ياجماعه انا عايز زيت 20000 يكون نوع كويس ومضمون...منها اغير الزيت مع الفلاتر مع البوجيهات مره واحده كل 20000....لانى تعبت من ال 5 الاف كيلو دة
ياريت اقترح الاعضاء المحترمين...شكرا مقدما
عرض للطباعة
ياجماعه انا عايز زيت 20000 يكون نوع كويس ومضمون...منها اغير الزيت مع الفلاتر مع البوجيهات مره واحده كل 20000....لانى تعبت من ال 5 الاف كيلو دة
ياريت اقترح الاعضاء المحترمين...شكرا مقدما
عمري ماسمعت ان في زيت بيستمر 20000 في مصر .
بنسمع اشاعات ان الكلام ده موجود بره بس والله اعلم ان كان الكلام ده سليم ولا لأ
اخرنا هنا 10000 كيلو فقط .
ازاى يا راجل دة فيه الكاسترول ال 15 وبقالو كتير
بس مش عارف هل فيه 20 ولا لا
سالتلك فى ليكيو مولى
وعندك حلين
توب تك 4 لتر 250 جركن رصاصى
لايت لووف 5 لتر 285 جركن بنفسجى
ودوس يامعلم
زيت لسه نازل مصر وخلاصه الخلاصه
http://www.nilemotors.net/Nile/240276-liqui-mole.html
فيه زيت ايدج سبورت لكاسترول بس ده للمواتير المتربنة والتعدلة الرياضية بس اعتقد 20 الف رقم كبير قوى انك تقعد الزيت كل ده
كاسترول ايدج 15000
كاسترول ايدج سبورت 20000
حتي لو افترضنا وحضرتك حطيت زيت 20,000 كم
علي اقصي تقدير لو العربية مش بتتركن وشغالة 24 ساعة في اليوم فانت بالكتير هتخلص ال20,000 في سنة
وجميع مصنعي السيارات بتنصح بعدم استخدام زيت الموتور لأكثر من 6 شهور
لو استهلاكك عادي وطبيعي (100 كم في اليوم) يبقي افضل الحلول هو زيت 5000 وتغيره كل 6 شهور
دة احسن للموتور
والله المستعان
،
،
الزيوت التخليقية بتتغير كل سنة تقريبا او حسب كيلومتراتها ايهما اقرب
6 شهور دا للزيوت المعدنية
الزيوت التخليقية بالكامل هى اللى بتقعد اكتر من 10 الاف كم وفى منها فى مصر حاليا
1-ليكوى مولى (المانى)
2-فالفولين
3- كاسترول
واسعارهم متقاربة
وعلى فكرة زيوت ال10.000 كم زى موبيل وشل اقصى وقت ممكن تسيبه فى العربية هو سنة اما ال5.000 كم فده اخره 6 شهور ايهما اقرب
الزيوت التخليقية عن تجارب متعددة تصل لأكثر من 60000 كيلو بدون ان تتغير خصائصه
و حتي المعدني بيقعد 10000
اي كلام غير كده يا إما عربتك مهلكة و الموتور سلندراته مخربشة و بياكل زيت ..
يا إما تحشيش بتوع تغيير زيت عشان تغير كتير و يكسبوا أكتر
احنا في مصر بنغير كل 10000 عشان الزحمة و ده دوران للمحرك بدون كيلومتر + الاحتراقات الكربونية من البنزين الزبالة بتوسخ الزيت
غير كده بقي ... برضه نزاهة مش عيب
زيت ليكوى مولى بيقعد 40 الف كيلو فى السايت بيقول كدا ممكن تغيره على 20 الف مرتاح اوى
وصناعته المانى 100%
http://www.liqui-moly.de/liquimoly/p.........&land=DE
بيقعد بره 40 الف هنا 20 الف كويس وبدري كمان عليه
وعن تجربه ده أفضل زيت في مصر دلوقتي و5 لتر ب285
http://www.nilemotors.net/Nile/240276-liqui-mole.html
وموبيل ده زفت بجد أسوء زيت في مصر كلها
انا عارف اللينك يا يوكو بس فين مكان البيع :)
التوبيك كبير اوى
في شيراتون جمب البيت عندي (لكن معرفش العنوان بالظبط)
وفيه النمرة في الموضوع بس دور كده في أخر صفحات هتلاقيها
بخر عالي ده عشان الميه اللي فيه يعني ولا إيه؟!!!!
