السلام عليكم اولا
انا عايز اعمل فيزا حسابات جاريه يعنى احط فلوس واسحبها فى وقت
عايز اى معلومه عن الموضوع ده خاصه انى مش عايز فوائد
يعنى تكلفتها كام وايه اقل مبلغ ممكن احطه فى الاول او فى وقت وادخله الحساب ازاى
ولو لى حسابات فى البنوك وعايز اخلى ده مسقل ينفع ولا لا
وممكن تساعدنى فى الشراء من النت او المولات وعمل الاعلانات فى الفيس
فى الاول طبعا ايه احسن بنك اتعامل معاه
والى المكن بتاعه منتشر فى الاسكندريه
واى معلومه ذياده يبقى جزاكم الله خير
انا ممكن اروح البنك استفسر
بس الاحسن اسمع من ناس مجرب
بص يا باشا عندك سوستيه جنرال أحسن الوحشين و كمان فى hsbc
فى أي بنك بتطلب حساب توفير و تحط اللى أنت عايزه فى حاجات منيمم 500 جنيه و فى بنوك منيمم 5000 تلاف عشان ما يعدش عليك مصاريف حساب شهرية
حتعمل الفيزا الألكترون و ممكن تسحب بيها و ممكن تشتري بيها
بالنسبة للأنترنت عندك حلين ممكن تعمل فيزا كردت من أي بنك و ده لازم تربط وديعة أو تربط مرتب و ممكن تعمل بيها كل حاجة زي الألكترون بس بالإضافة ممكن تشتغل بيها على النت و ممكن تسحب كمان على المكشوف و تقسط بفائدة كمان
يا أما تعمل كارت إنترنت من سوستيه جنرال أو البنك العربي و ده بيبقى مدفوع مقدما - يعنى اللى بتحطه فيه بتاخده ، غير كده مالوش لازمة و خلي بالك عشان الأمان فيه ضياع يعنى لو حد خد بيانات كارتك يبقى يسحب أو يشتري كأنه أنت عشان كده لازم يبقى فى تحكم سريع زي بتاع سوستيه
الفيزا ألكترون بيبقى إصداره عادة ببلاش و الإنترنت فى ناس بتعمله ب 30 و فى ناس ب20
انا بجرب فى الحاجات ديه بقالي سنين و شغالة فل
الإنتشار برضه بلا منازع للبنكين دول
لو عايز حاجة تاني أسأل أنا فى الخدمة
بص انا عالمل واحدة فى بنك مصر من حوالى 3 سنين
ومافيش مشاكل خالص مع البنك لغاية دلوقتى
ومافيش مرة احتجت فلوس مالقتش مكنة فى المكان اللى انا فية
بتروح بصورة البطاقة ووصل نور وشكرا على كدة
واول مبلغ بيكون 50 ج فقط
طيب بعد كده اقل مبلغ كام؟اقتباس:
المشاركة الأصلية كتبت بواسطة midoabdeen
بالنسبه للفؤائد ينفع ارفضهااقتباس:
المشاركة الأصلية كتبت بواسطة amrezzat82
وفى بنوك اسلاميه كده؟
السلام عليكم
بنك اتش اس بى سى كان هيقدم خدمة جديدة وهى انك تقدر تشترى من خلال كارد ال atm من خلال المبلغ الموجود فى حسابك فقط ومفيش اى فوائد ولا اى حاجة لانك بتشترى من خلال المبلغ الموجودبالفعل فى حسابك
مش عارف هو طبق الخدمة دى ولا لا بس اللى اعرفة ان الخدمة دى موجودة بالفعل للحسابات الادفانس والبريمير والمفروض انه كان هيطبقها قبل احداث الثورة للحسابات العادية ( الجارى )
ربنا يوفقك للخير
فيصل او البنك الوطنى للتنميه(مملوك لمصرف ابو ظبى الاسلامى) بيعملك اللى انت عايزو دا بالظبط بس مش فاكر كام الحد الادنى
الشرا من على النت فى كريدى اجريطول و سوسيتيه و الافريقى والاهلى
عملواه من زمان وعندي حساب جاري وكرت فيزا ديبيت منهم وهما كويسين جدا بس مينفعش الكرت ده على النت هما قافليينه ومعندهمش كرت نت منفصل:oops1:اقتباس:
المشاركة الأصلية كتبت بواسطة Ahmed Mubarak
انا جربت كارت ال atm بتاعي في كارفور ومنفعشاقتباس:
المشاركة الأصلية كتبت بواسطة yoko
وفي الاخر بعد المعاناة خرجت بره المول خالص علشان اسحب كاش
أنا نفع معايا في كارفوراقتباس:
المشاركة الأصلية كتبت بواسطة أبو صلاح
بالادق المكان الوحيد اللي جربته فيه كان كارفور و نفع :grin54:
لأ فيه الatm القديم ده مينفعش وفيه الي مكتوب عليه visa Debit الجديد وجه شكله هو الي ينفعاقتباس:
