فيلوستر سودا vs اكس 6

**Chrispo** · 30-10-2011 10:44 AM

المشاركة الأصلية كتبت بواسطة ashraf_ibrahim

كريسبو العزيز
طبعا الشد محسوم ليك من البداية لأن مفيش وجه مقارنة
بس الشد الحقيقي الحر النزيه انك تفتح الطريق للي بتشد معاه متقفلش عليه عشان انك تشد يعني تشوف هتعرف تسد معاه واللا لا انما تقفل عليه الطريق لا
وكمان من الامانة على الطريق انك متفاجئش اللي وراك بشيء ممكن يأذيه
انا ولا اعرف البنت ولا اعرف حضرتك لكن اللي حصل دا غلط وغلط كبير كمان !
ايه ذنب صاحب الباسات؟!
افرض انه مش صاحبها ومجرد سواق عليها ؟!
ايه ذنب اللي في العربية ممكن يكونوا اطفال انهم يتعوروا او ما شابه؟
ايه ذنب المارة لو فيه مارة وحد منهم حصله حاجة؟
شد محدش بيقلك متشدش بس ولا تئذي نفسك ولا تئذي غيرك!
انا لما بشد مع حد بفتحله الحارة بتاعته ولو يقدر يطلع مني يطلع ويوريني نفسه انما عمري ما بقفل عليه الطريق
بفتحله الطريق ويوريني اخره فين بالظبط عشان ميجيش حد يقول دانت قافل عليه وحابسه وراك او ما شابه
انا شديت مع مازدا rx3 وبي امات بأنواعها -ومتستهترش بالفيرنا بتاعة العبد الفقير له - بس القصة اكتر منها عربية بتبقا سواق!
معلش بس انت المتسبب في الحادث اللي حصل دا والخطأ كله عليك وشوف كم الدعاوي اللي خدتها نتيجة انك قفلت عليها الطريق وهي ما شافتش الطريق منك !
منكرش انها اكيد كانت تقدر تفاديه لو سايبه مسافة بينها وبينك وهي طبعا مكانتش سايبة المسافة دي وهي برده غلطانة
بس تلبيس ايه دا اللي على 60 دا؟! مش فاهم يعني هي بطيخ في السواقة يعني واللا ايه!؟

اول حاجة نورت الموضوع تانى حاجة اللى يحضر العفريت يعرف يصرفو تالت حاجة طالما انا وضحت ان فى البداية حضرتك انا وهى مشينا خط سترايت وثانييتين وهى كانت فضهرى وفضهرى بغباوة وخلاص كده الموضوع خلص لكن معلشى كانت مستفزة جدا قلت خلاص صباحو اصابات

رابع حاجة بقى وده الاهم انا بقول لحضرتك ان اكنت قافلها الطريق تماما وفجأة فتحتلها اليمين ورحت شمال بس هى اصطبحت على سرعتها دى مع الفتحة بالباسات اعمل ايه انا ايه بقى ؟

وبعدين مهو كل اللى على المنتدى قالو انها ملبسة عربيات قد كده ومخرباهم والناس قد كده بتدعى عليه وذنب ناس بتخلصو ناسوشكرا على ردك

**Chrispo** · 30-10-2011 10:50 AM

المشاركة الأصلية كتبت بواسطة Kareem.ElAraby

عمتا هي واضح انها لبست ناس كتير فده جزاتها
انا صعبان عليا الباسات بس
و الكورنيش في اسكندريه أخاف منه أكتر من الدايري هنا و المقاطير
و السياسه القذره بتاعه التلبيس تدل علي الغباء
بلاش الفاظ وياريت نحترم بعض شوية
زميل سابق كان معاه أكسنت 1.5 أوتو كانت كل فكرته عن الشد انه يلبس اللي بيشد معاه أو يقفل السكه عليه و الراجل يغور و مالوش دعوه بالخساير اللي بتجراله
انا أول ما الاقي الشخص غشيم أو مش باقي علي حاجه بأغوره في 60 داهيه بعيد عني و عن عربيتي مش محتاج أثبت لحد انني بأعرف أسوق و ليا في الشد و ده مش شد ده فكر متخلف (( مش شايف انك عمال تغلط كتير ؟ )) بتاع التلبيس ده و غشوميه ( مش قصدي صاحب الموضوع علي فكره انا بأتكلم عمتاا) !
و معلش طولت عليكم
و ربنا يحفظ طريقنا كلنا من الاشكال ده !

**horas3000** · 30-10-2011 11:37 AM

واضح ان البنت دي متعرفش مقوله
لا تلعب مع الوحش و لا تخلي الوحش يلعب معاك

و سؤال جانبي
انت 50i و لا 35i

**Samir Elshahawy** · 30-10-2011 01:30 PM

أخي العزيز ..

