السلام عليكم ورحمه الله وبركاته
رجاله المنتدى عندى مشكله فى العربيه لما اكون لسه طالع بالعربيه وبدوس فرامل يا دوب بلمس الفرامل الاقى العربيع كلبشت فى الارض مش عارف ليه هى ؟؟؟؟:untitled 1:
مع العلم العربيه صنى 2001
عرض للطباعة
السلام عليكم ورحمه الله وبركاته
رجاله المنتدى عندى مشكله فى العربيه لما اكون لسه طالع بالعربيه وبدوس فرامل يا دوب بلمس الفرامل الاقى العربيع كلبشت فى الارض مش عارف ليه هى ؟؟؟؟:untitled 1:
مع العلم العربيه صنى 2001
بتحصل لو العربية بارده ( كانت مركونة يوم ولا حاجة ) بتحصل معايا برضة 2010
2001 يبقي انت عايز اصحاب الخبرة في القسم .. استني و اكيد حد هيرد عليك
و بعده كده ايه اللي بيحصل لما بتمشي بتفك حبه ولا بردوا
و بعدين قصدك ايه ب باللمس دي يعني المشوار بتاع البدال هو هو بس بتقفش جامد اوي (لو كده يبقي عادي علاشن الطنابير بتبقي بارده فالقفشه بتبقي جامده شويتين )
لوا بتبقي زي المحجره كده في الاول و بعدين مع المشي شويه بترجع كويسه و مشوار البدل بيبقي كويسه (لو كده يبقي عندك مشكله في ماستر من مساتر الفرامل سواء ماستر العمومي او مساتر العجل نفسها و محتاج حد يكشفلك عليهم و ممكي يكونوا محتاجين تنظيف بس علي حسب)
هو اللى بيحصل مع حضرتك ده بيحصل معايا فى ال2008 بس ده علشان العربيه فيها ba اللى هو داعم الفرمله بقوم بزيادة قوة الفرمله فا لما حضرتك تضغط فرامل على خفيف تلاقى العربيه اتسمرت فى مكانها بس هل ال ba ده موجود فى ال2001 ولا لأ الله اعلم وحضرتك انتظر برضه مشاركات الناس اللى عندها صنى قديم
اول لما باطلع بتقفش بسرعه بس بعد ثلاث او اربع دقايق بتكون عاديه
بتحصل معايا احيانا لما يقابلنى مطب اول ما اتحرك بالعربية بس ما بقتش احط فى بالى
وافتكر انه بسبب ان التيل والطنابير بتبقى لسه باردة وعلى فكرة الموضوع ده فى اى عربية بس بيبقى بزيادة فى الصنى لان فراملها ناشفة شوية
حاول بعد ما تدور العربية تضع رجلك على الفرامل لتوصيل الزيت اليها عشان اما تمشى (تكون العملية سالكة) انا غالبا ما بعمل كده وابقى قولنا رايك.
ممكن نوع التيل اللي حضرتك مركبه وهو بارد بيعمل كده ولما يسخن مع الفرملة كذا مرة بينعم ويبقى عادي.
مظبوووووط
بصوا يا جماعه
اولا ده بيحصل معايا كل يوم الصبح بدري و العربيه بارده و هتلاحظه لو جبت شويه ميه و رشيتهم على الطنابير الامايه و ياريتها تفضل كده على طول
ثانيا بقى بصوا على العربيه من تحت اودام العجله من جوه من عند الاكصدام الامامي لو ركزتوا مش هتلاقوا فتحات تهويه للتيل في الكارتيره البلاستيك لو دي كانت موجوده كانت الفرامل هاتفضل كده طول ما انت ماشي عشان بلاحظ الفتحات دي في التيدا مثلا و في عربيات تانيه كتير
لدرجة اني بفكر ساعات اعملها فتحات عشان حراره التيل مع الطنابير و كمان هتطول عمر الطنابير
شكرا يا رجاله على الافاده