أنا عربيتى بيكانتو 2012 وعاوز أحطمنظف الأنجيكشن stp لأن السحب عندى والتجميع ضعف فمكتوب على العلبة أنة يتحط على 21 جالون أى 79 لتر والعربية تنكها 35 لتر فأحط نص العلبة ولا عادى أحطها كلها ياريت الرد وبسرعة من أهل الخبرة والتجربة
عرض للطباعة
أنا عربيتى بيكانتو 2012 وعاوز أحطمنظف الأنجيكشن stp لأن السحب عندى والتجميع ضعف فمكتوب على العلبة أنة يتحط على 21 جالون أى 79 لتر والعربية تنكها 35 لتر فأحط نص العلبة ولا عادى أحطها كلها ياريت الرد وبسرعة من أهل الخبرة والتجربة
بص يا ريس انا بحطو للانسر عادي وبيكون 20-30 لتر عادي والحمد لله عمرو ما عملي مشاكل
بس لو كان عادى مكانوش أكدوا على أنه لازم يتحط على 21 جالون يعنى 79 لتر أنا خايف من تأثيرة لأن العربية لسة زيرو
انت مشيت بالعربيه كام كيلو و السحب ضعف بقاله د ايه؟؟
الموضوع بتاع السحب بدأ معايا من أول 2500 كيلو بس لأنى أعتقد بسبب مرة مشيت والتنك كان فاضى تماما وبعدين التموينة اللى بعدها بدأ يحصل معايا كده بس العربية معايا بعد الحركة دى بقت تعمل كده عند ربع التنك الأخير وبعدين أفول ولمل تقرب على نص التنك الخنقه تفك والسحب يبقى ممتاز وبعدين لما أقرب على الربع الأخير يحصل كده تانى
بصراحة بستخدم STP من اول العربية ما كانت جديدة وعمره ما حسيت معاه بحاجه
اول مرة من اسبوع جبت منظف رشاشات من Liqui Moly
بصراحة ده اول واحد يزود سحب العربية فعلا
لاحظ ان عربيتي مفيهاش فلتر بنزين
موجود في شارع دمشق
كل واحد مسعره على مزاجه بس سعره 30 جنيه
اسمه Injector cleaner
بحب احطه في بنزينه على تانك نص فاضي وبعدين افوله عشان اخلطه بالبنزين
وياريت لو تمشي بعديه على طريق طويل او سكة سفر
فعلا لأول مرة اقول بثقة اني حسيت اختلاف في العربية
I tried stp it is ok but from what I read I think liqui moly will even be better
ياريت ياجماعه محتاج ردود علشان أطمن أحط العبوةكلها ولا نصها
بص يا باشا لنت لو حطيته مفيش مشكله بس انا اعتقد انها مش مشكله تنضيف رشاشات انت ممكن تحط العربيه على الجهاز عند اى ميكانيكى او لو بتعمل صياناتك فى التوكيل لو فيها حاجه حتبان عليه او ممكن يعملوا ريست للكنترول و العربيه تظبط معاك او تكون مشكله حساس من الحساسات عموما جرب تحطها على الجهاز قبل الانجكتور كلينر و ربنا يوفقك للاصلح وطمنى عملت ايه
ألف شكر ياأستاذ titos_81 هشوف الموضوع ده وأجرب وهبقى أعرف حضرتك