أولا حمدا لله علي سلامتك و ربنا يبارك لك في عربيتك و يكفيك شرها و شر الطريق , لكن أسمح لي أسألك سؤال :

- هو كان هيحصل أيه لو هي عدت منك بالفيلوستر أو حتي ب 128 ووصلت القاهرة قبلك ؟
- و هل انت راضي دلوقتي عن نفسك بعد ماتسببت لها في ضرر او كدت ان تجعلها تفقد حياتها ؟

المفروض أن القيادة "فن - ذوق - أخلاق" و بما أننا أعضاء في أكبر منتدي سيارات بمصر و الشرق الاوسط و بعضنا لازق أستيكر المنتدي علي عربيته فالمفروض اننا نكون قدوة لباقي السائقين بالطريق و عندما نري خطر علي السيارات الاخري بالخلف ان نحذرهم و نحاول ان نساعدهم علي تجنبه

ياتري انت معايا في الكلام ده و لا أيه ؟

**Ashraf_Ibrahim** · 30-10-2011 02:28 PM

المشاركة الأصلية كتبت بواسطة chrispo

اول حاجة نورت الموضوع تانى حاجة اللى يحضر العفريت يعرف يصرفو تالت حاجة طالما انا وضحت ان فى البداية حضرتك انا وهى مشينا خط سترايت وثانييتين وهى كانت فضهرى وفضهرى بغباوة وخلاص كده الموضوع خلص لكن معلشى كانت مستفزة جدا قلت خلاص صباحو اصابات

رابع حاجة بقى وده الاهم انا بقول لحضرتك ان اكنت قافلها الطريق تماما وفجأة فتحتلها اليمين ورحت شمال بس هى اصطبحت على سرعتها دى مع الفتحة بالباسات اعمل ايه انا ايه بقى ؟

وبعدين مهو كل اللى على المنتدى قالو انها ملبسة عربيات قد كده ومخرباهم والناس قد كده بتدعى عليه وذنب ناس بتخلصو ناسوشكرا على ردك

دا نورك يا باشا ربنا يكرمك
اكيد طبعا اللي يحضر العفريت يعرف يصرفه.... معرفش يصرفه يتحمل أذاه وهي حضرت بي ام انا عارف :d
بس برده ارحموا عزيز قوم ذل :d
يعني هي كبست وراك بعد ما عديتها نتيجة انك هديت سرعتك وانت حبستها وراك !
صح كدة؟!
طيب لما انت فتحتلها الطريق هل لو انت مكانها كان قدامك وقت كافي ومسافة كافية انك تفرمل وتقف او تغيراتجاهك واللا انت كنت قاصد تلبسها؟!
انا مبتكلمش هي ملبسة كام واحد يا باشا انا ولا اعرفها ولا اعرفك ولا قريت عنها على المنتدى قبل كدة الحقيقة !
هي بس الفكرة كلها محدش ابدا يحب انه يأذي الغير الا لو الغير عمل معاه موقف سيء
يعني انا كان فيه تريلا رمت عليا رمية حلوة على طريق الاسماعيلية الصحراوي
عذبته ورايا طول الطريق 60 -مكانش ورايا حاجة وفاضي - وهو كان ماشي 120
وجيت في المطالع كنت بعذبه اكتر وانزل ل 40 كمان
المهم اني بعذبه هو مش بأذي حد معاه
ياريت بس تكون فهمت انا عايز اقلك ايه
وربنا يحميك ويكفيك شر عربيتك ويديك خيرها
اللهم امين

**Car's Sniper** · 30-10-2011 05:29 PM

ايواااا بقى ...كنت ناويلها لما اجى الاسكندرية بس انت مية مية وقمت بالواجب....مش مزعلنى غير بتاع الباسات اللى مالوش ذنب بس ان شاء الله البنت تصلحهاله على حسابها وتشرب من الكاس اللى شربت منه غيرها

**maryano** · 30-10-2011 05:50 PM

ربنا يسترها معانا و كما تدين تدان يعني زي لما لبست ناس كتير في الرصيف اهو جربت هي تلبس فس عربيه و ربنا مع صاحب البسات و انا رئي انها غلطتها مهما عمل معاها صاحب الموضوع طلما مش كشفه الطريق و اسدها عربيه عليه ليه بقي الجري و تطلع منو بسرعه علي حته مش كشفاها !!!!!

**Ahmod** · 30-10-2011 06:00 PM

ااااااااااااخ انا كدة زعلت من شباب اسكندرية

وانا اللى بقول شباب اسكندرية مافيش زيهم تطلع بنت بفلوسيتر مبهدلة الكورنيش وسمعتها توصل لعندنا هنا

ولو عربية تقيلة كنا قلنا معلش لكن دي في الاول وفي الاخر 1600 يعني اي عربية ممكن تجيب معاها الرك على اللى بيسوق

الخزي والعار ! !

------

وبعدين يا جماعة انتو متحاملين بزيادة على صاحب الموضوع ليه

الرجال لا لبسها ولا رمى عليها وراحت هيا لبست في حاجة

ده غباء منها انها تبقى كابسة في ظهره لدرجة انه لما يتفادى حاجة هي تلبس

وواضح انها غشيمة وواخدة السواقة بالدراع

لان المفروض حتى لو بتشد مع واحد ماتبقاش كابس في ظهره للدرجة اللى تخليك تلبس وانت على سرعة 60 !

واكبر دليل على كدة انها جاية تسخن واحد راكب x6

يعني جاية على عربية m-power بتاكل اي حد وتسخنها

انا شايف ان صاحب الموضوع مغلطش في اي حاجة والحادثة نتيجة غباء منها

-

-

الموضوع: فيلوستر سودا vs اكس 6

LinkBack

أدوات الموضوع

عرض

-

-

-

-

-

المواضيع المتشابهه

دخنه سودا

جبت ريو 2013 ..سودا

هيونداى فيلوستر

دخانه سودا

جين 2 سودا

الكلمات الدلالية لهذا الموضوع

المفضلات

المفضلات

ضوابط المشاركة