معروض عليا مونديو 98 راشه بره بالكامل (بحجه ان اللون القديم بقي وحش علشان الشمس)
150الف كيلو والراجل ماسك في 40الف جنيه مش عايز ينزل تعريفه
انا لسه مكشفتش عليها مش عارف اروح ولا كتير عليها
عرض للطباعة
معروض عليا مونديو 98 راشه بره بالكامل (بحجه ان اللون القديم بقي وحش علشان الشمس)
150الف كيلو والراجل ماسك في 40الف جنيه مش عايز ينزل تعريفه
انا لسه مكشفتش عليها مش عارف اروح ولا كتير عليها
معلش بس فين التفاصيل؟
كام سي سي؟ حالتها العامة؟
ياريت التفاصيل عشان نقدر نقيمها
في انتظار تفاصيل حالة العربية لو سمحت.
يا عم نوبي احنا اتكلمنا قبل كدة في موضوع الفورد
انت عايش في الاقصر و معتقدش انه فيه حد عند حضرتك هايعرف يعمل اي حاجة في العربية ديه
و طبعا مش طبيعي انك تخبط مشوار للقاهرة كل ما العربية يحصلها حاجة
و برده لو فيه عربية اصلا في الاقصر من الزيرو و شغال فيها صنيعية بالشبة هاتلاقيها متعفرتة
يبقي انت طلبك مش هنا لحد ما التوكيل ربنا يكرمة و ينفخ في صورتة و يقوم يغسلوا وشهم و يعملوا مراكز صيانة في المحافظات ساعتها نقول ماشي
العربيه 1600 سي سي
والله انا فاكر كلامك كويس ان بلاش الفيستا تحديدا ولو كده ممكن اخد اسكورت فانا اعتقدت ان الموضوع علي الفييستا بس خصوصا ان فيه واحد هنا متخصص في الامريكي وبنودي عنده الفوكاس عادي
ثم بعد شويه مشاورات لقيت اني مش ممكن هركب عربيه بالكفائه ديه بالسعر ده
لان السعر ده ممكن يجيب فرنا حالتها تعبانه او لانوس موتوسطه 2005 وكمان ميحصلش
طيب لو جيبت اوبل يبقي نفس القصه طيب لو رينو ميجان نفس القصه
يبقي انا مكتوب عليا اني ياركب حاجه مش مقتنع بيها يااما هآيس واشتري حاجه محترمه وانا مقتنع بيها
وانا فكرت في الفوكاس بس عاليه في السعر عليا
علي العموم لو المونديو زي الفييستا يبقي قولي علشان اللغي من دلوقتي ده كفايه المشوار
بالمناسبه كل قطع الغيار اللي هنا بتيجي بالطلب (الماني امريكي ياباني) مع الاسف ثقافه انك تروح تلاقي اللي انت عايزه مش موجوده هنا كله بيتعامل بالسمسره في قطع الغيار تطلب ونجيبلك
يعني الحال هو هو مش هيفرق دي من غيرها (دي طبعا وجهه نظري)
بص يا معلم نوبي ميكانيكية الفيستا صعبة و الحمد لله جنب ميكانيكية المونديو ولا اي حاجة و اي بقال يصلحها
فتخيل انت بقي ميكانيكية المونديو و الاسكورت زي المونديو بالظبط تبقي شكلها ايه
هو انا لغيت الفكره اني اركب فورد دلوقتي علشان مش هقدر اصرف عليها ثم الحمد لله شقتي الجديده خلاص كلها كام شهر وهتخلص وطبعا عايزه مصاريف ياما
الصراحه مش عارف اشكرك ازاي يااستاذ جوزيف لانك بجد لتاني مره بتنقذني من دماغي اللي هتوديني في داهيه
بس ده مايمنعش اني اول ماهكمل ال50 او اكتر شويه هدور علي فوكاس بنت حلال
استاذ نوبي السلام عليكم واهلا بيك في قسم الفورد
لو حضرتك حابب تركب فورد خليك في الاسكورت ال 1300 او الفيستا ال1100 الاتنين كربراتير واي ميكانيكي كويس يصلحهم بسهولة جدا كانهم هيونداي لان مفهمش تعقيد زي الانجكشن.
دي راي مع احترام راي جوزيف طبعا.
والله اعلم
وعلى كده بقى الاسكورت 1300 كابراتير سهله فى الصيانه طيب متوسط سعرها كااااااااااااااااااام
30 الف