رجة شديدة ورعشة فى دركسيون التيجو ؟؟؟

**flight_angle** · 29-10-2011 11:57 AM

عندى مشكلة وجود رجة شديدة ورعشة فى دركسيون التيجو وبتزيد مع زيادة السرعة
وروحت التوكيل وربطولى العفشة وجربوها لقوا لسة فيه رجة ورعشة راجعو الطنابير وقالولى لازم نغير الاتنين الاماميتين عربيتى عاملة 11000 كم فهل فعلا التوصيف بتاعهم صح ولا فيه مشكلة اخرى وهل بعد عدد كيلوات بسيط تحصل مشكلة زى دى
معنى كدة ان كل شوية العربية هيظهر فيها مشاكل فهل هى شروة خسرانة

ارجو المساعدة وشكرا

**firstknight_eg** · 29-10-2011 05:06 PM

طب الرجة ديه علي السرعات البطيئة كمان ولا علي السرعة بس

**eng.m7md.ali** · 29-10-2011 06:12 PM

العربية محتاجة ترصيص للعجل

**osa92003** · 29-10-2011 09:36 PM

التوكيل مش هايحل اى حاجه نصيحتى ليك تروح ورشه المتحده يكشف عليها لان ممكن تكون طنابير او تيل ويقوللك على الحكايه لكن لو انت فى الضمان خليه يعملوها لك اما ازاى تحافظ على الطنابير من التأكل يجب عمل الاتى :
النسبة للأوتوماتيك مالوش حل ,, استهلاك التيل بيزيد عن المانيوال .

بالنسبة للمانيوال القيادة الهادئة بدون تسرع مفاجيء يتبعه فرمله بدون داعي تحافظ على التيل .

كما أن في المانيوال استخدام الغيار العكسي بيساعد في فرملة العربية بدون فرامل وبالذات في المنازل

تدوس على الفرامل بشكل متدرج و تدى الغيار ألأقل فى ألأقل لغاية لما تهدى العربية

**khaled_Saga** · 29-10-2011 11:00 PM

سؤال: بخلاف الرجة والرعشة هل لما لتاخد ملف بتسمع طرقعة او طقطقة بتاعة الكوبلن؟

انا لماكان معايا الجولييت حصل معايا نفس اللى بتقولو وانا رايح اسكندرية ومشيت بالعربية لحد وانا راجع كانت العربية خلاص بتترج على الاول حتى مش السرعات العالية بس ولما روحت بالسلامة كشفت عليها لقيت الكوبلن الامامى شمال كان مفروم وغيرت جوز الكبالن اللى ادام والدنيا اتظبطت الحمد لله

**jant** · 01-11-2011 07:42 PM

المشاركة الأصلية كتبت بواسطة osa92003

التوكيل مش هايحل اى حاجه نصيحتى ليك تروح ورشه المتحده يكشف عليها لان ممكن تكون طنابير او تيل ويقوللك على الحكايه لكن لو انت فى الضمان خليه يعملوها لك اما ازاى تحافظ على الطنابير من التأكل يجب عمل الاتى :
النسبة للأوتوماتيك مالوش حل ,, استهلاك التيل بيزيد عن المانيوال .

بالنسبة للمانيوال القيادة الهادئة بدون تسرع مفاجيء يتبعه فرمله بدون داعي تحافظ على التيل .

كما أن في المانيوال استخدام الغيار العكسي بيساعد في فرملة العربية بدون فرامل وبالذات في المنازل

تدوس على الفرامل بشكل متدرج و تدى الغيار ألأقل فى ألأقل لغاية لما تهدى العربية

عنوان ورشة المتحده او تليفونهم ايه

**hugan** · 01-11-2011 09:23 PM

المشاركة الأصلية كتبت بواسطة jant

عنوان ورشة المتحده او تليفونهم ايه

اول الدائري من المريوطيه
كانو من ضمن الاماكن اللي ذهبت ليها لحل مشكله اللمبه
نفس الكلام كان تشخيصهم غلط
واسعار قطع الغيار عندهم مبالغ فيها ماتقلش عن التوكيل حاجه
لكن افضل من التوكيل انك بتابع عربيتك بنفسك ولوفي مشكله بتقدر تكلم اللي ها يشتغل فيها مباشره خلاف التوكيل