الموضوع: سؤال للى عندهم فكره بسيطه حتى عن الفيزا والمستر كارد

انا عامل فيزا الكترون علي بنك فيصل رسوم فتح حساب الإستثمار 30ج وبتاخد بطاقة الatm والفيزا الإلكترون رسومها 60ج وتحط رصيد 1000ج علشان يعملهالك ...الإيداع في حساب الإستثمار ميقلش عن 1000ج اقل من 1000 بيتحط في الحساب الجاري ومينفعش تسحب منه بالفيزا ممكن تسحب ببطاقة الatm بس من الحساب الجاري.

المشاركة الأصلية كتبت بواسطة ahmed_rahem

للرد على السؤال دة محتاج ترد على سؤال اول: اية الى انت محتاج تشترية من على النت ومش موجود فى المحلات؟ وهل يمكن دفعة من غير نت، تحويل بنكى مثلاً؟

لو جاوبت على الاول بعدم وجود مصدر غير النت - زى مصاريف شهادة مهنية فى الخارج - وجاوبت على التانى انة مش ممكن، يبقى مفيش غيرة.
طب ناخد بالنا من الاتى: التأكد تماماً من الموقع ومن انة موقع محترم وموثوق منة. ثانياً غالبية المواقع مش بتحصل بنفسيها انما بتحولك على موقع بنك او شركة تحصيل وبتلاقى علامة قفل فى اسفل الشاشة، وعادة بتطلب رقم تاكيد الكارت - ودة 3 ارقام خلف الكارت، غير 16 رقم الى على وش الكارت.
استعمل كارت صالح للنت سواء كارت نت او كريدت والتاكد من الفاتورة فى الشهر التالى، ولو لقيت مبلغ زيادة او مشتريات اخرى تبلغ فوراً البنك انها لا تخصك ويقوم البنك ببحث الموضوع، والغاء العملية لو كانت مشبوهه.

والسلام ختام

[جزاك الله خيرا
انا ااقصد مثلا دفع فواتير مثلا زى التليفون او اشتراك النت وكلها حاجات جوه مصر