثانى البنزين مش زى زمان كان فى زرار ممكن تحول منة من بنزين الى غاز و لما يغلص الغاز تحول لوحدها على البنزين بس السحب قل شويا و تحس ان العربية تقيلة فى الجرى علشان تنك الغاز الى فى الشنطة
اللى اعرفة انك لازم تدور العربية الصبح ببنزين
وانة بعد 100 بيكون غلط على الموتور
وبيجيب اجل الموتور بسرعة
متابع
ألغاز موفر فى حاله واحده بس
انك تكون بتمشى يوميا ما لا يقل عن 100 كم متر
لانك بتدفع 5000 جنيه تحويل
صوف دول يجبولك حوالى 2600 لتر بنيزين 90
انا معايا شاهين مش نوبيرا ومركب غاز وانصح اي حد بيستخدم عربيته كتيييير يعني العربية معظم اليوم ماشيه فالشارع او بتسافر يركب غاز لانه موفر وفيه حاجه حلوة لو انت مش عارف تحكم نفسك فالجري هوا بيحكمك لانه بيخلي اخرك 120-140 بس طبعا لو حبيت تقلب على البنزين اجري براحتك بس خلي بالك من نفسك عاوز اخد رايكم اجيب نوبيرا 2 ولا ماتريكس انا محتاج عربية واسعه وثابته عالطريقة وقطع غيارها متوفرة ورخيصة
تمام تمام كلام تمام +1 +1اقتباس:
وانصح اي حد بيستخدم عربيته كتيييير يعني العربية معظم اليوم ماشيه فالشارع او بتسافر يركب غاز
النوبيرا طويله وهبلهاقتباس:
عاوز اخد رايكم اجيب نوبيرا 2 ولا ماتريكس انا محتاج عربية واسعه وثابته عالطريقة وقطع غيارها متوفرة ورخيصة
خليك في اللانوس وان أو تو محندقه والصالون تقريبا زي النوبيرا
ومش هاتخنق في الركنه أو الشوارع الضيقه
النوبيرا طويله ماشى هبله ازاى بقه
انا كنت بخاف اخد بيها غرز علشان طويله قوى من قدام بس الركنه عادى جدا البور ممتاز فبركن اسهل ما بركن الانوس
يجماعة ايه الكلام ده ايه الي جاب اللانوس لنوبيرا انا مبحبش اللانوس خالص عالرغم انا كويسه فحجات كتير جدا بس انا شخصيا شايف ان النوبيرا ليه الكاريزما بتاعتها عن اللانوس وعربية تحترمها عالطريق بس انا طويل اوي فعاوز عربية واسعه اوي برضوا عشان احنا عيله كلها طوال انا معايا الشاهين ربنا يدومها نعمه بس عاوز حاجه ناعمه زهقت منها نفسي فنوبيرا او الانتر 2005 او ماتركيس
معلش بقه الكلام جاب بعضه بس نصيحه العربيات الى محوله غاز لما بتعمل حوادث شديده العربيه بتحترق بالكامل وشوفتها مرتين وايضا بتنفجر انا كنت بفكر احول غاز لانه موفر بطريقه خرافيه بس بعد الى شوفته شكرا للغاز والنوبيرا عربيه جميله جدا وواسعه وتقيله على الارض
النوبيرا تيل اصل طنابير مش صينى فرامل زى الفل ----تيل كورى الى 60 جنيه وطنابير صينى الى 125 جنيه مش هتلاقى فرامل تانى ان شاء هتلاقى تهديه فقط او فرامل ضغيفه ---- العربيات الغاز بتنفجر البنزين نادر جدا لو احترقت حتى لو احترقت بتحتاج وقت الغاز مجرد اجزاء من الثانيه يعنى ما فيش فرصه انقاذ
انا شخصيا بحب النوبيرا ونفسى اجيبها وبدور على واحده كوبيسه
وسالت ناس كتير راكبنها وشكرو فيها نادر لما تلاقى حد بيشتكى منها
النوبيرا عربية ركوبة و طولها بيدى ثبات على الطريق
و بالنسبة للأستاذ صاحب الموضوع ... انا مشغل العربية ب بنزين 80 و زى الفل لو انت مش فى دماغك الجرى و القرص على العربية ( زى الغاز بالظبط ) و ال80 كمان حيفرق معاك فى انك حتوفر تمن التحويل ل غاز ووزن تانك الغاز إلى حتفضل شايلة معاك على طول
على فكرة انا ركبت شاهين وركبت لانوس حوالى سنة وسنة ثم ركبت النوبيرا[اللة على جمال النوبيرا[على شرط تكون مظبوطة ومش متهانة----------------- انسة يابشا
:Oc_sun1[1]:على فكرة انا ركبت شاهين وركبت لانوس حوالى سنة وسنة ثم ركبت النوبيرا[الله على جمال النوبيرا[على شرط تكون مظبوطة ومش متهانة----------------- انسة ياباشا
يعني مفيش شكوى من الفرامل انشا الله ؟؟؟؟؟؟؟؟؟؟؟؟؟
النوبيرا فعلا لو نضيفه سيارة ممتعه جدا افضل من الانوس
.................................................. ..................
لقد قمتم بمخالفة القاعدة رقم (12) من قواعد المنتدى لذا سيتم حذف المخالفة وتطبيق عقوبة المخالفة مع التخفيف وهي ايقاف اسبوع.
وفى حالة تكرار هذة المخالفه سيتم احتسابها مخالفة مشينه وايقاف نهائى
يرجى مراجعة قواعد المنتدى
مشرف 2ب
الانوس بس ملمومه وظريفه وانا بحبها بس كان نفسى يكون ماتورها اقوى من كدة لما اقضى على ماتور عربيتى هحط فيها ما تور نوبيرا ان شاء الله
يارجالة الانوس فئة والنوبيرا فئة تانية خالص
الاتنين فيهم فرق فى كل حاجة لصالح النوبيرا
هقولك على تجربتى
انا عملت حوالى 80 الف كيلو بالنوبيرا
منهم اكتر من 70 الف ببنزين 80
بعت العربيه والعداد داخل على 120 الف
الحمد لله مكنش فيه اى تسقيف الا فى اوقات قليله جدا (ممكن مع التكييف والحر والحرق على الاول) وغالبا كنت بشك ان البنزين مغشوش او مش نضيف
السحب كان اقل طبعا بس مكنش بيفرق معايا كتير لانى اتعودت عليه
بعت العربيه والحمد لله الماكينه زى الفل
غيرت مره حساس شكمان ومره رشاشات (بس ده طبيعى فى اغلب العربيات النوبيرا عملت كده)
وفرت حوالى 6 الى 7 الاف جنيه فى فتره سنتين ونص
أنا بهزر والله محدش يزعل من كلامي خصوصا أصحاب النوبيرا المحترمين
أكيد أنا طالما راكب لانوس هاقول مفيش قبلها ولا بعدها
ولو كنت راكب سيات برضو هاقول نفس الكلام
وبكره لو بعت اللانوس وركبت نوبيرا هاقول كلام حلو قوي عليها
ربنا يبارك لكل الناس في عربياتهم ويحفظهم من شر العين وسوء المنقلب