هل الكلام دة صح عن الشيروكي؟؟؟؟

سلام عليكم
كل سنة وانتوا طيبين
يا جماعة انا كنت عايز اشتري جيب شيروكي وكان عاجبني اوي الشكل الجديد المهم لما جيت اشتري ناس قالولي ما تجيبش الجديدة هات اللبيرتي من غير كلام دي احسن من الجديدة ومعرف عنها كدة؟فهل الكلام دة صحيح؟ويقصدوا احسن من ناحية اية؟اصل الشكل الجديد عاجبني جدا

ثانيا ناس قالولي الشيروكي عربية سخان بتسخن جامد جدا؟والناس اللي جابيتها بتشتكي منها ؟انا مش مقتنع فهل الكلام دة صح؟
وقالوليلي العربية اللي تحفة بجد bmw x3 ؟بس المشكلة ان شكل البي ام القديم دة مش عاجبني قوي اي نعم بي ام بس شكلها مش عاجبني زي الشيروكي الجديدة؟رايكم اية؟؟
ياريت حد يساعدني
واسف للاطالة جدا

طبعا الشيروكي الجديدة لا تقارن بالx3 .. بص .. فعالم ال 4*4 ده بعض الخبرات لا تعوض
و اللي قالك القديمة احسن .. اعذرني مالوش فيها

أنا هقول لك نصيحه بغض النظر عن الموضوع .. لو مش هتسنخدم العربية فى سفارى أو صحرا أو رحلات .. يبقى هات عربية سيدان أحسن.

و هو بلدنا الجميلة بمطباتها و حفرها و شوارعها الغير ممهدة دي مش سفاري يا راجل !!! ده أسوأ من السفاري بكتير
و لسه لما المطر ينزل و مالوش تصريف .. يا سيــــــــــــــــــدي

اقتباس:

---

المشاركة الأصلية كتبت بواسطة kareemz

أنا هقول لك نصيحه بغض النظر عن الموضوع .. لو مش هتسنخدم العربية فى سفارى أو صحرا أو رحلات .. يبقى هات عربية سيدان أحسن.

---

انا مع الراى دا +1111111111111111111

اقتباس:

---

المشاركة الأصلية كتبت بواسطة kareemz

أنا هقول لك نصيحه بغض النظر عن الموضوع .. لو مش هتسنخدم العربية فى سفارى أو صحرا أو رحلات .. يبقى هات عربية سيدان أحسن.

---

اقتباس:

---

المشاركة الأصلية كتبت بواسطة hegazio

و هو بلدنا الجميلة بمطباتها و حفرها و شوارعها الغير ممهدة دي مش سفاري يا راجل !!! ده أسوأ من السفاري بكتير
و لسه لما المطر ينزل و مالوش تصريف .. يا سيــــــــــــــــــدي

---

1111111111111111
أنا مع الرأيين دول
شوارعنا المهببه بمطباتها ببلاعتها حتى بأسفلتها محتاج عربية عالية وقوية زى الشيروكى
وعلى النقيض تماماً شوارعنا برده معظمها ضيقه و زحمة جدا وعدم توافر أماكن للباركنج عربية زى الشيروكى بتكون عاملة زى الجبل فى الشارع وعبئ على صاحبها فى البحث عن مكان يركن فيه وعبئ فى صيانتها وفى قطع غيارها وفى استهلاكها للبنزين بخلاف عربية سيدان صغيره

x3 فرأيي أنا أحسن وبعدين دي sedan like drive يعني مريحة جدا

اللي يقولك بقى ليبرتي أحسن من الجديدة سيبه وامشي عشان الجديدة أحسن في كل حاجة كفاية الوسع بتاعها
العربية دي مابتسخنش زي ماالناس بتقول أنا سافرت بيها 300 كيلو على 160 وبعدين ساعة واقفة في الزحمة ماسخنتش فلو فيه أكتر من كده يبقى الله أعلم
العربية دي مشكلتها في استهلاك البنزين و jeep كله كده لإن المواتير بتاعتها عفية قوي يعني مثلا شيروكي 2010 سافرت من هليوبلس لمارينا ومعاها e280 الشيروكي فولت من مارينا وال e280 رجعت باللي فاضل في التنك
بالنسبة للراحة فالعربية هي مش زي sedan أو x3 هي أنشف شوية عشان كده بتبقى متعبة شوية عنهم

شوف الشكل الجديد فل x3 إيه ظروفه أو اتكل على الله في الشيروكي الجديدة
وأكيد طبعا إنت مش جايبها عشان البلاعات والمطر وال كلام ده ..

مع احترامى اللى قالك الشيروكى سخان يبقى اكيد حران من سعرها
لكن مافيش وجه مقارنه بين الشيروكى والx3
الشيروكى عربيه ممتازه وقطع غيار الجديد منها غالى
الx3 مالهاش حل لكن قطع غيارها ناااااااار ( عليك وعلى الوارد)
وطبعا الاتنين صيانة وكاله

ال x3 الجديدة وهم ! وكفاية وسعها ونعومتها

انا متشكر ليكم جدا يا جماعة بجد ربنا يكرمكم
انا مشكلتي ان الطرق في مصر زفت ومطبات وكمان بحتاج اروح اماكعض الاحيان طرق مكسرة وتقرف وبالذات لما اكون نازل البلد انا معايا جيتا وكمان خليجي وما ادراكم واطية بطريقة غير عادية
وبتسبب مواقف محرجة ممكن يكون حد معاك كبير من العيلة مثلا وتيجي في مطب العربية مش عايزة تعدية وتخيل بقي لما تنزل ناس كبار كارثة الكوارث غير ما تلاقي بلاعات واقفة كانها راجل ههههههههههههه
فصراحة الوضع يضايق فعلا مع ان الجيتا عربية تحفة بمعني الكلمة
فانا مش عايزها سفتري ولا حاجة انا عايز عربية عالية و في نفس الوقت ناعمة ومريحة فعشان كدة باسالكم

شيروكى احسن

اقتباس:

---

المشاركة الأصلية كتبت بواسطة amz2011

شيروكى احسن

---

اية دة؟معقول الشيروكي حضرتك احسن من x3 ؟
طب حضرتك وجهة نظرك اية؟

شفت المرسيدس الـ glk ؟؟؟

اقتباس:

---

المشاركة الأصلية كتبت بواسطة vtc

شفت المرسيدس الـ glk ؟؟؟

---

اة شفتها حلوة صراحة بس انا راي البي ام الشكل الجديد احلي ولا راي حضرتك اية؟

لو على الشكل انا بتعجبني اكتر المرسيدس او البي ام x1 :)

والمرسيدس 3.5 والبي ام X3 3.0

ياباشا الموضوع مش مواتير بس ولا ارتفاع عن الأرض وخلاص
ال glk والله ماعجبتش ناس كتير قوي
كفاية إنها ضيقه قوي وبعدين بصراحة شكلها مش حلو خالص عاملة فيها ال a و ال b كلاس الفاكسين دول

الground clearence بتاع المرسيدس وحش

على فكرة فرق السعر بين ال x3 والشروكي كبير مش قليل والمقارنة كدا عاملة زى فيرنا ولانوس وبنفصل بينهم !!! ياريت صاحب الموضوع يوضح حدود السعر

bmw x3 افضل بمراحل واصلا ال x3 مش منافس الشيروكى ليبيرتى لان المنافس بتعاها هية ال x1 على ما اعتقد

[youtube]http://www.youtube.com/watch?NR=1&v=HvqQuC_8VrM[/youtube]