-
البوجيهات بتهبب
السلام عليكم ورحمة الله وبركاته
العربيه امبارح انا باعمل فيها الصيانه الاسبوعيه لقيت البوجيهات مهببه رحت منضفها وغيرت الماف وبرده لقيت البوجيهات مهببه برده مع العلم البوجيهات انا ماشى عليها22000 كيلو وهى جى ام اصلى ايه ممكن يخلى البوجيهات تهبب ( ممكن يكون البوجيهات نفسها - حساس الكولنت) ايه احسن انواع البوجيهات الاى ممكن انا اركبها وتكون كويسه وممكن الواحد يركب ال4 شمعه احسن ولا لا وللعلم انا مركب حساس الكولنت اتحاد اوروبى واستهلاك البنزين لتر فى ال10 كيلو
-
وعليكم السلام ورحمه الله وبركاته ..
غير البوجيهات بس يا حاج اشرف..احسن نوع عن تجربه اسمه flagوده صناعه الماني وفتحه الجاب بتاعته مناسبه للاوبل وكمان 3 شمعه سعره 70ج الفتره الاخيره جربت الجي ام بيشتغل زي الفل بس فجاه بيبوظ ويهبب ويشكك في كل حاجه والعيب منه اساسا.تحياتي
-
اعتقد لتر لكل 10 كم في البلد كتير
انا كان معايا 1600 كربراتير (لادا) وكانت بتعمل لتر لكل 10 كم جوة البلد
كنت بركبلها بوجيه 1 شمعة
اعتقد الأنجيكشن بتبقي اقل وبتبقي بوجيه 3 شمعة ودة انشاء الله هيظبط الأستهلاك
دة خبرتي الشخصية
خبراء الأوبل اكيد ليهم رأي مختلف
والله المستعان
،
،
-
عم فادى شكرا على الرد وايضا syd
وذلك على الردود السريعه
ال 10لتر ده بره البلد مش جو البلد - جو البلد انا بصراحه انا محسبتهاش علشان الاستهلاك دايما اعلى جو البلد
-
انا امبارح سالت واحد كان شغال فى التوكيل على البوجيهات قالى انها بتتغير على 15000 كيلو وعلى اقصى تقدير 17000 كيلو بس مع العلم انا بركب الجى ام وان شاء الله هسال على النوع الاقال عليه فادى وهجربه بس السؤال هو فعلا البوجيهات بتتغير على 15000 فقط ولا لا مع انى شايف انها مسافه قليله جدا
-
كتب الصيانه بتقول البوجيهات تتغير بعد 40000كم بس التجربه بتقول انها مش بتكمل 20000كم
-
انا عندى بقالها 18000
و شكلها ماتت خلاص
-
يبقى كلام الراجل صح وده من اول ماسمع ان البوجيهات بقالها 22000 قالى حرام عليك ده اخرها 17000 وانا ملاحظ ان العربيه فى تاخير فى الدواره بس ممكن تكون ثانيه او بمعنى تاخير فى الدواره عن المعتاد ان شاء الله هغيرها بس ان باسال على البوجيهات الاقال عليهافادى انا مش لاقيها عندنا وحتى الجى ام مش موجوده والراجل قالى فى بوش بس انا قولت اسالكم ده كويسه ولا لا لانى انا طول عمرى بحط الجى ام فقط
-
بلاش البوش ياحاج ...مضروووووب
-
بلاش البوش
هات ان جى كى اليابانى الأتنين شمعه
Content Relevant URLs by
vBSEO 3.6.0 PL2