المشاركة الأصلية كتبت بواسطة أبو صلاح
http://www.hsbc.com.eg/1/PA_1_1_S5/....hip-icon_d.jpghttp://img502.imageshack.us/img502/4...tchipicond.jpg
http://www.hsbc.com.eg/1/PA_1_1_S5/....hip_card_b.jpg
اوك ومش شرط اشترى من النتاقتباس:
المشاركة الأصلية كتبت بواسطة yoko
واعتقد الاراء
بنك اتش اس بى سى كان هيقدم خدمة جديدة وهى انك تقدر تشترى من خلال كارد ال atm من خلال المبلغ الموجود فى حسابك فقط ومفيش اى فوائد ولا اى حاجة لانك بتشترى من خلال المبلغ الموجودبالفعل فى حسابك
يا جماعة كاردت الديبت بتاع هس بس هو أصلا الكترون ينفع تشتري بيه من أي حتة و تسحب من أي حتة
غير كده يبقى المحل اللى بتسحب منه أو بتشتري يبقى بايظ
الكلام ده عن تجربة و كمان بره مصر
و طبعا من غير أي فوائد و ليك حد سحب فىاليوم و على الشراء بدون أي حد إن شالله تشتري بحسابك كله
معلش انا مش فاهم يعنى ايه الديبتاقتباس:
المشاركة الأصلية كتبت بواسطة amrezzat82
معلش اصل معلوماتى ميح فعشان كده بسال اروح اى بنك
الديبيت الي هو الكرت بتاع الحساب الجاري يعني تسحب من الي معاك بس ومفيش فوائد
الكريديت يعني بتسحب وتسدد بعدين (معندكش فلوس في الحساب)
الكلام ده عندى فى الكليه وان شاء الله هعملها بعد العيداقتباس:
المشاركة الأصلية كتبت بواسطة yoko
النظام المصرفى فى مصر لعمليات التجزئة متأخر جدا يعنى تبقى فاتح حساب وحاطط فلوس فيه ومعاك كارت فيزا ديبت اخرك تسحيب فلوس ماينفعش تشترى مش عارف ازاى ده بره مصر اى كارت فيزا ديبت بيسحب ويشترى ومن اى بقاله صغير حتى او من هيبر كبير
لو حضرتك عاوز تفتح حساب تحط فلوسك فيه وتسحب وتشترى من غير ماينزلك مليم واحد فوائد يبقى لما تروح البنك ماتفتحش الحساب توفير لا قوله عايو افتح حساب جارى
الحساب الجارى : بتحط فيه فلوسك وتسحب فى اى وقت وبياخد منك مصاريف شهريه تقريبا من 5 الى 10 جنية وبعض البنوك فيه فلوس بتدفعها charge لو حسابك قل عن الحد الادنى الى هو تقريبا 5000 جنيه زى cib الفرقبين الجارى والتوفير انة بيطلعله دفتر شيكات التانى لا
الحساب التوفير : برضه بتحط فيه فلوس وبتسحب من فلوسك بالفيزا بس بيضاف عليه فوائد ليك بتنزلك على المبلغ الى موجود فى الحساب تقريبا قليله اوى حوالى 1% او اقل الفرق انه مش بيطلعله دفتر شيكات زى الحساب الجارى
حاول تاخد لفه على البنوك الى قريبين منك واقعد مع حد من خدمة العملاء واساله على فتح حساب جارى وايه الحد الادنى لفتح الحساب ؟ وهل فيه تشارج على الحساب لو قل عن مبلغ معين كل شهر ؟ وكام المصاريف الشهريه للحساب ؟ وهل الفيزا تسحب وتشترى ولا تسحب بس ؟ ولو سحبت من ماكينه لبنك تانى ياخد عليك كام تقريبا بتكون 3 جنيه ؟
شكرا لحضرتكاقتباس:
المشاركة الأصلية كتبت بواسطة mokhtar
صراحه شرحك بسيط ويتفهم بسرعه
ياجماعة بنك الاهلي سوسيتية جنرال الحد الادني لفتح الحساب الجاري 2500 جم و حساب التوفير 500 جم و الاثنين بيطلع معهم كارت فيزا اليكترون تقدر تسحب و تشتري من اي مكان خارج و داخل مصر علي قدر المبلغ داخل الحساب
شرح تفصيلى:
اولاً: انواع الحسابات مثل ما شرح العضو moktar
ثانيا: انواع الكروت:
1- كارت سحب للرصيد ودى اسمها Debit، او ATM ودى تسمح فقط بالسحب من ماكينات السحب الالى من حسابك فى البنك بحد اقصى المبلغ الموجود فى حساباك، وفية انواع متاخرة لا تعمل الا مع ماكينات بنكك فقط، ولا يمكن الشراء بها على الاطلاق، واعتقد ان غالبية البنوك فى مصر وقفت اصدارها الا بشكل محدود.
