شكرا ليك ياأستاذ hegazio
يوم الجمعة نزلت شارع الأزهر اشتريت سماعتين صيني ماركة اسمها Semotomi شكلهم مش بطال وتحس ان خامتهم محترمة كانوا عاملين 80 جنيه علشان اركبهم على كاسيت بايونير DEH-3950 . روحت امبارح للسجان في شارع دمشق علشان اركبهم وفعلا ركبتهم بس ليا بعض الملاحظات :
بالمناسبة انا عربيتي فورد اسكورت بتنزل بكاسيت فابريكة ارتفاعه اعلى من الكاسيت العادي
1- الشنبر المعدن اللي بيدخل في التابلوه مانفعش يدخل لأن كاسيت الفابريكة اقل منه حاجة بسيطة اوي في العرض وبالتالي ركب البايونير من غيره.
2- نتيجة فرق الأرتفاع جابلي درج صغير ركبه تحت الكاسيت.
3- الكاسيت الأصلي حدوده مستديرة بعكس الكاسيت البايونير فده اتسبب في ان البايونير اصبح بارز للخارج.
4- الكاسيت الأصلي واخد شكل بومباي (مستدير للخارج) بعكس البايونير.
اخيرا الشكل العام بعد تركيب البايونير مش عاطفي بالمرة وندمان اني ركبته برغم ان الأوبشنز بتاعته اعلى بكتير من كاسيت العربية الأصلي.
رأيكم ايه اشيله واركب كاسيت العربية تاني ولا استحمل المنظر لغاية لما اتعود عليه؟
المفضلات