عايز اشتري صني و مش عارف :( :(

السلام عليكم..

انا محتار اوي يا جماعة و ارجو انكم تساعدوني زي ما المنتدى بمختلف اقسامه ساعدني اني اختار النيسان صني كاحسن سيارة في فئتها

دلوقتي انا حاجز من شهرين مع احد الموزعين المعتمدين في اسكندرية.. من رمضان بالتحديد.. على امل اني استلم قبل العيد الصغير.. المهم ما استلمتش لحد دلوقتي.. واخيراً بدأ ييجي عربيات والناس تستلم.. لكن كل العربيات اللي بتيجي الوانها مش عاجباني.. وانا مش متخيل ان بعد ما استنيت كل ده اشتري عربية تمنها فوق المية الف جنيه واللون مش عاجبني..

غير كده لما اجي اسال بره الموزع اللي انا حاجز معاه.. الناس بتزود في السعر ما بين 1000 و 2500 جنيه عشان التسليم الفوري.. ويا ريت الالوان موجودة..

انا حتى مش طالب لون معين.. انا شغال معايا 5 الوان وكلهم مش موجودين.. يا ريت لو حد يقدر يساعدني ويقوللي لو شايف لون منهم عند حد يقولي ويقولي مكانه.. وانا هادفع كاش

الالوان بالترتيب:

1. سوبر صالون - احمر - فرش بيج
2. سوبر صالون - كحلي - فرش بيج
3. سوبر صالون - سماوي - فرش بيج
4. سوبر صالون - ابيض - فرش بيج
5. هاي لاين - اسود - فرش بيج

رجاء المساعدة.. وشكراً مقدماً

طيب ما انت خلصت كل الألوان كده، فاضلك السيلفر والفيراني والموف، نصيحتي اسحب مقدم الحجز وانزل القاهرة يومين واحجز من أوتو إيجيبت إن شاء الله هاتلاقي عنده الألوان اللي انت عاوزها، وربنا يوفقك للخير:untitled 1:

مبدئا الاحمر والابيض دول الوان سبشيل .. وبياخدوا وقت فى الاستلام عند اى موزع
والكحلى بقا نادر بردوا

والاسود هاى لاين .. انتاج الهاى لاين بردوا بقا بياخد وقت

بصراحة كل الوان السوبر صالون حلوة

والنبيتى فيها تحفة .. والفيرانى الفاتح والغامق حلوين جدا .. والسلفر كمان

طالما مش فارق معاك الالوان

انت حجزت فين وياترى سالت عند موزعين اخرين .....اسال عند العالمية للسيارات عبد اللطيف جميل عند الداون تاون

نصيحه بلاش اللون الاسود لانه بيبان فيه التراب ومش عملى خالص فى مصر و كمان بيمتص الحراره فى الصيف.
خليك فى الألوان الفاتحه :16:.

نبيتي فرش بيج

شكرا لكل الردود.. بس واضح ان رسالتي ماوصلتش كويس.. انا مش عايز غير الالوان دي بس.. الالوان الموجودة اللي مش عاجباني هي الفضي والدهبي والفيراني والنبيتي.. بالنسبة للعالمية.. هو ده اصلا اللي انا حاجز عنده.. بالنسبة لموضوع الالوان الغامقة اتحذرت منه فعلا.. بس انا ونصيبي بأه.. يا ريت الاقي السماوي او الاحمر.. هاحاول اكلم اوتو ايجيبت وربنا يسهل.. بس يا ريت اللي يعرف حد عنده عربية من دول يبلغني.. والفرش البيج مهم جدا بالنسبة لي.. لان الفرش الرمادي مش عاجبني خالص.. شكراً

اقتباس:

