دخــــــــان أسود

**benmatar** · 30-10-2011 10:45 AM

السلام عليكم
من حوالي شهرين وحت اليوم ملاحظ ظهور دخان أسود في التدوير الصبح... وصوت الموتور عالي حبتين وحاسس إن السحب قل شوية، وساعات العربية تبطل في السلانسيه أو لو واقف في إشارة مثلا. علما بأن البنزين المستخدم 92 علطول ونادرا 90 ونهائيا 80، ونظفت الكربراتير بالكامل من 4 شهور وحالته كويسة. شاكك إن الموضوع كهربا... فعلا؟ يا ريت لو حد يدلني ربنا يباركله

**mada3030** · 30-10-2011 11:36 AM

بص فك بوجيه واتفرج عليه لو نضيف يبقى كهربا او ممكن يكون زيت المحرك زياده شويه

**benmatar** · 30-10-2011 02:38 PM

المشاركة الأصلية كتبت بواسطة mada3030

بص فك بوجيه واتفرج عليه لو نضيف يبقى كهربا او ممكن يكون زيت المحرك زياده شويه

السلام عليكم
منسوب زيت المحرك تمام والبوجيهات مش قوي (اسودت) بس مفيش زيت عليها والحمد لله، رأيك البوجيهات ممكن؟؟ طب لو كهربا هيكون الموضوع سبراتير ول إيه؟؟ شكــــرا

**Amr_Azab** · 30-10-2011 03:02 PM

علي حد علمي موضوع الدخان الآود ده يبقي تنظيف كربراتير فأتأكد انك نظفته كويس وعادي علي اي بنزينة خليه ينظفلك ماسورة البنزين بالهواة وشوف ايه الكلام

**mido51eg** · 30-10-2011 04:06 PM

الرجاااااااء اتأكد من فلتر الهواء. الفلتر لو مكتوم الكربراتير بيعوض الناقص من الخليط انه يضخ بنزين زيادة. الأول جرب تفك الفلتر وتنفخه بالهواء عند الميكانيكي او بتاع الكاوتش اللي بتتعامل معاه وركبه وشوف النتيجة.

**benmatar** · 31-10-2011 09:37 AM

المشاركة الأصلية كتبت بواسطة mido51eg

الرجاااااااء اتأكد من فلتر الهواء. الفلتر لو مكتوم الكربراتير بيعوض الناقص من الخليط انه يضخ بنزين زيادة. الأول جرب تفك الفلتر وتنفخه بالهواء عند الميكانيكي او بتاع الكاوتش اللي بتتعامل معاه وركبه وشوف النتيجة.

السلام عليكم
ربنا يباركلك نبهتني لحاجة ناسيها....... بصراحة فلتر الهواء عندي من سنة وبنظفه بالهواء من حين لآخر بس لونه بقى رمادي.... هغيره وأبلغكو،، شــــكرا

**sakr_skoda** · 05-11-2011 08:49 PM

لالالالالالالالالالالا على مهلك شوية الفلتر لونه مش بيفرق المهم انه مش مكتوم كفاية تنظفة....

بس انا عاوزك تبص على البوجيهات ممكن يكون فى بوجيه فاصل تعرف ازاى؟؟؟؟؟؟؟؟

انتا تدور العربية وتفصل بوجية لو حركة الموتور اتغيرت يبقى تمام دة شغال والتانى لما توصل انك تفصل بوجية ولم تلاحظ تغيير فى حركة الموتور يبقى على طول البوجية ده فاصل غيرة....

روح للميكانيكى خليه يظبطلك الكهربا والهوا انا مش عاوز اقلك بتتعمل ازاى اصل ده موضوع لازم يتعمل قدامك انتا تلذق للبرنس الميكانيكى وياريت يكون معاك واحد صاحبك يدور العربية وانتا لاذق للبرنس وشوف بيعمل ايه هى مش معضله دى حجات تافها خلاص بس هما عاملينها حاجات كد ولا الفوازير....**