أنا قعدت بيه تلاتاشر الف فالميجان..العيب فالعربية ياعم!
لأ طبعا بس الزيت لما بيسخن في الموتور بيتبخر جزء منه ده غير إن مفيش موتور كبسه 100% فبيتسرب جزء بيتحرق في الموتور
معرفش عندك إيه بس عندي مبيستحملش خصوصا إن التربو عندي بيسخن الزيت أعلى من الطبيعي بحبه حلوين
وانا ال10 الاف دول بيتعملوا في أقل من 6 شهور (لو معملتش مشاوير)
كبس الموتور و خلوص بساتم ماشي...لكن يتبخر أحب اصححلك إنه غير قابل للبخر
بقولك العيب فالعربية
طب تعمل إيه لو عرفت ان الاتنين فمصر ببتعبو من نفس الفنطاس!!!
يمكن انت يا احمد عربيتك تربو عشان كدة محتاجة تغيير زيت بشكل اسرع من العربيات العادية
عموما انا عمري ماحسيت صراحة ان صوت العربية عالي ابدا
هو بس سعات بحس ان العربية بتسخن مش عارف ده بقى ليه علاقة بزيت الماتور ولا ايه
وبرضوا هبص على مستوى الزيت وهقولك لقيته ناقص بكتير ولا لاء
ايوه بس كل شركة بتحط إضافاتها بعد كده وان كان الزيت الأساسي بتاعهم واحد
وشل حتى بقاله فترة زي الزفت
وكاسترول مزعل العربيه (صوتها بيبقى عال قوي الصبح في الحر وبليل يظبط)
فالفولين صوت العربيه عالي سنه (بعد تجربه في عربيتين صحابي)
ليقوي صوت العربيه كويس وأدائها كويس (متجرب في عربيه واحده)
العربيات الي متجرب عليهم كلهم فيات تربو موديلات 2009 و2010
أنا عندى لانسر بوما مو 2007 ماشى بيها 77000 كم و بغير زيت موبيل 1 كل 20000 كم بدون أى مشاكل و لا يحتاج أى تزويد للمستوى خلال فترة ال 20000 كم
انا جبت زيت موبيل ال 10 الاف خلاص
سعره 260
ودة لانى مش فاضى الف على انواع تانيه
عموما الموبيل مش وحش خالص انا حطه على طول
بس مش لاقى كلمه 10 الاف على العلبه
مكتوب 5w-50
حد يفاهمنى ياخونا
ياااااااااااااه !!!!!!!!!!
هو فيه حد لسه بيسأل السؤال ده؟!!!!
معلش ياأحمد باشا اعذرني .. اصل الاشتغالة بتاعة تغيير الزيت كل كذا كيلو دي الناس فهمتها خلاص
مافيش حاجة اسمها كام كيلو .. و هو الجهد اللي بيبذله الموتور بيعبر عن الكيلوات اللي عملها أصلا ؟!
ياسيدي مافيش حاجة اسمها زيت الف كيلو؟
بص الأنواع ام 100 جنيه و شوية زيت معدني يتحمل درجات حرارة عالية و لكن لزوجته تحت الصفر عالية جدا و مضرة و تتغير خصائصه بعد عام من الاستخدام و حوالي 10-15 الف كيلو في الظروف القياسية
الأنواع أم 200 جنيه و شوية زيت تخليقي يتحمل درجات حرارة عالية ( اقل شوية من المعدني ) و لكن لزوجته مناسبة لدرجات حرارة تحت الصفر و السرعات التي تتجاوز rpm 6000 و لا تتغير خواصه و تم تجربته حتي 65 الف كيلو في الظروف القياسية
الزيوت ام 15-170 جنيه زيوت نصف تخليقية .. بين الاتنين اللي فاتو
الظروف الغير قياسية :
* rpm عالي باستمرار ( حلبات السباق )
* حرارة عالية جدا باستمرار ( سيارة دورة تبريدها سيئة و في الخليج مثلا )
* زحمة مستمرة باستمرار ( واحد ساكن في الكيت كات و شغال في الموسكي )
* موتور بياكل زيت و خلوص الشمايز واسع و البساتم متخربشة
..... تنفع الإجابة دي؟!