---

المشاركة الأصلية كتبت بواسطة momadow

شكرا لكل الردود.. بس واضح ان رسالتي ماوصلتش كويس.. انا مش عايز غير الالوان دي بس.. الالوان الموجودة اللي مش عاجباني هي الفضي والدهبي والفيراني والنبيتي.. بالنسبة للعالمية.. هو ده اصلا اللي انا حاجز عنده.. بالنسبة لموضوع الالوان الغامقة اتحذرت منه فعلا.. بس انا ونصيبي بأه.. يا ريت الاقي السماوي او الاحمر.. هاحاول اكلم اوتو ايجيبت وربنا يسهل.. بس يا ريت اللي يعرف حد عنده عربية من دول يبلغني.. والفرش البيج مهم جدا بالنسبة لي.. لان الفرش الرمادي مش عاجبني خالص.. شكراً

---

قصدك الفرش الأسود مش الرمادي، والله أنا جايبها موف داكن على فرش أسود وجميلة مع العلم اني ما كنتش مقتنع في الأول

بصراحة دى مسالة اذواق وربنا يوفقك فى اللون اللى يدخل مزاجك
الاحمر المالبورو ده شوفته فى شهر 6 - 2010 وقت ما استلمت عربيتى وبس ما نزلش تانى تقريبا
الكحلى برضه ناااااااااااااادر والابيض شبه معدوم شوفت واحدة بس كان عليها بادج الاتحاد الوطنى - طنطا موديل 2010 ماشية مرة ع الزراعى
رأيى تنتظر الهايلاين السوداء لما ينتجوها تانى لانهم بعد فترة التوقف السنوى فى رمضان شغالين دلوقت فى الصالون والسوبرصالون بس

شكرا لاهتمامكم يا جماعة.. هاحاول على قد ما اقدر اني اجيبها قبل العيد.. وان كان ده بقى شبه مستحيل..

شوف اللون الزيتى هو قليل شوية بس تحفة

مشكلة الزيتي والنبيتي مع العربية دي بالذات ان شكلها قديم.. في اي شوية تراب مع اللونين دول باحس ان العربية موديل 2001 مش 2012

لو على التراب يبقى قدام حضرتك حاجة من اتنين فضى او فيرانى
والباقى كله التراب بيبان فيه وما اقولكش ع الاسود بقى عاوز واحد ماشى بفوطة وراها كل شوية يلمعها

السليفر جميل التراب ميبانشي فيه
سوال حد يعرف عنوان وتليفون اتو ايجيبت مدينة نصر

بص ياباشا الاتحاد الوطنى بعد شهر وحاليا مافيش عنده صنى . ممكن تتصل بكره بمعرض السبع نازله كمية صنى وفيها اغلب الالوان وسعره للسوبر صالون 104 مع بونات خصم على الصيانات بالف جنيه وطقم دواسات وبعض الهدايا الاخرى

Auto Egypt 16666
شكرا

شكرا للإهتمام والرد

أنا رايي برضه انك تكلم السبع و تسال و فى احتمال كبير يكون عندهم طلبك

صباح الخير عليكم.. انا بالفعل كلمت السبع واوتو ايجيبت و القصراوي.. اكتشفت ان القصراوي بتاع ميتسوبيشي مع اني كنت مقتنع انه نيسان.. مش موضوعنا.. اوتو ايجيبت قاللي صراحة.. الالوان دي مش موجودة ومش هاتكون موجودة.. انجز نفسك وخد السوبر صالون السوداء على فرش بيج اللي عند العالمية.. اللي انا اصلا حاجز عنده.. وقاللي على نقطة كانت غايبة عني.. قاللي الاسود حلو اما تيجي تبيعه.. الالوان التالنية ممكن تعطلني في بيعها لان مش كل الناس بتحبها.. ده كان اوتو ايجيبت.. السبع باه كان كلامه مختلف خالص.. قاللي اقدر اوفرلك لون واحد من اللي انت طالبه.. السوبرصالون السماوي فرش بيج.. بس لازم احجز ب 5000 جنيه الاول :( :( وهاستلم بعد العيد.. وبياكدلي ان السوبر صالون السماوي فرش بيج جاتلهم وطلع منها لناس.. ايه رايكم؟ احجز ب 5000 جنيه عند السبع؟ وانا اصلا حاجز ب 1000 جنيه عند العالمية؟ والسبع بيقولي ان العربية عنده اغلى 2000 جنيه يعني ب 104000 واللي انا حاجزها ب 102000 بس.. السبع بيدي دفتر كوبونات فيه 20 كوبون ب 50 جنيه لكل مرة صيانة ممكن استعمل كوبون واحد. دلوني اعمل ايه؟ حاجة تانية.. السبع بيقول ان ال 5000 لو حبيت استردهم هايرجعولي 4000 بس وبعدين اعمل طلب استرداد عشان اخد 1000 اللي فاضلة!! حاسس انها حوارات كتير بس عنده اللون اللي انا عايزة.. اعمل ايه؟

