الموضوع: لو إكتشفت إن صاحبك ملحد أو كافر, هتعمل إيه؟

المشاركة الأصلية كتبت بواسطة zyadahmed

اعتقد انى ما جبتش اى سيرة عن تطبيقى للحد عليه لان ده منوط بولى الامر طبعا
وبما اننا لم يكن لنا ولى امر ولا هايكون لنا فى المستقبل القريب ولى امر يطبق الشريعة

فانا لذلك هاكتفى بانى اكرهه فى الله وهذا اضعف الايمان وهو ده تصرفى الشخصى معاه لانى لن ارضى باقل من ذلك ولا حتى اعامله كويس ازاى ؟ مش متخيل الموقف مع مسلم ارتد

اما لو كان اصلا مش مسلم فالوضع مختلف لان دينى وضع ليا ضوابط للتعامل مع المسلم وغير المسلم
اما المرتد دى فللاسف مالهاش حل تانى الا شرع الله ... الغائب الى حين فى بلاد المصريين اعاده الله الينا فى القريب العاجل لنحى سنن نبينا واوامر ربنا ولا نجامل احد مهما كان على حساب عقائدنا وايماننا
وتقبل تحياتى .....

....
وانا برضه يا زياد ماقولتش اني ح احبه
انا قلت اني انصحه ولو مفيش فايدة ح اجتنبه تماما واعي ربنا يهديه
...
ومش معقول برضه اني الاقي واحد صاحبي رايح النار برجليه وما أنصحوش
يمكن يكون الشيطان مسيطر عليه ومحتاج حد ينصحه
....
من حديث الرسول عليه الصلاة والسلام يوم خيبر
فوالله ! لأن يهدي الله بك رجلا واحدا خير لك من أن يكون لك حمر النعم " .
...
وده نص اللي انا كتبته

اولا ح احاول انصحه وارجعه لعقله واصبر عليه واجرب مرة واتنين وتلاته
لكن لو حاولت و مافيش فايدة فيه
ح اجتنبه تماما .... وأدعي ربنا يهديه .... واحاول بعد فترة ان انصحه مجددا

طالما لم يعاديني ولم يعادي الدين فلن اعاديه طبعا ... من شاء فليؤمن ومن شاء فليكفر .....وكل واحد ح يحاسب عن اعماله
لكن لو مثلا لقيته بيدعو الناس للالحاد وبيحارب الدين ويتجرأ على الله ورسوله
يبقى ح أكون ألد اعداءه

وربنا يهدينا جميعا للحق والصواب
ومش معنى كلامي ده ان هو ده الصح
ده رأيي الشخصي واجتهادي وممكن اوي يكون غلط