ممكن تفتحوا السايت ده
2011 Mazda3 GX Maintenance Schedule | Sunridge Mazda
اللى انا فهمته ان المازدا بتعمل صيانات كل 8000 كم و 24000 كم و 48 و 96 ألف
ايه رأيكم؟؟؟؟؟؟؟ وهل دا اللى بيحصل فى غبور؟؟؟؟؟؟؟
عرض للطباعة
ممكن تفتحوا السايت ده
2011 Mazda3 GX Maintenance Schedule | Sunridge Mazda
اللى انا فهمته ان المازدا بتعمل صيانات كل 8000 كم و 24000 كم و 48 و 96 ألف
ايه رأيكم؟؟؟؟؟؟؟ وهل دا اللى بيحصل فى غبور؟؟؟؟؟؟؟
افتكر ان كل الشرق الاوسط نفس السياسه لاني في السعودية برده بعمل صيانة كل 5000 كم وبرده بكع المبلغ المحترم كل مره:untitled 1:
أيوة بس الفانتازيا مثلا بتروح التوكيل كل 15000 كم
ومابتروحش فى أول 1000 كم
انا خايف ان التوكيل بيبقى عايز يلم فلوس وخلاص....................+ العميل مابيشوفش ايه اللى بيحصل فى عربيته
ربنا يسترها
كتالوج المازدا فيه جدول صيانة لكل منطقة في العالم على حدة، مش فاكر الشرق الأوسط كان إيه، بس أعتقد كل 10000... ممكن أتأكد وأبقى أقولك
بصراحة اول مرة اشوف كده !!!!
وغبور باشا فى سابع نومة اشك انه عارف اصلا ان توكيل مازدا معاه
ده جرى وعمل اعلانات من سنتين بس اول ما سمع انهم ناويين يسحبوا منه التوكيل
المتعارف عليه صيانات 5000 و10000
انما 8000 او كل 4 شهور ده جديدة !!
طيب ايه مبرر انه بيعملها كل 5000 كم مش 8000
احنا ممكن نبعت ميل لليابان زى موضوع شكوى قطع الغيار
ونسألهم الصيانات بتتعمل كل أد ايه
لأن انا متأكد ان لو اتصلنا بغبور..........هنسمع أكبر فتى فى الدنيا
ايه رأى باقى الأعضاء فى الموضوع ده؟؟؟؟؟؟؟؟
كل 5 او 10 لأنه المتعارف عليه برضه ان تغيير الزيوت باختلاف انواعها بتتم كل 5 الاف / 6 شهور او 10 الاف / سنة ايهما اقرب ومضاعفاتها
وكمان صيانة الاجزاء الاخرى من فلاتر وسيور وسوائل وغيرها بتتم كل 10 الاف كم ومضاعفاتها
الاقرب للصحة فى موضوع مازدا انه بتكون القياس بالميل مش بالكيلو متر والله اعلم
والله التوكيل ده لو اتسحب من غبور ......أنا متوقع ان المازدا هتبقى منتشر انتشار فظيع
مع ان التميز مطلوب.......بس عشان قطع الغيار والصيانات فى التوكيل
بص هو العربية بقالها معايا 3 شهور وعملت حوالي 4 ألاف كيلو... يعني لسة مقدرش أحكم على الاعتمادية، بس كدرايفنج أكسبيرينس، العربية فعلا مميزة.... أنا سقت عربيات كتير جدا، بس بجد العربية دي فيها حاجة مختلفة، وأكتر حاجة ممتعة تعملها بالعربية إنك تاخد بيها ملف على سرعة كبيرة، حتحس فعلا إنك سايق عربية مختلفة... الثبات بتاعها متميز جدا جدا جدا. وجودة الخامات الداخلية برضه من أكثر ما يميز العربية.
من شهر كدة كنت برة مصر وأجرت عربية ميجان 2010 قعدت معايا أسبوع... عايز أقولك إن أنا حمدت الله أياميها إني مجبتش الفلوينس... عشان فعلا المازدا أنعم يكتيييييير، ودي حاجة بالنسبة لي في غاية الأهمية.
مشاكل العربية من وجهة نظري هي الندرة والكنبة الخلفية اللي مش واسعة قوي (بس مش ضيقة جدا برضه زي ما في ناس بتقول)... همة دول بالنسبة لي الحاجتين الوحيدين اللي ممكن مضايقني في العربية.... والندرة مش دايما بتبقى عيب برضه..... ممكن تبصلها على إنها نوع من التميز :)
الإلانترا ميزتها الوحيدة من وجهة نظري هو الانتشار,,,,, بس كدة... صعب أوي إن انت تلاقي حاجة تانية فيها أحسن من المازدا
طيب والندرة دى ليها تأثير على قطع الغيار
وهل تنصحنى اشترى سيفيك موديل 2010 عاملة 15000 كم ب 130000 ولا اجيب مازدا زيرو؟؟؟؟
هو طبيعي إن الندرة تخلي قطع الغيار أقل انتشارا..عشان السوق دايما يخضع لقواعد العرض والطلب.... بس متخليش الموضوع ده يقلقك أوي في حالة المازدا... عشان الموديل الواحد بيقعد سنوات كتير، وبالتالي المجموع النهائي لعدد السيارات المازدا في مصر يسمح بخلق سوق قطع غيار جيد به عدد غير قليل من الموردين، وكمان وجود وكيل رسمي (على الرغم من كونه غبور) بيساهم في توافر قطع الغيار.
أما بأة بخصوص الهوندا..... فمتفكرش كتير وتوكل على الله وهات المازدا... سعر العربيتيتن في العالم كله تقريبا واحد... فرق الـ 30 ألف جنيه اللي موجودين هنا في مصر سببهم سياسة الفطيم التسويقية ليضع الهوندا في position معين في السوق... وفي نفس الوقت غبور مقلل في أرباحه من المازدا عشان يروج للعربية، وبالتالي فكك من موضوع الهوندا المستعمل ده نهائي
أن معايا العربيه و عامل بيها 25000 ك و هى فعلا مميزه بش عند 180بتفصل و قالولى فى التوكيل أن هو ده نظامها كمان موضوع قلة انتشارها عاملى مشكله شويه بس فكر من زاويه تانيه انك كده مميز كمان موضوع سعرها فى السوق بينزل كتير بعد فترة قليله
بص يا باشا انا من وجهة نظرى المحدودة احب اقولك هات السيفيك بس متهالى انها ممكن تنزل شوية كمان
على فكرة انا معايا مازدا 2008 والعربية ماشاء اللة عليها تحفة
بس لو كان معايا فلوس السيفيك اكيييد كنت هجبها
بالنسبة لى ان العربيتين زى بعد
لا طبعا
المازدا 105 هورس بور
السيفيك 140 هورس بور
السيفيك عربية اتقل وارسى من المازدا عربية ماشاء اللة عليها
وطبعا الراى فى الاخر ل حضرتك
لو جبت مازدا يبقى اهلان بيك فى عيلة المازدا
لو سيفيك يبقى كسبنا اخ لينا فى عيلة الهوندا وانت كسبت عربية اداء وشكل جبارة
وابقى ادينى لفة بقى :ma::ma::ma: