طبعا كلنا عارفين ان غسيل الحوض بالمياه الشديدة بتاعة مدفع المياه في محطة البنزين من اخطر ما يكون علي مكونات الموتور الكهربائية و ملحلقاته ما هي انسب طريقة للغسيل دون اضرار؟؟؟
عرض للطباعة
طبعا كلنا عارفين ان غسيل الحوض بالمياه الشديدة بتاعة مدفع المياه في محطة البنزين من اخطر ما يكون علي مكونات الموتور الكهربائية و ملحلقاته ما هي انسب طريقة للغسيل دون اضرار؟؟؟
اعتقد انسب طريقة اسبراي التنظيف.
بص يا معلم .... انا بغسل الموتور من وقت للتاني ... لا بنزينة ولا حاجة ... انت تجيب خرطوم المية المحترم من الجنينة و الشبشب طبعا اهم حاجة و سيجارتك و تقف زي الباشا كده ...
و رش ولا يهمك كأنك بتسقي الزرع انا بعمل كده عالطول بس متجيبش مية على الecu و متجيبش مية كتير فوق علبة الفيوزات ....
و بعد ما تخلص رش فوم موتور و سيبه لحد ما ينشف و دور الموتور عشان الحرارة تنشف المية ... وادعيلي ...
المهندس عاصم حيخش دلوقتي يقتلني عشان مش ييحب موضوع غسل الموتور ده هههههههههههه ربنا يستر
عيش حياتك لا تقلق الموتور معزول كويس و الاسلاك و كل حاجة ...
ممكن تغسل بالمسدس بس تبعده عن الكابوت
يعني تعمله بس من على بعد علشان ميبقاش فيه ضغط عالي على المناطق الحساسة وهيا عبارة عن كمبيوتر العربيه وهو معروف مكانه في الياريس ولو غطيته يبقى كده ميه ميه
وبعديها اضرب هواء في الكابوت علشان تزيل كل المياه اللي موجوده فيه
ماااااااااااااتغسلش الماتوووووووووووور ولا الحووووووووووض سيبه بزباااااااااالته كدا الى صنعوووووه صنعووه لانه يشتغل فى اسوء الظروف الى مش ممكن انتا تتخيلها
انا بجد بتضايق من الى بيغسل الماتور حرام بجد عليكم
اتحدى حد من يوم ما جاب العربيه واشتكى من الماتور انه مش بيتغسل
خلاص يعنى حوض الماتور مش هتبقى ماشى والناس عماله تتفرج عليه ولا كل واحد هيفتح الكبوت ويقولك الماتور متوسخ
ارحمواا نفسيكم بقى انتوا غاويين تصرفوا مصاريف ملهاش لزمه
تخيل البوابه الكهربا اتحرقت بسبب الميه ؟؟؟ هتصرف اد ايه علشان تغيرها ؟؟
تخيل الكمبيوتر اتحرق ؟؟ هتصرف اد ايه ؟؟؟
تخيل حساس من الحساسات اتحرق هتصرف اد ايه ؟؟
ايه الى هيبوظ من الوساخه ؟؟؟ اتحدى حد هنا محركه باااااااااااظ من الوساخه
الى بيبوظ البلى بتاع الكاتينه والدينامو والتاكيف وكل حاجه الميه لانه بيشيل الشحم من على الحاجات دى
الى بيبوظ السيور الميه ومحدش يقولى الميه بتطريه علشان انا هتضايق كدا
الى بيبوظ كهرباء الماتور والفيش بتصدى الميه
كل حاجه بتبوظ فى المحرك من السوائل ومش لازم من اول مره ولا 20 مره بس هتبوظ هتبوووووووووظ
عايز تشيك على نفسك هاتلك حته فوطه مبلوله او زفره وامشى على الماتور كدا بايدك فقطططططط وشيل الغطاء الى مكتوب عليه vvti واغسله كويس هوا والعمه بتاعت الهوا ومع السلامه
عايز تحافظ على التاكيف ماتحطش نقطه ميه على المحرك ولا فوم
عايز تحافظ على الدينامو والسيور والكهرباااااااااااا ماتحطش نقطه ميه على المحرك ولا فوم
اللهم اانى بلغت اللهم فاشهد محدش يرجع يندم بعد فوات الاوان
تحياتى لك ولكم ............ م/عاصم جاد
ملحوظه اخيره
الحاجه الوحيده الى تغسلها بالميه وتكون بضغط عالى هيا الرادياتير فقط
موافق على الكلام دة مليون فى المية
ورثنة عادة من ايام عربيات الستينات و السبعينات اللى كل اجزاءها ميكاتيكال ودايما تهرب زيت والاسلاك الوحيدة هى سلك الموبينة فجرت العادة بغسيل الماتور بجاز ومية
العربيات الحديثة زاى مقال asmex مصمم للعمل فى اقصى الظروف وكل اجزاءها حساسة لا تتحمل المياة
تخيل انك بتغسل اللاب توب لانة مترب و شكلة وسخ تحت الحنفية
محدش يغسل ماتور ب المية
كلاكيت ثانى مرة اللهم انى قد بلغت اللهم فااشهد
ههههههههههههههههههه مش قلتلكم حيخش يقتلني ههههههههه:10_1_102v[2]:
طب يا جماعة سؤال لولبي معلش:grin54::grin54: طالما غسيله مضر كده ليه بيصنعوا فوم موتور و لما تروح التوكيل تعمل صيانه بيغسله؟؟:Ka_che1[1]:
لأن انا سائل الميكانيكي بتاعي اللي شغال في التوكيل و بيقولي عادي عيش حياتك ...
و بعدين مش ممكن الحساسات تبوظ من التراب ؟ زي حساس الهوا مثلا ؟ هو كان باظ عند واحد صاحبي في عربية لانسر من التراب .. بس هو مكنش مركب فلتر هوا اصلي ...:U_thin1[1]:
متهايألي الموضوع عادي طالما مش بتجيب مية كتير عالحساسات او الفيوزات او الecu مثلا ....
معلشي مع كامل احترامي للمعارضين لغسيل العربية
ايوه كلامكم صح غسيل الماتور بميه جامد مش صالح لكل العربيات وبيبوظ حاجات كتير مع استمرارية الغسيل بمية بصفه دورية
ولكن
زي ما المية بتيوظ ..... فالتراب ايضا بيبوظ اي حاجه
ومعروف ان عدو الألكترونيات والحساسات هو التراب
غسيل الماتور بمية له شروط
أولها عدم الأستمرارية بمواعيد متقاربة على هذا يعني اغسلها كل كام شهر مثلا او للضرورة غير كده انفخ هواء فقط
ثانيا ان العربية متكونش ذات تكنولوجي عالي يعني فيه شغل حساسات كتير في كل حته في الكابوت وده غالبا مش هتلاقيه الا في الألماني
ثالثا مكان كمبيوتر العربيه يعني اشهر عربيه في موضوع ان الكمبيوتر بيبوظ لو جه مية في الكابوت هيا الأوبل
رابعا ان بعد الغسيل من مسافة وليس عن قرب بمسدس المية الضغط العالي تنفخ هواء بخرطوم ضغط هواء عالي بحيث تزيل غالب المية اللي في الكابوت علشان الحاجات اللي هيا زي سير الكاتينة وبلية الدينامو والكمبروسور وغيره
على فكره انا بقالي حوالي 8 سنوات بغسل عربياتي بالمية في الكابوت وعمر ما حصل حاجه ولكن هما كانوا ياباني وكوري
بس بعمل بالشروط اللي فاتت دي بانتظام