ازيك يا خااالد
العربيه دي مش ح تحتاج حاجه خاالص وماتورها زيه زي الكورسا سي ال1400
عرض للطباعة
ازيك يا خااالد
العربيه دي مش ح تحتاج حاجه خاالص وماتورها زيه زي الكورسا سي ال1400
على فكرة شكل 2012 الجديد موجود ف سيتى ستارز و هو احلى بكتير من 2011
انا بصيت فيها على حاجات كتيرة بس مستني استلمها و امشي بيها عشان اقولكو رأيى
و بالنسبه للستاذ طناني اوعده ان اللفه بالكورسا هاتبقى بسعر مغري ليه هو بالذات :Oc_sun1[1]:
الكورسا 2012 شكلها جاامد موووت بس هل ياترى هيا احسن حاجة في الفئة السعرية دي اعتقد اعلى فئة با 133 الف ياريت لو حد جاب ال الكوسا 2011 ينقلنا خبرته وسؤال اخير هيا تجميع الماني لاني سمعت كده كلمة برازيلي جت في النص كده من واحد فياريت حد يأكدلينا المعلومة دي والف مبروك مقدما ياباشا العربية تجنن وابتدت تلعب في دماغي
اسبانى
بولندى
بلجيكى
حاجه من التلاته دول ..والتلاته مفيش فيهم مشكله تقفيل نضيف جدا جداااااااا
المانى احتمال بس صعبه شويه :(
و متصدقش منصور فى الى يقوله
انت تبص فى الافراج الجمركى بتاعها هتلاقيه مكتوب فيه بلد المنشأ
منصور السنادي عامل شغل انا بس رحت شفتها وقالولي موبيلك وكل شوية يتصلو هل في امل انهم يتحسنو لاني سمعت عن منصور العجب صراحة
ههههههههه يتحسنو ؟
امبارح قعدت تلت ساعه على التليفون معاهم عشان اعرف مصنعيه تركيب ديسك و اسطوانه
والاخر واحد قالى مش عارف :)
قلتله ابقى اسأل الست الوالده و هى تقولك و قفلت
هههههههههههههههههههههه
شكل مفيش منهم امل
طيب رايكم اصرف نظر ولا ايه انا عموما مبحبش وجع الدماغ وعايز عربية تريحني فيا ترى لو سبت الكورسا ممكن افكر في ايع
من ناحيه الامل ..لا مفيش امل اصل الفكره كلها ان هناك فى التوكيل مفيش كبير ...الفنى خايف من المهندس و المهندس خايف من المدير و المدير خايف من الى فوقه و الى فوقه خايف من الى فوقه ..محتاجين واحد فوق اوى بقى يقول القرار ...و للاسف مفيش حد يقول قرار ..فتسمع اجابات من نوعيه معلش ..بلدنا وحشه ..الطرق مكسره ..العيب ده غريب ..او ينكر العيب اصلا ..او العربيات دى قرف (بكسر ال ق ) او خليها الصيانه الجايه ..او خلى بااااااااااااااااالك هنفك فرض الباب او هنفك العفشه كلها او هنفك التابلوه ( ده الى هو اسلوب الترهيب)
و هتسمع اسعار كويسه جدا ..خاصه اخواتنا (الى انا منهم) و معاهم فيكترا سى ...تلاقى زبون زيى واقف فى الخزنه دافع 14 15 الف عشان يغير فانوس و اكصدام ..او 3500 عشان يركب مرايه كهرباء ..وتسمع دايما واحد بيزعق و يشتم( لو فى فرع العامريه يبقى الواحد ده انا بكل تاكيد) عشان داخل بالعربيه سليمه طلعت بايظه ..او داخل بيها بايظه طلعت بايظه اكتر ...
المهم ..العربيات الاوبل لا غبار عليها ..لكن مفيش شىء كامل ..الكمال لله وحده ..وارد ان يحصل عيب بسيط ..هايف ..و طبيعى جدا التوكيل ميصلحش العيب و ينكره ..و تكره انت نفسك ...
لو جبت العربيه و مشيت معاك صيانات فقط لا غير ..مش هتحس بمشكله التوكيل اوى يعنى ...لكن لو باب عمل صوت تزييق !! التوكيل مش هيعرف يعملهولك وهيقولك مفيش حاجه و بعدين يقولك اه ده صوت من العفشه و يحل العفشه تقوله ده من الباااااااااب هيقولك لا ده السربنتيه قافشه على الكاتينه و ماثره على نفسيه الباب و ده عامل صوت مسمع فى العفشه كده يعنى و هتكره العربيه و التوكيل و الالمانى و العربيات و التكنولوجيا و الدنيا كلها
المهم
انت عاوز حاجه هاتش باك بردو ؟؟
ولا ممكن تركب سيدان عادى ؟؟
و لازم مثلا المانى او حاجه اوروبى ؟؟
اصل عندك الالنترا و السيراتو و اللانسر الشارك و المازدا 3 و عندك الميجان الهاتش باك
من الى ذكرته ده انا بفضل المازدا 3
واضح يا استاذ خالد ان حضرتك اتظبطت من التوكيل وانا بصراحة حاسس بيك بس دمك عسل وياريت حد من التوكيل يقرى اللي انت كاتبو ويحسو على دمهم شوية
بالنسبالي انا محتار جامد ومش فارقة معايا اصلا هاتش باك ولا سيدان انا بس عاوز عربية مريحة وخلاص وتكون ياباني او اوروبي ونفسي مش جاية ع الكوري
المازدا جامدة جدا وكانت اصلا اختياري الاول بس سمعت كمان عن اللي غبور عامله معاها وقطع غيارها اللي اغلى من الالماني
انا صراحة من الاخر عاوز عربية تكون مريحة وتستاهل تمنها لاني كاره جشع السادة البشوات مصاصين دماء اي حد عاوز يركب عربية محترمة