السلام عليكم اولا
يا ترى حد يقدر يفيدنى بافضل الطرق لتشميع العربيه وافضل الخامات و الطريقه
عرض للطباعة
السلام عليكم اولا
يا ترى حد يقدر يفيدنى بافضل الطرق لتشميع العربيه وافضل الخامات و الطريقه
وعليكم السلام ورحمة الله وبركاته
حضرتك تجيب الشمع اللى هو الكريم (نوع ارمور اوول أو فورملا وان أو ترتل واكس)
بعدين تاخد العربية فى مغسلة وتديها غسلة تمام (أو انك تغسلها بنفسك)
وبعدين تروح لمكان يكون ضل (ماينفعش تشمع العربية فى الشمس)
علبة الشمع بيكون معاها سفنجة
هتمسك السفنجة وتغمس فى الشمع وتفرده على جسم العربية
وانت بتفرده تفرده بصورة دائرية
بعد كده تسيبه حوالى 5-10 دقائق وبعدين تجيب فوطة قطن نظيفة وتمسح الواكس من على العربية
هتلاقى الواكس بيتفرك كده من على جسم العربية
بعد لما تخلص هتلاقى الدنيا بقت حلوة والعربية بتلمع
ملحوظة: حاول ماتخليش الواكس ييجى على أى فبر أسود علشان بيبقى طلوعه صعب وبيخلى شكل العربية وحش
الف شكر يا باشا
طب لو العربيه جديده اسبها شويه و بعدين اعمل الموضوع ده ولا الافضل اعمله على طول
متابع
العربيات الجديدة بتكون الشركة المصنعة حاطة طبقة زى الشمع بتحمى الدهان
ممكن ما تحتجش انك تشمع العربية دلوقتى
لكن لو انت عايز تشمعها يبقى خير وبركة واهو زيادة الحماية للعربية
متابع باهتمام
وياريت لو حد عنده تجربة مع ورشة ازالة الخدوش وتلميع العربية اللى ب150ج ومعموله اعلان فوق فى المنتدى يقولنا برضه
هو المفروض حسب الكتالوج انك تعمل جزء جزء
وبالتالى كل لما تعمل جزء تستنى عليه 5-10 دقائق وبعدين تمسحه
أما انا بقى بعمل اللى انت بتقول عليه كده
بافرد الشمع على العربية كلها وبعدين امسحة (بس بستنى شوية على الاجزاء الاخيرة علشان بتكون لسه معمولة)
المشكلة فى الموضوع انها محتاجة مجهود عضلى جامد