خواطر بسيطة حول الموتور الاستيراد

**nicegypt** · 30-10-2011 11:23 PM

بما ان واحد صاحبنا موتورة ودع .. فعايز اتكلم على مواتير الاستيراد خصوصا انى عاصرت قصص كتير مع الاستيراد ف عربيات مختلفة ... اولا : لازم تعرف ان من حقك ترجع المكنة خلال شهر لو حصل فيها حاجة مش طبيعية .

ثانيا : تجار الاستيراد مش بيجربو المكن قبل ما يشترو .. ايوة محدش بيجرب .. بيسيب الزبون يجرب لان معالية مش فاضى يجرب .. ولما الزبون يرجع لة بمكنة بايظة ساعتها بيشوف ان كان هيرجعها ولا يلبسها لحد تانى وتستفيد من دة اية ؟ انك تعرف ان الحاجة اللى معاك مش لازم تشتغل بكل كفاءة وانك جبت استيراد خلاص ركب وشغل لاء .. ركز مع المكنة وخليها دايما ف مرحلة اختباااااار
واعمل حسابك انك ممكن ترجعها ف اي وقت لان حضرتك اللى بتجرب المكنة وليس البائع

ثالثا : ازاي تتأكد ان المكنة شبة سليمة بالعين المجردة ؟ طبقا للى حصل معايا ف مكنة فيرنا
اول حاجة بص على المسامير بتاعتها .. لازم تكون مختومة بشمع احمر .. ايوة شمع مش لون
خلي بالك لان فية حرامية بيحط لون احمر ودي اونطة .. الشمع بمجرد ما تضرب فية مفتاح بيطير .. ودة يأكد لحضرتك ان المكنة محدش قرب منها وانها فبريكة ...

تاني حاجة : بص على وش السليندر .. لان فية بعض التجار عديمي الضمير بياخدو مواتير محلية يعنى مشيت ف مصر .. ويغير لها وش سليندر ويعمل لها نص عمرة ويقولك استيراد
وش السليندر الفبريكة مش بيكون ورق كرتون ف 99 % من العربيات بيكون معـدن صاج وفية طبقة كاوتشوك خفيفة من جوة .. بص علية لو لقيتة كارتون ورق مش صاج ابعد عن المكنة دى

تالت حاجة : بصيت ع المسامير ؟ بصيت على وش السليندر ؟ بص على اي ترشيح للزيت
او لو المكنة مغسولة قوي ونضيفة .. دى تبقى واضحة قوي .. ابعد عنها احسن المفروض متبقاش مغسولة وبتبرق

رابع حاجة : هات مفتاح وحطة ف اي مسمار ف المكنة من الهيد او وش السليندر
ولف لفة خفيفة كأنك بتفك .. بس اوعى تفك .. لو لقيتة فك معاك صاروخ يبقى المكنة دى اونطة اتفكت قبل كدة .. لقيتة تقيل معاك سيبة .. بعد ما تشتري المكنة بقى كمل .. وركز قوي
المسماير الفبريكة بيكون فيها مادة على المسمار نفسة من جوة .. لما بتفك المسمار لازم تحس بتكة وانت بتفك .. يأما المسمار يكون تقيل ف البداية .. بعد كدة يلف معاك بكل سهولة وميقفش ف الفك ابداَ ..

رابعـاَ : فية بعض المكن زى الريجاتا والتيمبرا ومش فاكر اية تانى ممكن يدور ف الارض بدون ميركب .. الصوت هيبقى عالى جداَ طبعا دة العادي بس لاحظ والمكنة دايرة فية تنفيس للزيت ولا لاء .. هل خرطوم الفايز بيضرب زيت وعامل دخنة زرقة دال على حرق الزيت داخلة

دة اللى ف بالى حالياَ .. اخلص اكل السندوشت دة ونكمل .. ولو فية حد حابب اضافة اي معلومة بخصوص الموضوع يتفضل طبعا

**فتح الباب** · 30-10-2011 11:58 PM

اشكرك على الدقه المفيده للكل ياباشا

**mrwho1982** · 31-10-2011 12:16 AM

حلو الموضوع ده

تسلم الايادي يا حسين باشا

**ashouhdy** · 31-10-2011 12:17 AM

Perfect ! just perfect

**ahmed_h_g** · 31-10-2011 12:28 AM

موضوع ممتاذ
الف شكر

**madyyuri** · 31-10-2011 10:07 AM

الف شكر يا عم سحس

ويا تري صاحبك عمل ايه جاب موتور ولا عمل عمره؟

**nicegypt** · 31-10-2011 07:08 PM

المشاركة الأصلية كتبت بواسطة madyyuri

الف شكر يا عم سحس

ويا تري صاحبك عمل ايه جاب موتور ولا عمل عمره؟

صحبي عمل عبيط هههههههه
هتلاقية قاعد جواها وقافل الازاز وعمال يعيط هههههههه
المفروض تعمل واجب وتجيب لة مكنة امال صحبة ازاي
وانا عليا الزيت والفلاتر
جهز قرشين يالله عشان نتصل بية بكرة وننزل نجيب لة مكنة على حسابك : -)

شاكر لكم جميعا لكل من قام بأضافة رد .. الموضوع مفتوح لكل من يريد اضافة خبراتة وربنا يحفظ مواتيرنا
جميعاَ .. ويخفف رجلنا عليها