2- كارت Debit Electron مثل الكارت الاول ولكن يضاف عليها امكانية الشراء من المحلات، point of sale، فى مصر الكروت دى مقفولة للنت وكل بنك لية طريقة مختلفة للدفع للنت
3- كارت crdit card ودة انت بتشترى بفلوس البنك - سلف يعنى - وترد الفلوس تانى والنبك بيعطيك فترة سماح لسداد بدون ميحسب فايدتة. وافضل طريقة لاستخدام الكارت دة هو السداد قبل نهاية فترة السماح (حوالى 25 يوم بعد تاريخ نهاية الشهر، وفى البنك بيسوقها ويقولك 55 يوم لانة بيحسب الفترة من بداية الشهر وليس من نهايتة) وعادة بيكون فى ضمان لسداد - لانة قرض فى نهاية الامر - وبيكون يا وديعة او مرتب. وممكن تسحب نقدى من ماكينات السحب وان كان فى مصر بيدفعك على استخدام الماكينة بالاضافة الى الفوائد من يوم السحب علشان كدة غير مستحب استخدامها فى سحب النقدية، وبما ان مش كل المحلات فيها كريدت فالكارت دة غير مجدى على مستوى واسع، الا لو تعاملك مع محلات فيها كريدت ودى بيحط علامة Visa او Mastercasrd على مدخل المحل.
4- كروت النت، فى بنوك بفتحلك كارتك الاصلى على النت اياً كان نوعة (سواء النوع التانى او التالت) ويديك حدود اعتقد لا تزيد عن 5000 جنية، وفية بنوك تانية بطلع كروت منفصلة للنت (بنفس الطرق، يااما كرت انت بتحط رصيد وتشترى على قدة - النوع التانى - او كارت بتشترى على حساب البنك - النوع التالت - والاتنين انت ممكن تحط رصيد زيادة وتشترى اعلى من الحد بس لازم تبلغ البنك الاول علشان يفتح الحد الاقصى للكارت.
ختاماً الروت فى مصر متاخرة جداً جداً، وبتشتغل على الاماكن الغلية فقط، برة حتى البقال عندة بيع بالكروت.
فى مصر تعمل الية: تفتح حساب توفير - علشان بدون مصاريف - لو انت مش محتاج شيكات، وتطلع كارت Debit علية وتسحب من اى ماكينة لما تحتاج فلوس.
وحابب ممكن تطلع كارت كريدت Credit card احتياطى ولا تستخدم الا فى حالة الطوارئ وتسدد الرصيد تانى شهر على طول.
والسلام ختام
شكرا على الشرح. بس هل الكريدت كارت غير امن لاستخدام النت.او بمعنى تانى ينصح بعدم اسعماله؟
للرد على السؤال دة محتاج ترد على سؤال اول: اية الى انت محتاج تشترية من على النت ومش موجود فى المحلات؟ وهل يمكن دفعة من غير نت، تحويل بنكى مثلاً؟اقتباس:
المشاركة الأصلية كتبت بواسطة dr.hany
لو جاوبت على الاول بعدم وجود مصدر غير النت - زى مصاريف شهادة مهنية فى الخارج - وجاوبت على التانى انة مش ممكن، يبقى مفيش غيرة.
طب ناخد بالنا من الاتى: التأكد تماماً من الموقع ومن انة موقع محترم وموثوق منة. ثانياً غالبية المواقع مش بتحصل بنفسيها انما بتحولك على موقع بنك او شركة تحصيل وبتلاقى علامة قفل فى اسفل الشاشة، وعادة بتطلب رقم تاكيد الكارت - ودة 3 ارقام خلف الكارت، غير 16 رقم الى على وش الكارت.
استعمل كارت صالح للنت سواء كارت نت او كريدت والتاكد من الفاتورة فى الشهر التالى، ولو لقيت مبلغ زيادة او مشتريات اخرى تبلغ فوراً البنك انها لا تخصك ويقوم البنك ببحث الموضوع، والغاء العملية لو كانت مشبوهه.
والسلام ختام
انا عامل فيزا الكترون علي بنك فيصل رسوم فتح حساب الإستثمار 30ج وبتاخد بطاقة الatm والفيزا الإلكترون رسومها 60ج وتحط رصيد 1000ج علشان يعملهالك ...الإيداع في حساب الإستثمار ميقلش عن 1000ج اقل من 1000 بيتحط في الحساب الجاري ومينفعش تسحب منه بالفيزا ممكن تسحب ببطاقة الatm بس من الحساب الجاري.
[جزاك الله خيرااقتباس:
المشاركة الأصلية كتبت بواسطة ahmed_rahem
انا ااقصد مثلا دفع فواتير مثلا زى التليفون او اشتراك النت وكلها حاجات جوه مصر
اقتباس:
المشاركة الأصلية كتبت بواسطة dr.hany
كلة عادى من غير مشاكل