الموضوع: سؤال عن صيانة الالف ؟؟؟

المشاركة الأصلية كتبت بواسطة wshawky

هو الزيت اللى بيبقى جاى مع العربيه بيبقى زيت خفيف و بعد الألف كيلو الاولى بينزل فيه رايش نتيجه عمل الموتور لاول مره ولذلك كما قال الخبراء فى التعليقات السابقه يا ريت ما تاخرش الصيانه دى. كنت عايز اسأل حضرتك إيه اخبار العربيه معاك و لو فى فروق بينها و بين الصنى

بص ياسيدي
التيدا عربية ناعمة مريحة واللي عجبني جدا بجد إنها مريحة جدا بجد في الزحمة .. بتجري جامد جدا .. مابتسحبش بنزين .. واسعة جدا بمعنى إنها بحر من جوه .. فراملها حلوة جدا ومسعفة بس مش عجباني زي الصني .. تكيفها تلاجة .. عافشتها متينة ومصفحة من تحت .. عالية عن الأرض .. متورها مرتاح قوي عالسرعات العالية .. صوت الموتور هادي جدا .. تقفلها حلو قوي .. عيبها بقى إنها خفيفة :(((( بس ده عالسرعات العليا بس .. من الآخر عربية محترمةةةةةةةةةة

نيجي بقى للصني أولا عربية ركزة تقيلة عالأرض معاك لحد 180 ثابتة جدا .. فراملها ممتازة لابعد الحدود عن التيدا كمان .. تكيفها تلاجة .. واسعة من جوه بس للشخصين اللي قاعدين قدام من ورا تركب تلاتة متوسطين في الحجم .. عافشتها ناشفة جدا وهتتعب ضهرك بس حمالة قاسية جدا جدا جدا جدا وبتستحمل قوي عن التيدا كمان أنا حاسس كده .. متورها صوته عالي ... بتسحب بنزين عن التيدا الضعف مثلا :((( .. بس أنا مش حاسس بالبنزين ده عشان طرقي كلها ساريعة .. عالية عن الأرض .. متورها برده مرتاح عالسرعات العليا بس التيدا أحسن بيفرق 100 أو 200 لفة في الدقيقة .. تقفلها مش حلو زي التيدا .. بس برده عربية محترمةةةةةةة للي بيدور على استحمال

من الآخِر بقى اكتر ميزة عجبني في التيدا عن الصني موضوع سحب البنزين والراحة في الزحمة .. واكتر حاجة عجبني في الصني عن التيدا الثبات عالسرعات العالية وفراملها و كمان استحمال مع انها ناشفة بس عربية تعتمد عليها بجد ...............

بص أنا نصيحتي ليك هات العربيتين الصني للشغل وتيدا للدلع هههههههههههه

وشكرا وياريت أكون خدمتك :)))