يا جماعه انا اسف على العنوان بس بجد انا تعبت....
مش عارف العيب فيا ولا في معارض العربيات..... مش معقوله بقالي اكتر من 3 اسابيع بدور على فلونس 2012 E3 لون اسود او نبيتي او فيراني او كحلي ((يعني مش معقد)) ولو كانت بفتحه سقف برضوا مش مشكله وللاسف مش لاقي ابدا...

روحت للمصريه قالولي ما نزلتش وبيعرض عليا 2011 بنفس السعر ((مش عارف اشتم ))

روحت لمحمد زكي اللي على الكورنيش ... ماعندوش خلفيه عن 2012 وبرضوا بيكلمني على 2011
روحت لمعرض عربيات اللي في المهندسين برضوا معندوش غير 2011
روحت لاباظا اللي في التجمع ماعندوش غير لون دهبي فقط ولما رحت اتفرج عليها قالي ماعنديش !!!
روحت لسمير ريان لقيتها عنده بس لقيت الطانبير مصديه وقالي بــ140 قلتله اكتبلي عرض سعر قام كاتبه 141 .... والله هو ده اللي حصل عيني عينك .... ماعجبنيش الاسلوب سبتوا ومشيت.
روحت للتوكيل في المهندسين حسيت انهم بيطفشوني ((بيقولي استلام بعد شهرين ونص)) .

حد يعرف معرض محترم عنده طلبي ؟؟؟؟؟
والله انا بقيت حاسس ان العيب فيا انا وبقيت افكر جديا اني اغير بحاجه تانيه


تم تغيير عنوان الموضوع ليتناسب مع المحتوى
مشرف رينو
ب9
8:41pm
31/10/2011