الموضوع: مفاجئه و توضيح بخصوص الشركة المصريه لأكسات الصني

صقور نيسان الجامدين اوي ازيكوا اكيد وحشتكو انا شوفت موضوع المساعدين و التيكت الي عليها الي مكتوب عليه الشركة المصرية للاكسات eac فحبيت اقولكوا مفاجئه

ليا زميل قديم كان اشتغل في الشركه دي و اسمها بالكامل (الشركة المصرية لتجميع الاكسات ب 6 اكتوبر)

و ليها مكتب في الدقي

و دي شركة من ضمن الشركات المكملة لصناعة السيارات في مصر بمعنى ام مصنع نيسان بيعتمد مثلا على عدة مصانع تانيه و التقفيل الاخير بيبقى في نيسان

فمثلا الردياتير الي كله فاهم انه مصري : قلب الردياتير الالومنيوم ياباني و العلبه البلاستيك و الي فوق مصري و متقفلين هنا في مصنع برضه في 6 اكتوبر

البلاور: مكونات يابانيه متجمعه في توشيبا العربي و اظن منتجات توشيبا العربي كويسه جدا و معمره كمان

بمعنى ان حتى نيسان لما بتختار مصنع تكميلي مبتخترش اي حد لان هما الي هايجمعوها في الاخر و لو فيه مشكله قسم الكواليتي كونترول هايطلع عينه

اسف للاطاله بس معلش لازم كلنا نفهم معنى كلمة اكس

الاكس هو بطاحه + سوسته + مساعد + طنبوره على بعض متجمعين



و ده معناه ان المساعد ياباني و السوسته ياباني و البطاحه ياباني و الطنبوره ياباني و كلها بتتجمع في الشركه دي و الاكسات بتسلم كامله لمصنع نيسان الي هو برضه جمبهم في 6 اكتوبر و دليلي كمان ان الاستيكر ده عندي على السوسته مش المساعد

و بعدين العربيه ثباتها ممتاز مقارنة مع الالنتر مع انها اعلىعن الارض و ده راجع على جوده المساعدين الي بتتقل العجل ع الارض

و احب اديكوا معلومه ممكن تزعلكوا شويه المفروض و الي بينصح بيه بره ان المساعدين تتغير على 50000 كيلو عشان هي زي الكاوتش ليها عمر افتراضي حتى لو سليمه عشان بتطول مسافة التوقف اثناء الفرمله الفجائيه و في فيدو اهوه بيوضح كلامي

[youtube]http://www.youtube.com/watch?v=HzfAGKIXvw0[/youtube]