الموضوع: من غير مطرود؟؟

كان شكلها ايه وايه بتكلمك ساعة ما قلتلك الكلمتين دول , يعني كان وشها مقلوب ولا بتبتسم ابتسامة شكر , جايز تكون انت سمعت غلط
ولو كان وشها مقلوب وهي بتقلك يبقي انت سمعت صح وكدا الولية دي عبيطه وعالم قليلة الادب ولا تعبرهم بعد كدا وفي بدل الصيدلية الف

المشاركة الأصلية كتبت بواسطة a7med_pharma

لما تعامل ناس(ودي حقيقة)مستواهم العقلي متخلف عنك بمراااااااااااااحل
صدقني هتلاقي الحاجات دي عادية
جرب تنزل تشتغل في الأرياااااااااااااااااف
جرب تكون إسمك دكتور في صيدلية , وناس تخش تفاصل معاك في شريط حبوب سعره 2.75 ج وعاوزين ياخدوه بــ 1.5 ج بس
جرب إن واحد بكل بجاحة يروح يجيب دوا من صيدلية تانية , ويجيلي في عز وقت الشغل يقولي "" مين هنا بيعلق محلول ""
أقوله " خـــــــير"
يقولي" مراتي تعبانة وعاوز حد يعلق لها محلول "
أقوله " والله لو أقدر أجي معاك دلوقتي كنت جيت , لكن محدش معايا دلوقتي وده وقت شغل"
يقولي " يعني إنت إلي الناس بتقول إنك بتعلق محاليل ببلاش"
أقوله" أيوه .. أنا "
يقولي " يعني تروح للناس ومش عاوز تيجي معايا"
أحاول أفهمه إن ده وقت شغل , ومش هينفع اقفل الصيدلية(زي العادة) وأروح معاه أعلق المحلول
يقولي " طيب تعالى وهعشيك "
أحاول أفهمه تاني
يقولي " يعني مش جاي , أما إنك راجل ملكش لازمة صحيح"

يا نهار اسود ايه دا كله , دا انت مستحمل بلاوي بجد

منطردتش ولا حاجه
انا فاهم ان صيديلتك في الأرياف وعموما الكلمه دي في الأرياف مش شتيمه ولا حاجه وبتتقال لما تبقي مثلا انت قاعد في مكان ومحرج تمشي مثلا فعشان حد يشيل من عليك الحرج ده فبيقولك اتفضل من غير مطرود او توكل علي الله انت يادكتور

اكيد الناس مش قصدهم يطردوك ولا حاجه هما بس خايفين تكون انت عايز تمشي وهما مغلسين عليك فبلتشيل من عليك الحرج