مناديب بيع السبع متاخدتش منهم كلااااام
اللي انا جربته ان كلامهم مش ثقة ... وده فرع النزهه
----------------
انا بثق في كلام اوتو ايجيبت ومعملتهم محترمة ... سواء هما او يونايتد اللي في النزهة برده

معاك حق يا ستيل المحترم.. انا عملت مشكلة قبل كده مع فرع السبع اللي في المنصورة.. عمال يقنعني اني اخد العربية اللي عنده في الديسبلاي وهي مافيهاش اي بي اس وانا عايز اي بي اس وعمال يقنعني ان الاي بس اس مش مهم.. ومش هاحتاجه.. في حين ان بتاع اوتو ايجيبت كلمته قبل السبع على طول.. قاللي يا باشا خليك مع اللي انت حاجز معاه.. الالوان دي مش موجودة وانتظارها عبثي.. لانه ممكن المصنع يقعد شهر مايطلعش الالوان دي.. فانت معاك حق في وصفك للسبع ولاوتو ايجيبت.. السؤال باه اللي بيفرض نفسه ويا ريت حد يجاوبني عليه.. ليه المصنع مش يعمل العربيات حسب الناس ما هي طالبة؟ ده هنا في مصر.. يعني مش صعب خالص ان المصنع ياخد من الموردين لستة بالالوان والفرش المطلوب ويعملهم يعني.. ولا انتم شايفين حاجة تانية؟

اقتباس:

---

المشاركة الأصلية كتبت بواسطة momadow

صباح الخير عليكم.. انا بالفعل كلمت السبع واوتو ايجيبت و القصراوي.. اكتشفت ان القصراوي بتاع ميتسوبيشي مع اني كنت مقتنع انه نيسان.. مش موضوعنا.. اوتو ايجيبت قاللي صراحة.. الالوان دي مش موجودة ومش هاتكون موجودة.. انجز نفسك وخد السوبر صالون السوداء على فرش بيج اللي عند العالمية.. اللي انا اصلا حاجز عنده.. وقاللي على نقطة كانت غايبة عني.. قاللي الاسود حلو اما تيجي تبيعه.. الالوان التالنية ممكن تعطلني في بيعها لان مش كل الناس بتحبها.. ده كان اوتو ايجيبت.. السبع باه كان كلامه مختلف خالص.. قاللي اقدر اوفرلك لون واحد من اللي انت طالبه.. السوبرصالون السماوي فرش بيج.. بس لازم احجز ب 5000 جنيه الاول :( :( وهاستلم بعد العيد.. وبياكدلي ان السوبر صالون السماوي فرش بيج جاتلهم وطلع منها لناس.. ايه رايكم؟ احجز ب 5000 جنيه عند السبع؟ وانا اصلا حاجز ب 1000 جنيه عند العالمية؟ والسبع بيقولي ان العربية عنده اغلى 2000 جنيه يعني ب 104000 واللي انا حاجزها ب 102000 بس.. السبع بيدي دفتر كوبونات فيه 20 كوبون ب 50 جنيه لكل مرة صيانة ممكن استعمل كوبون واحد. دلوني اعمل ايه؟ حاجة تانية.. السبع بيقول ان ال 5000 لو حبيت استردهم هايرجعولي 4000 بس وبعدين اعمل طلب استرداد عشان اخد 1000 اللي فاضلة!! حاسس انها حوارات كتير بس عنده اللون اللي انا عايزة.. اعمل ايه؟

