ألو .. لأ محمد في السجن أصله كسر إشارة امبارح !
ألو ممكن أكلم محمد ؟
لأ محمد في السجن أصله مشي عكس امبارح و الحكومة ضبطته متلبس .. هيخلص مدته كمان اسبوع .. نقوله حاجة اما ربنا يفك سجنه ؟!
حوار تخيلت يحصل مع حد من أهل أصحابي اما قانون المرور الجديد يطلع و اللي بتصل فيه بعض العقوبات للحبس بدون بديل مادي (يعني مينفعش تدفع كفالة و تطلع)
هل أنت مع أم ضد هذا المبدأ ؟
انا شخصيا معاه .. لأن سلوكيات الناس في الشارع محتاجة فعلا سيف يغيرها .. كل واحد بيبقي مفكر الشارع ده عزبته يمشي زي ماهو عايز و يقف فين ماهو عايز .. بيبقي نفسي اوقف كل واحد اقوله يكونشي الشارع بتاعك و انا معرفش !؟
و اللي بيمشي يعمل غرز و يسوق بطريقة همجية بيعرض حياة الأخرين للخطر زيه زي اللي بيهدد الناس بسكينة .. و لازم يعامل معاملة المجرم .. لأنه أجرم في حق الأخرين .. و الحدق اللي بيمشي عكس عشان مكسل يمشيله ربع كيلو لحد الملف ده لازم ياخد علي دماغه ! لازم كل واحد يراعي اللي حواليه عشان كلنا نمشي .. و لازم يبقي فيه عقوبة قاسية فعلا عشان محدش حتي يفكر يعمل حاجة كدة ولا كدة .. انشالله العقوبة تبقي مؤبد .. طالما انت ماشي صح مش مهم العقوبة تبقي ايه
و لكن السؤال .. هل سيطبق القانون فعلا ولا القرشين اللي في جيب الأمين ولا الضابط هيحلوا الموضوع ؟
كيف سيتم السيطرة عليه حتي لا يصبح قوة في يد كل ضابط **** فا يبقي في ايده يلبس اي واحد تهمة تحبسه ؟
==============
تنبيه للعضو بالإلتزام بقواعد المنتدى
يرجى مراجعة القواعد
وشكرا