ميجان 2005 ... هل فيها مشكلة في الفيتيس الأوتوماتيك؟؟؟

**engineer05** · 31-10-2011 12:31 AM

السلام عليكم,

قريت في منتدي تاني أن الميجان 2005 فيها مشكلة في الفيتيس الأوتوماتيك و هو بيقول أن المشكلة دي أكدهاله مهندس التوكيل و قاله إنها اتصلحت في الميجان 2006 ..... حد عنده فكرة عن مدى صحة الموضوع دة لأني معروض علي ميجان 2005 وبفكر جدياً أشتريها...

أفيدونا أفادكم الله

**shawkylotfy** · 31-10-2011 12:46 AM

هو مفهوش مشكلة هو مع الاستخدام والحر والزحمة بيحصل فى مشاكل

**engineer05** · 31-10-2011 01:28 AM

المشاركة الأصلية كتبت بواسطة shawkylotfy

هو مفهوش مشكلة هو مع الاستخدام والحر والزحمة بيحصل فى مشاكل

جزاك الله خير يا أستاذ شوقي
يعني المشاكل في الموديل دة (2005) بس ولا في كل الوديلات
و امشاكل دي عبارة عن ايه؟ وبتتصلح بتغيير زيت فيتيس مثلا ولا لازم أغير الفيتيس كله؟

**shawkylotfy** · 31-10-2011 05:46 AM

المشاركة الأصلية كتبت بواسطة engineer05

جزاك الله خير يا أستاذ شوقي
يعني المشاكل في الموديل دة (2005) بس ولا في كل الوديلات
و امشاكل دي عبارة عن ايه؟ وبتتصلح بتغيير زيت فيتيس مثلا ولا لازم أغير الفيتيس كله؟

المشاكل دية فى كل الفرنساوى لا هو هو الفتيس على العموم الى يقةللم فتيس الميجان 2005 غير فتيس الميجان 2009 يبقى مبيفهمش ... هو هو بس مغيرين السوفت وير علشان يخلى شعورك بالنقلة اقل انما هو بتاع 2005 كزيرو مفيهوش مشاكل طبعا انما المشاكل بتظهر مع سوء استخدام قرص كتير يعنى كل شوية كيك دون وجرى .. مش كيلو مترات يااااماا... كل ماشية فى زحمة غريبة زى بتاعتنا فى عز الحر الظهر فى الصيف ... فتيس DP0 مش بيستحمل الكلام دة ....... شوف اللينك دة ....... http://www.nilemotors.net/Nile/254104-2-2005-a.html

**minicooper20** · 31-10-2011 05:46 AM

مافهوش حاجه غير ناتشه بسيطه فى التانى ده الحسيتو

**engineer05** · 31-10-2011 10:39 AM

طيب و السوفتوير دة مش ممكن يتحدث في التوكيل؟؟؟ المفروض إن دة كلام بسيط لو على قد السوفتوير..

**engineer05** · 31-10-2011 01:03 PM

أفيدونا يا جماعة الخير

**Hegazio** · 31-10-2011 01:16 PM

مافيش مشكلة في فتيس 2005 .. كان فيه مشكلة في السوفتوير بتاع سنة 2005 و اتلغي بنزول سوفتوير جديد نزل سنة 2006 و نزل واحد تاني سنة 2008
الفتيس هو هو في جميع الموديلات
عربيتي اللي كانت معايا قبل الفلوينس كانت 2005 و كانت معايا في السعودية ( تركي عادية ماتفرقش عن بتاعة مصر كتير ) و كنت ايام في درجات حرارة 54 و لونها اسود .. لا الفتيس اشتكي ولا الموتور .. بس التكييف اشتكي في الحقيقة ههههه