---

بص العالمية شركة محترمة جدا وانا شارى عربيتى من عندهم اول مافتحوا المعرض دة الى فى الداون تاون وانا راى دة ناتج عن ان الشركة بتبيع العربيات بتاعتها بالسعر الرسمى لها حتى فى عز بيع العربيات بازيد من سعرها (ودة كان بيحصل كتير زمان )لما يكون عليها ضغط طلب والكلام دة مش باقصد بية نيسان بس لا دول عندهم فرع جوة الداون تاون بيبيع انواع اخرى ومن ناحية اخرى هما موزعين معتمدين واكيد على صلة بالمصنع الام ومن مصلحتهم يجيبولك طلبك لو هو موجود اصلا يعنى مش معقول المصتع يدى الوان لموزع ويمنعها عن موزع آخر
نيجى بقى للون الاسود وعلى فكرة دة لون عربيتى اولا انا شايف انة احلى لون عليها بس قبل مجيبها كنت خايف برضة من نفس الكلام الى بيتقال على وسختها بس صدقنى وعن تجربة واقتناع اى عربية مع اى لون نظيف وبيلمع بيبقى تحفة واى عربية مع اى لون بيبقى وسخ او نتخبط بيبقى شكلة وحش سواء كان اسود او ابيض او احمر وبنسبة لعربيتى السايس بيمسحها كل يوم الصبح بفوطة زفرة وبتبقى حلو وزى الفل ....واخيرا علشان ترضى ضميرك اسال عند مرعى هو برضة موزع معتمد وربنا يوفقك ويباركلك فيها مقدما

اقتباس:

---

المشاركة الأصلية كتبت بواسطة momadow

معاك حق يا ستيل المحترم.. انا عملت مشكلة قبل كده مع فرع السبع اللي في المنصورة.. عمال يقنعني اني اخد العربية اللي عنده في الديسبلاي وهي مافيهاش اي بي اس وانا عايز اي بي اس وعمال يقنعني ان الاي بس اس مش مهم.. ومش هاحتاجه.. في حين ان بتاع اوتو ايجيبت كلمته قبل السبع على طول.. قاللي يا باشا خليك مع اللي انت حاجز معاه.. الالوان دي مش موجودة وانتظارها عبثي.. لانه ممكن المصنع يقعد شهر مايطلعش الالوان دي.. فانت معاك حق في وصفك للسبع ولاوتو ايجيبت.. السؤال باه اللي بيفرض نفسه ويا ريت حد يجاوبني عليه.. ليه المصنع مش يعمل العربيات حسب الناس ما هي طالبة؟ ده هنا في مصر.. يعني مش صعب خالص ان المصنع ياخد من الموردين لستة بالالوان والفرش المطلوب ويعملهم يعني.. ولا انتم شايفين حاجة تانية؟

---

اكيد المصنع من اول ما بدا الانتاج ونزل الالوان دى وهو بيعمل احصائيات عن رغبات عملائه واكيد بيركز على الالوان الاكثر طلب ويبندى يستبعد الالوان الى بيعها كان صعب واتركنت فترات طويلة مثلا قبل ما تتباع اما انة يعمل عربية بالطلب فدة يكلف العميل مبلغ كبير جدا لان دة بيبقى خط انتاج ماشى بسستم معين علشان يطلع عربية بالسعر دى اى تغيير فى هذا السيستم اكيد يبقى مش اقتصادى لان دة مصنع مش زى ورش الدوكو

اقتباس:

