الموضوع: مشكلة فى مقاس الزيت

لو سمحتوا
عربيتى لانوس كورى موديل 2000 الموتور 1500 عاملة 150 الف كم

المشكلة انه الكتالوج وكل الناس الى معاها لانوس بيقولوا ان العربية دى لما تغير زيت وفلتر بتاخد 3.75 لتر
ويبقى مقاس الزيت عند علامة ال max

مشكلتى الى مقلقاننى جدا جدا:
ان عربيتى احطلها 3 لتر فقط عند تغيير الزيت والفلتر ويبقى مقاس الزيت عند علامة ال max
فكده فى فرق بينى وبين الناس كلها 4/3 لتر واصلا العلامتين بتوع المقاس بينهم 1 لتر
علشان كده انا بخاف احط 3.75 لتر لحسن الزيت يسرب من ايى حتة او يخرج فى المانيفولد ويأثر على الحريق أو......
وبرده بخاف احط 3 لتر بس لحسن الزيت يقرب من علامة ال min

ولحد دلوقتى انا ماشى على انى احط 3.25 وده بيخلى الزيت اعلى من علامة ال max بحوالى نص المسافة بيت العلامتين يعنى 2/1 لتر

ياترى الموتور ده مليان رواسب ولا المشكلة ايه بالظبط مع العلم ان عصاية المقاس اصلية ومفهاش مشكلة
ولو فى حلول ابدأ بأيه

ولكم جزيل الشكر

المشاركة الأصلية كتبت بواسطة smso

طب متجرب بمقاس تانى قبل ما تشتريه وقبل الفلاشنج.
معقول كمية الرواسب توصل للتر الا ربع ؟؟, ولو صح يبقى اعتقد ان الكرتيرة لازم تتفك علشان تتغسل مظبوط.

انا فعلا جربت بمقاس بتاع لانوس 2007 بتاعة واحد صديقى معايا فى العمارة وكان مغير زيت فى التوكيل (العباسية) فى نفس اليوم ولقينا الاتى :
1-عصاية المقاس بتاعتى مرنة ومبططة وممكن تشكلها بسهولة على شكل ربع دايرة وده علشان بتاخد شكل الماسورة (الزور) الى بتنزل فيه وفيها ثقبين صغيرين بيحددوا علامتى ال min و max
2-عصاية المقاس بتاعته صلبة ومدورة وغير قايلة لأى تشكيل وده علشان تاخد شكل الماسورة (الزور) الى بتنزل فيه وفيها شرطتين صغيرين بيحددوا علامتى ال min و max
3-عصاية المقاس بتاعته منفعش انها تدخل عندى فى الزور لانها مستقيمة والزور عندى منحنى
4-حطينا العصايتين جنب بعض وخلينا الكاوتشتين الى بيقعدوا على الزور على نفس الخط ولقينا ان العصاية بتاعتى اطول من بتاعته
ولقينا ان علامة ال max بتاعتى بالظبط عند علامة ال min بتاعته
يا ترى ممكن نستنتج من الى فات ده اى حاجة ولا موضوع المقارنة بين العصايتين ده ملوش لازمة واسف للاطالة