حكايتى مع كلبش المرور

**احمدعبدالعزيز** · 31-10-2011 10:42 AM

السلام عليكم ورحمة الله

الحكايه بختصار ان كنت فى مول سان استفانو وركنت العربيه امام المول ولما رجعت لاقيت العربيه متكلبشه والصراحه انا غلطان لانى عارف ان المكان دى ممنوع وعموما قولت اروح ادفع المخالفه وامرى لله ..

روحت سألت العسكرى قالى الظابط واقف على البحر روحت على البحر مالقيتش حد واقف لاقيت عسكرى تانى سألته عايز افك الكلبش قالى الظابط واقف عند الترام رجعت تانى مالقيتش حد بداءت اشعر بالتعب والقرف روحت العربيه وانتظرت اكثر من نص ساعه ومعايا المدام والولد ومش عارف اعمل اول مره اتكلبش واتحط فى الموقف الزباله ده ..

وبعد شوايه لاقيت واحد زميلى فى الشغل جاى يسلم عليه وهو بيضحك ويقول فك الكلبش وامشى وسيبك منهم قولتله وهو ينفع قالى ينفع عملتها قبل كده فى القاهره !!!!!!

بصراحه يا جماعه انا غلط وفكيت الكلبش بنفسى وكمان راميته جنب الرصيف ومشيت ومش عارف ايه عقوبة فك الكلبش ياريت حد يقولى هو غرامه وله ايه النظام واسف على الاطاله ..

**Ahmed Nasser** · 15-11-2011 11:04 PM

متااابع

**wama00** · 24-11-2011 03:45 AM

متابع

**fahmy91** · 06-12-2011 12:17 PM

والله يا ريس انا سجلت عشان ارد على موضوعك
انا شوفت الكلبش اللى انت كونت رامييه قداام المول على الرصييف ومووت على نفسى من الضحك
على منظره
بوص العقوبه حسب لوحه العقوبات

المخالفة : إزالة أو فك الكلابش بمعرفتك
الغرامة : ٢٠٠ إلى ١٠٠٠ جنیھ.
العقوبة : الحبس مدة لا تزید عن ستة أشھر.

العقوبه الحبس لو مدفعتش المبلغ لو دفعت مفيش حبس بس انا بقولك مفيش حاجه هتحصل قريبى فكه مرتيين بمعرفته وراح جدد محصلش اى بتنجاان ربنا معااك اى كلبش يقابلك فك امو ههههههههههههههه

**Elawany13** · 06-12-2011 02:35 PM

هو الكلابش بيتفك بسهولة كده !!!!!

**elhelawy** · 07-12-2011 07:26 AM

انت كنت خت الكلابش معاك احسن من 100 جهاز انزار تركن عربيتك فى اى حته وتكلبشها وتطلع تنام برحتك وتروح عملوا مفتاح عند اى خراط :))
بس يا ريت تقلنا انت فكيتوا ازاى علشان نستفيد