---

المشاركة الأصلية كتبت بواسطة MoMaDoW

معاك حق يا ستيل المحترم.. انا عملت مشكلة قبل كده مع فرع السبع اللي في المنصورة.. عمال يقنعني اني اخد العربية اللي عنده في الديسبلاي وهي مافيهاش اي بي اس وانا عايز اي بي اس وعمال يقنعني ان الاي بس اس مش مهم.. ومش هاحتاجه.. في حين ان بتاع اوتو ايجيبت كلمته قبل السبع على طول.. قاللي يا باشا خليك مع اللي انت حاجز معاه.. الالوان دي مش موجودة وانتظارها عبثي.. لانه ممكن المصنع يقعد شهر مايطلعش الالوان دي.. فانت معاك حق في وصفك للسبع ولاوتو ايجيبت.. السؤال باه اللي بيفرض نفسه ويا ريت حد يجاوبني عليه.. ليه المصنع مش يعمل العربيات حسب الناس ما هي طالبة؟ ده هنا في مصر.. يعني مش صعب خالص ان المصنع ياخد من الموردين لستة بالالوان والفرش المطلوب ويعملهم يعني.. ولا انتم شايفين حاجة تانية؟

---

انا اتفق مع رأى اتوايجيبت لأنه اكبر موزع لنيسان فى مصر تقريبا بيوصل ل40-50% من المبيعات واكيد عارف ايه اللى بيطلع من المصنع كويس اوى
مختلف مع السبع ووصفه بعدم اهمية abs لمجرد انه عاوز يبيع عربية معروضه عنده وخلاص !!!!!!

يافندم اللى حضرتك بتطلبه ده بيتعمل فى bmw individual مواصفات خاصة ولو اتطبق فى نيسان يبقى سعر الصنى هايزيد عالاقل 10 الاف ج وساعتها ماحدش هايشترى
هما طارحين 7 الوان اساسية : اسود - نبيتى - شامبين - فضى - رمادى - موف داكن - سماوى بترولى ودول اكتر الوان عليها طلب :grin54:

النبيتي والموف أحلاهم

الف شكر با جماعة.. انا تفريبا استقريت على اني هافضل مع العالمية داون تاون.. وهاستلم غالبا بعد العيد لان خلاص النهارده التلات.. هو فعلا الوحيد اللي بيبيع بالسعر الرسمي.. والسوداء مش بطالة على الفرش البيج.. بالنسبة لموضوع غطاء العربية؟ ده ممكن يقلل قصة التراب ولا فاكس؟ انا شفت من كم يوم غطا بسستة.. ايه رايكم؟ وكمان موضوع الفي كوول.. او الحاجات اللي زيه.. هل دي فعلا فعالة ولو ركنت في الشمس مابتدخلش حرارة للعربية؟ وهل فعلا المرور بيسمح بيها؟ اخر حاجة.. لو عايز اركب فرش جلد طبيعي.. ده يكلف كام تقريبا؟ وهل هو عملي و بيستحمل فعلا ولا ايه؟ وشكله بيفضل حلو؟ وهو ليه لازم اعمل فرش للعربية؟ ليه ماستعملش الفرش الاصلي بتاعها.. ولو اتسخ ابقى انظفه؟ شكراً

الغطاء مفيد اوى عشان بيحمى العربيه من التراب و الناس الرخمه اللى ممكن يخربشوهاك لا قدر الله و خاصه لو اللون غامق و فى انواع كتير بس اللى كويس هو الفضى اللى مبيتشققش و بيكون مش تقيل و متلافون عند بتوع الاكسسوار

عظيم.. يعني الغطا مفيد.. اللي هو الفضي الميتاليك الخفيف ده.. وباقي الحاجات؟

اقتباس:

---

المشاركة الأصلية كتبت بواسطة momadow

عظيم.. يعني الغطا مفيد.. اللي هو الفضي الميتاليك الخفيف ده.. وباقي الحاجات؟

---

الصني أخر تقفيل ليها أمتي بالشكل ده؟

مش فاهم